9 чэрвеня 2022 года ў рамках XXVIII Міжнароднага форуму па інфармацыйна-камунікацыйных тэхналогіях «ТІБО-2022» адбыўся фінал міжнароднага конкурсу стартап-праектаў Belarus ICT Start-up Award. Арганізатарам конкурсу выступіў Мінскі гарадскі тэхнапарк пры падтрымцы Дзяржаўнага камітэта па навуцы і тэхналогіях Рэспублікі Беларусь.
Асноўная мэта конкурсу стартап-праектаў — стварэнне ўмоў для рэалізацыі прадпрымальніцкіх ініцыятыў у інавацыйнай дзейнасці, садзейнічанне выкарыстання лічбавых тэхналогій і рэсурсаў у якасці эфектыўнага інструмента сацыяльна-эканамічнага і інавацыйнага развіцця Рэспублікі Беларусь.
У 2022 годзе ў конкурсе прынялі ўдзел 110 інавацыйных прадпрыемстваў і стартап-праектаў, 20 з якіх былі адабраны для ўдзелу ў фінале. Узнагароджанне ўдзельнікаў праходзіла ў намінацыях «Лепшы інавацыйны праект» і «Лепшы маладзёжны стартап-праект». Асноўны вектар распрацовак 2022 года – медыцына, энергетычная галіна, IT-рашэнні для бізнесу і адукацыйныя праекты.
Правядзенне міжнароднага конкурсу стартап-праектаў Belarus ICT Start-up Award садзейнічае фарміраванню прадпрымальніцкага асяроддзя ў галіне інавацыйнай дзейнасці, падтрымкі стартап-руху ў Рэспубліцы Беларусь і робіць уклад у дасягненне Рэспублікай Беларусь Мэт устойлівага развіцця 1, 8, 9 і іншых МУР.
Вынікі міжнароднага конкурсу стартап-праектаў Belarus ICT Start-up Award даступны па спасылцы: http://www.gknt.gov.by/news/2022/ot_medrazrabotok_do_obrazovatelnykh_proektov_final_konkursa_belarus_ict_start_up_award_proshel_v_min/.
З 20 па 26 чэрвеня 2022 года ў Магілёве пройдзе Тыдзень моладзі і студэнцтва. Кожны дзень стане тэматычным і будзе прысвечаны аднаму з напрамкаў – навуцы, здароваму ладу жыцця, творчасці, патрыятычным праектам.
Правядзенне Тыдня моладзі і студэнцтва садзейнічае ўсебаковаму развіццю моладзі, стварае ўмовы для ўдзелу маладых людзей у грамадскім жыцці грамадства, а таксама робіць уклад у рэалізацыю Парадаку дня ў галіне ўстойлівага развіцця на перыяд да 2030 года.
З больш падрабязнай інфармацыяй аб Тыдні моладзі і студэнцтва ў Магілёве можна азнаёміцца па спасылцы: https://www.belta.by/regions/view/nauka-zdorovje-tvorchestvo-i-patriotizm-nedelja-molodezhi-projdet-v-mogileve-508020-2022/.
9 чэрвеня 2022 года ў рамках II форуму «Лічбавая эканоміка» адбылося тэматычнае пасяджэнне «Новыя падыходы ў рэінжынірынгу і цыфравізацыі адміністрацыйных працэдур». У ходзе мерапрыемства былі абмеркаваны вынікі першага этапа аптымізацыі асноўных падыходаў у дзяржаўным рэгуляванні ажыццяўлення адміністрацыйных працэдур для суб’ектаў гаспадарання, рэінжынірынг бізнес-працэсаў адміністрацыйных працэдур, перспектывы выкарыстання метададзеных пры распрацоўцы інфармацыйных рэсурсаў, сістэм, сэрвісаў, гарманізацыя дзяржаўных падыходаў да пераводу адміністрацыйных працэдур у лічбу і інш.
