15 снежня 2021 года адбылася цырымонія ўзнагароджання пераможцаў і прызёраў Рэспубліканскага конкурсу інавацыйных праектаў 2021 года.
Рэспубліканскі конкурс інавацыйных праектаў праводзіцца Дзяржаўным камітэтам па навуцы і тэхналогіях і Беларускім інавацыйным фондам пры ўдзеле Міністэрства адукацыі, Нацыянальнай акадэміі навук Беларусі, ГА «Беларускі рэспубліканскі саюз моладзі».
У 2021 годзе на конкурс было пададзена 145 заявак, з якіх 54 у намінацыі «Лепшы інавацыйны праект», 91 – у намінацыі «Лепшы маладзёжны інавацыйны праект». У фінал выйшла 36 праектаў. Найлепшымі распрацоўкамі сталі інавацыі ў галіне медыцыны, энергетыкі і матэрыялазнаўства.
Савет конкурсу вызначыў у кожнай намінацыі аднаго пераможцу і пяць прызёраў. Пераможцы атрымалі грашовыя прызы ад арганізатараў у памеры ад 840 да 2494 беларускіх рублёў. Таксама былі адабраны 5 праектаў, якія атрымаюць сродкі на камерцыялізацыю ў памеры 16,5 тыс. беларускіх рублёў.
Пераможцам у намінацыі «Лепшы інавацыйны праект» стаў урач-нейрахірург Гомельскай абласной клінічнай бальніцы – Кавалёў Яўген Уладзіміравіч з праектам «Тэхналогія стварэння індывідуальных навігацыйных шаблонаў у хірургіі пазваночніка з прымяненнем адытыўных 3D-тэхналогій».
У намінацыі «Лепшы маладзёжны інавацыйны праект» 1 месца заняла старшы навуковы супрацоўнік у НПЦ па матэрыялазнаўству НАН Беларусі, кандыдат фізіка-матэматычных навук – Станчык Алена Віктараўна, якая прадставіла праект «Гнуткія сонечныя элементы новага пакалення».
Правядзенне Рэспубліканскага конкурсу інавацыйных праектаў садзейнічае ўключэнню моладзі ў інавацыйную дзейнасць, а таксама робіць уклад у дасягненне Рэспублікай Беларусь Мэт устойлівага развіцця 8, 9, 11 і іншых МУР.
З больш падрабязнай інфармацыяй аб Рэспубліканскім конкурсе інавацыйных праектаў 2021 года можна азнаёміцца па спасылцы: http://gknt.gov.by/news/2021/v_minske_vybrali_luchshie_innovatsionnye_proekty_2021_goda/.
17 снежня 2021 г. на базе Беларускага дзяржаўнага педагагічнага ўніверсітэта ім. М.Танка прайшоў фестываль інавацыйных АУР практык. Фестываль стаў заключным мерапрыемствам Дэкады «Адукацыя ў інтарэсах устойлівага развіцця для ўсіх».
Нацыянальны каардынатар па дасягненні Мэт устойлівага развіцця А.М. Ісачэнка накіраваў удзельнікі фестывалю прывітальны адрас.
Пастановай Савета Міністраў Рэспублікі Беларусь ад 10 снежня 2021 г. №710 зацверджаны Нацыянальны план дзеянняў па развіццю «зялёнай» эканомікі ў Рэспубліцы Беларусь на 2021–2025 гады.
Нацыянальны план закліканы сфарміраваць комплекс мер па прыярытэтных напрамках у адпаведнасці з асноўнымі палажэннямі Праграмы сацыяльна-эканамічнага развіцця Рэспублікі Беларусь на 2021-2025 гады. У лік прыярытэтных напрамкаў «зялёнай» эканомікі ўвайшлі:
Акрамя таго, асаблівая ўвага будзе ўдзяляцца распрацоўцы галіновых і рэгіянальных стратэгій развіцця, якія даюць магчымасць улічваць галіновыя асаблівасці, сацыяльна-эканамічны стан тэрыторыі, а таксама патрэбнасці ўсіх груп насельніцтва.
Прыняцце Нацыянальнага плана дзеянняў па развіццю «зялёнай» эканомікі на 2021-2025 гады ўносіць істотны ўклад у рэалізацыю Павесткі-2030, а таксама ў дасягненне Рэспублікай Беларусь Мэт устойлівага развіцця.
