Галоўная Адукацыйныя матэрыялы па МУР Постэры «Мэты ўстойлівага развіцця. Дасягнем разам»

Постэры «Мэты ўстойлівага развіцця. Дасягнем разам»

25 верасня 2024

З мэтай павышэння ўцягнутасці школьнікаў і студэнтаў у працэс дасягнення Мэт устойлівага развіцця Каардынацыйным цэнтрам «Адукацыя для ўстойлівага развіцця» БДПУ распрацавана серыя постэраў «Мэты ўстойлівага развіцця. Дасягнем разам» і метадычныя рэкамендацыі да правядзення заняткаў з іх выкарыстаннем, якія дазволяць арганізаваць абмеркаванне Парадку дня -2030 з навучэнцамі і студэнтамі ў інтэрактыўным фармаце.

Постэры распрацаваны на аснове матэрыялаў ААН і ЮНЕСКА ў рамках Моладзевай кампаніі «Насустрач будучыні, якой мы хочам», прысвечанай 75-годдзю Арганізацыі Аб’яднаных Нацый у Рэспубліцы Беларусь.

Вынікам гэтай дзейнасці стане не толькі паглыбленне ў разуменне каштоўнасцей і Мэт устойлівага развіцця, іх значэння і ролі ва ўласным жыцці, але і распрацоўка праектных ініцыятыў па дасягненню Мэт устойлівага развіцця.

Постэры «Мэты ўстойлівага развіцця. Дасягнем разам»

Асноўныя патрабаванні да правядзення заняткаў з выкарыстаннем серыі постэраў «Мэты ўстойлівага развіцця. Дасягнем разам»

Памяшканне
Памяшканне павінна быць дастаткова прасторным для арганізацыі працы малых груп ці працы вялікай групы ўдзельнікаў у коле.Неабходна наяўнасць дошкі або фліпчартаў, дастатковая колькасць сталоў і крэслаў. Паспрабуйце арганізаваць працоўную прастору так, каб стварыць нефармальную, дружалюбную атмасферу, загадзя расстаўце сталы і крэслы для камфортнай працы малых груп.

Постэры
Размясціце раздрукаваныя постэры на сценах кабінета, дошцы ці на фліпчартах у памяшканні для заняткаў. Калі Вы працуеце з электроннымі варыянтамі постэраў, закадуйце спасылкі на постэры, раздрукуйце некалькі лістоў з QR-кодамі і размясціце іх у даступных месцах.

Матэрыялы
Для правядзення заняткаў неабходны: серыя постэраў «Мэты ўстойлівага развіцця. Дасягнём разам», Кіраўніцтва па выратаванні свету для гультаёў, смартфоны/планшэты/кампутары з доступам у Інтэрнэт, аркушы паперы А3/А4, ручкі, маркеры, фліпчарты.

Метадычныя прыёмы правядзення навучальных заняткаў

Тэматычная гутарка «Мэты ўстойлівага развіцця: чаму гэта важна?»

Сусветнае кафэ «Мэты ўстойлівага развіцця: што можна зрабіць ужо зараз?»

Групавая дыскусія «Мэты ўстойлівага развіцця: праца для гультаёў»

«Мэты ўстойлівага развіцця: крок наперад» (фармат змешанага навучання)

Спектр меркаванняў

Парады па арганізацыі эфектыўнага ўзаемадзеяння

Меркаваныя вынікі правядзення заняткаў

Удзельнікі ведаюць:

значэнне ўсіх 17 МУР для сусветнай супольнасці і для свайго рэгіёна;
як унесці свой асабісты ўклад у дасягненне МУР;
як знайсці стэйкхолдэраў/партнёраў у школьнай, універсітэцкай і мясцовай супольнасці і наладзіць з імі супрацоўніцтва па дасягненні МУР.

Удзельнікі могуць:

вызначыць, якія Мэты з’яўляюцца ключавымі, прыярытэтнымі для развіцця іх рэгіёна;
прапанаваць праектныя ідэі для дасягнення прыярытэтных МУР у мясцовым кантэксце;
арганізаваць у супрацоўніцтве з іншымі членамі каманды сумесны праект па дасягненні ключавых МУР для рэгіёну.