На гэты момант у рэестр уключана 729 адміністрацыйных працэдур. Для перабудовы бізнес-працэсаў ажыццяўлення адміністрацыйных працэдур і паскарэння іх цыфравізацыі створана спецыялізаванае агенцтва сэрвісызацыі і рэінжынірынгу.
Рэінжынірынг і лічбавізацыя адміністрацыйных працэдур уносяць важны ўклад у дасягненне Рэспублікай Беларусь Мэт устойлівага развіцця 9, 16 і іншых МУР.
З больш падрабязнай інфармацыяй аб цыфравізацыі адміністрацыйных працэдур можна азнаёміцца па спасылцы: https://economy.gov.by/ru/news-ru/view/irina-babachenok-segodnja-sozdana-neobxodimaja-infrastruktura-dlja-dalnejshej-optimizatsii-i-46481-2022/?fbclid=IwAR3pp41ns49TXuh2Ez_OaX-fAqEHMP_5Xw7SjsbhfPLr9K46e294e_yzOgo.
У Беларусі каля 250 тысяч людзей з інваліднасцю забяспечваюцца тэхнічнымі сродкамі рэабілітацыі. Асноўным вытворцам і пастаўшчыком пратэзна-артапедычных вырабаў і тэхнічных сродкаў сацыяльнай рэабілітацыі ў Беларусі з’яўляецца РУП «Беларускі пратэзна-артапедычны аднаўленчы цэнтр». У 2021 годзе цэнтр выпусціў больш за 118 тысяч розных сродкаў рэабілітацыі. Уся прадукцыя прадпрыемства вырабляецца і тэсціруецца сумесна з грамадскімі аб’яднаннямі і карыстальнікамі вырабаў.
За 2021 і бягучы перыяд 2022 года Беларускі пратэзна-артапедычны аднаўленчы цэнтр асвоіў вытворчасць 16 новых серыйных вырабаў, 6 вырабаў знаходзяцца на іспытах, а на 9 вырабаў ужо атрыманы рэгістрацыйныя пасведчанні.
Распрацоўка пратэзна-артапедычных вырабаў і тэхнічных сродкаў сацыяльнай рэабілітацыі пры ўдзеле людзей з інваліднасцю ўносяць важны ўклад у дасягненне Рэспублікай Беларусь Мэт устойлівага развіцця 3, 9, 10 і іншых МУР.
З больш падрабязнай інфармацыяй аб рабоце РУП «Беларускі пратэзна-артапедычны аднаўленчы цэнтр» можна азнаёміцца па спасылцы: https://mintrud.gov.by/ru/news-ru/view/vkalevich-kachestvennoe-sredstvo-reabilitatsii-sozdaetsja-tolko-v-tandeme-s-obschestvennymi-5623-2022/?fbclid=IwAR2eYbboIrVU_czbfTsnjLwazWhKvSTXMNPsvmrB-90gzU9raDXKZnU7Hfs.
10-11 чэрвеня 2022 года на базе ўстановы адукацыі «Гомельскі дзяржаўны ўніверсітэт імя Францыска Скарыны» праходзіць рэспубліканскі STEAM-фестываль. Тэмай фестывалю 2022 года стала «Чыстая вада». Да ўдзелу запрошаны каманды ўстаноў адукацыі ў складзе да 4 навучэнцаў 10-17 гадоў у суправаджэнні кіраўніка каманды.
На пляцоўцы фестывалю прадстаўлены дасягненні беларускай навукі ў галіне біялогіі і фізікі, праводзяцца майстар-класы па напрамках: тэхналогія, канструяванне, інжынірынг, матэматыка, конкурсныя мерапрыемствы па асновах сучаснага праграмавання ў асяроддзі Scratch, канструяванню на базе платформы Arduino, стварэнню інтэрактыўных інтэрнэт-дадаткаў з выкарыстаннем HTML, CSS, JavaScript.
Правядзенне рэспубліканскага STEAM-фестывалю садзейнічае развіццю ў падрастаючага пакалення матывацыі да пазнання, самаадукацыі і творчасці ў сферы інфармацыйных тэхналогій і ўносіць уклад у дасягненне Рэспублікай Беларусь Мэт устойлівага развіцця 4, 9 і іншых МУР.
Падрабязней з праграмай STEAM-фестывалю можна азнаёміцца па спасылках: https://steam.events/steam-2022, https://www.sb.by/articles/budushchie-uchenye-i-programmisty-v-gomele-prokhodit-respublikanskiy-steam-festival.html
8 чэрвеня 2022 года на пляцоўцы Інстытута эканомікі Нацыянальнай акадэміі навук Беларусі адбыўся круглы стол па абмеркаванні палажэнняў праекта Канцэпцыі дзяржаўнай палітыкі рэгіянальнага развіцця Рэспублікі Беларусь.
Прадстаўнікі навуковай супольнасці і дзяржаўных органаў абмеркавалі асноўныя тэндэнцыі рэгіянальнага развіцця на сучасным этапе, падыходы да ацэнкі вынікаў рэалізацыі Канцэпцыі, пытанні прыцягнення інвестыцый у рэгіёны, абмяняліся прапановамі па ўдасканаленні праекта дакумента.
Рэалізацыя Канцэпцыі рэгіянальнага развіцця ўключае два блокі:
Акрамя таго, Канцэпцыяй прадугледжана рэалізацыя ідэі «Вёскі будучыні», якая ўключае паляпшэнне ўмоў пражывання ў 24 населеных пунктах.
Распрацоўка і рэалізацыя Канцэпцыі дзяржаўнай палітыкі рэгіянальнага развіцця Рэспублікі Беларусь дасць магчымасць знізіць ступень міжрэгіянальнай дыферэнцыяцыі, павысіць узровень даходаў насельніцтва і ўнясе ўклад у дасягненне Рэспублікай Беларусь Мэт устойлівага развіцця 1, 8, 9, 10, 11 і іншых МУР.
З больш падрабязнай інфармацыяй аб распрацоўцы Канцэпцыі можна азнаёміцца па спасылцы: https://economy.gov.by/ru/news-ru/view/tatjjana-brantsevich-realizatsija-kontseptsii-regionalnogo-razvitija-znachitelno-snizit-mezhregionalnuju-46476-2022/.
7 чэрвеня 2022 года ў рамках праграмы II Форума «Лічбавая эканоміка» адбыўся семінар-нарада «Механізмы падтрымкі зялёных тэхналогій і цыркулярных бізнес-мадэлей для паскарэння рэгіянальнага развіцця», арганізаваны Міністэрствам прыродных рэсурсаў і аховы навакольнага асяроддзя Рэспублікі Беларусь сумесна з Праграмай развіцця ААН у Рэспубліцы. Беларусь.
У мерапрыемстве прынялі ўдзел прадстаўнікі рэспубліканскіх органаў дзяржаўнага кіравання, мясцовых органаў улады, бізнесу, устаноў адукацыі, міжнародных арганізацый, суб’ектаў інавацыйнай інфраструктуры.
У ходзе семінара-нарады ўдзельнікі абмеркавалі ролю сеткі падтрымкі стартап-руху і малога інавацыйнага прадпрымальніцтва ў фарміраванні спрыяльнага бізнес-асяроддзя, ключавыя аспекты развіцця зялёнай і цыркулярнай эканомікі ў адпаведнасці з Нацыянальным планам дзеянняў па развіццю «зялёнай» эканомікі ў Рэспубліцы Беларусь на 2021 – 2025 гады, рэгіянальнае развіццё з ужываннем зялёных тэхналогій, зялёныя рашэнні для пераходу ад «разумных» гарадоў да «разумных» рэгіёнаў, фарміраванне дадатковых інструментаў прасоўвання зялёнай эканомікі і інш.
Правядзенне семінара-нарады «Механізмы падтрымкі зялёных тэхналогій і цыркулярных бізнес-мадэлей для паскарэння рэгіянальнага развіцця» робіць важны ўклад у дасягненне Рэспублікай Беларусь Мэт устойлівага развіцця 8, 9, 10, 11, 12, 13, 15 і іншых МУР.
Відэа семінара-нарады «Механізмы падтрымкі зялёных тэхналогій і цыркулярных бізнес-мадэляў для паскарэння рэгіянальнага развіцця» даступна па спасылцы: https://minpriroda.gov.by/ru/video-ru/getRecord/664/.
З 6 па 10 чэрвеня 2022 года ў Мінску праходзіць XXVIII Міжнародны форум па інфармацыйна-камунікацыйных тэхналогіях «ТІБО-2022». Арганізатарам мерапрыемства выступае Міністэрства сувязі і інфарматызацыі пры ўдзеле іншых дзяржаўных органаў, бізнесу, прафесійнай і навуковай супольнасці, міжнародных экспертаў.
Міжнародны форум уяўляе сабой унікальную пляцоўку для абмену перадавым міжнародным вопытам у сферы інфармацыйных тэхналогій, генерацыі інавацыйных ведаў і абмеркавання перспектыў эфектыўнага ўкаранення найноўшых тэхналагічных трэндаў у розныя сектары эканомікі, сацыяльную сферу і сістэму дзяржаўнага кіравання.
У 2022 годзе праграма «ТІБО-2022» уключае больш за 30 тэматычных мерапрыемстваў, сярод якіх пленарнае пасяджэнне «Лічбавая будучыня», II Форум «Лічбавая эканоміка», V Беларускі ІКТ Саміт, IV Еўразійскі лічбавы форум. У рамках «ТІБО-2022» пачала работу выстава ІТ-праектаў беларускіх і замежных кампаній.
У апошні дзень работы форуму пройдзе падвядзенне вынікаў інтэрнет-прэміі «ТІБО-2022», конкурсу стартапаў Belarus ICT Startup Award і рэспубліканскага конкурсу па падтрымцы і развіццю маладзёжных ініцыятыў «Агра 4.0».
Правядзенне XXVIII Міжнароднага форуму па інфармацыйна-камунікацыйных тэхналогіях «ТІБО-2022» садзейнічае развіццю і ўмацаванню міжнароднага супрацоўніцтва ў ІТ-сферы і ўносіць уклад у дасягненне Рэспублікай Беларусь Мэт устойлівага развіцця 9, 17 і іншых МУР.
З больш падрабязнай інфармацыяй аб «ТІБО-2022» можна азнаёміцца па спасылках: https://tibo.by/about/, https://www.belta.by/tech/view/shulgan-tibo-razvivaet-i-ukrepljaet-mezhdunarodnoe-sotrudnichestvo-v-it-sfere-506197-2022/.
Беларусь размешчана ў зоне залішняга пераўвільгатнення глебы, таму большасць меліярацыйных сістэм прызначаны для асушэння зямель. Для забеспячэння захавання праектных норм асушэння пабудавана 4948 меліярацыйных сістэм.
Падтрыманне функцыянавання, рэканструкцыя меліярацыйных сістэм прадугледжана ў Дзяржаўнай праграме «Аграрны бізнес» на 2021-2025 гады. У 2022 годзе меліярацыйныя арганізацыі павінны забяспечыць належную эксплуатацыю, аднаўленне гідратэхнічных збудаванняў, зрабіўшы ўпор на вільгацезапасы. Таксама варта акасіць не менш за 160 тысяч км каналаў, выдаліць драўняна-хмызняковую расліннасць на 3,5 тысячы км, адрамантаваць каля 4 000 водарэгулюючых збудаванняў.
Рэканструкцыя меліярацыйных сістэм і эфектыўнае выкарыстанне зямель уносіць важны ўклад у дасягненне Рэспублікай Беларусь Мэт устойлівага развіцця 2, 9, 15 і іншых МУР.
З больш падрабязнай інфармацыяй аб меліярацыйных сістэмах Беларусі можна азнаёміцца па спасылцы: https://www.sb.by/articles/belvodkhoz-v-2022-godu-melioratory-otremontiruyut-okolo-4-000-vodoreguliruyushchikh-sooruzheniy-.html.
КАРТА САЙТА