З больш падрабязнай інфармацыяй аб Нацыянальным плане можна азнаёміцца па спасылцы: https://pravo.by/novosti/novosti-pravo-by/2021/december/67779/.
14 снежня 2021 года ў Магілёве прайшоў Лічбавы форум #GBCregions (Дзяржава. Бізнес. Грамадзяне — рэгіёны). Прыярытэтнымі напрамкамі форуму былі лічбавыя рашэнні ў сферах прамысловасці, транспарту і будаўніцтва.
Арганізатарамі мерапрыемства выступілі Нацыянальны цэнтр абмену трафікам, Нацыянальны цэнтр электронных паслуг, а таксама Беларускія хмарныя тэхналогіі пры падтрымцы Аператыўна-аналітычнага цэнтра пры Прэзідэнце Рэспублікі Беларусь і Магілёўскага абласнога выканаўчага камітэта.
У рэгіянальным форуме прынялі ўдзел кіраўнікі дзяржаўных органаў і арганізацый, абласнога і раённых выканаўчых камітэтаў, прадстаўнікі IT-кампаній, банкаў, бізнесу і навучальных устаноў.
Удзельнікі абмеркавалі пытанні лічбавай трансфармацыі розных сфер жыцця: асноўныя трэнды лічбавай эканомікі галін прамысловасці, будаўніцтвы і транспарта; укараненне ID-карт і беспілотнай тэхнікі; выкарыстанне тэхналогій 5G; развіццё электроннага ўрада; абарону персанальнай інфармацыі; асноўныя палажэнні Закона Рэспублікі Беларусь «Аб абароне персанальных даных» і іншыя.
Прамысловасць, транспарт і будаўніцтва фарміруюць большую частку валавага дабаўленага кошту краіны. Лічбавізацыя і інфарматызацыя гэтых сфер — важнейшы элемент устойлівага развіцця, як эканомікі Магілёўскай вобласці, так і Беларусі ў цэлым.
Правядзенне Рэгіянальнага форуму #GBCregions накіравана на рашэнне задач Мэт устойлівага развіцця 7, 8, 9, 11 і іншых МУР.
З больш падрабязнай інфармацыяй аб лічбавым форуме ў Магілёве можна азнаёміцца па спасылках: https://www.sb.by/articles/tsifrovoy-forum-gbcregions-gosudarstvo-biznes-grazhdane-regiony-startoval-v-mogileve.html, https://www.sb.by/articles/budushchee-za-tsifroy.html, https://www.sb.by/articles/tsentr-upravleniya-dvizheniem-planiruyut-sozdat-v-belarusi.html.
Матына Юлія, Моладзевы амбасадар МУР 13 «Барацьба са зменамі клімату і яго наступствамі» прыняла ўдзел у паседжанні Рады па ўстойлівым развіцці, якое прайшло 13 снежня 2021 г. у Менску. У рамках кліматычнай позвы, разгледжанай на паседжанні Рады, Юлія распавяла пра ўклад моладзі ў дасягненне МУР 13.
Моладзевыя паслы МУР у супрацоўніцтве з Каардынацыйным цэнтрам «Адукацыя ў інтарэсах устойлівага развіцця» бяруць удзел у арганізацыі і правядзенні дыскусій, экалагічных акцый і праектаў, якія садзейнічаюць папулярызацыі ведаў і ўяўленняў аб МУР 13 сярод моладзі.
Сістэмнае ўключэнне моладзі ў працэс рэалізацыі кліматычных ініцыятыў садзейнічае:
13 декабря 2021 года в Минске состоялось заседание Совета по устойчивому развитию.
13 снежня 2021 года ў Мінску адбылося чарговае пасяджэнне Савета па ўстойлівым развіцці. Пасяджэнне Савета насіла тэматычны характар і было прысвечана выкананню Рэспублікай Беларусь кліматычнага парадку дня і дасягненню Мэты ўстойлівага развіцця 13.
У ходзе пасяджэння Савета былі абмеркаваны пытанні скарачэння Беларуссю выкідаў парніковых газаў да 2030 года, вынікі ўдзелу ў Канферэнцыі ААН па змяненні клімату, прасоўванне кліматычнага парадку дня ў рэгіёнах і галінах, уклад беларускай моладзі ў дасягненне ЦУР 13, ESG парадак дня і інш.
Запіс пасяджэння Савета па ўстойлівым развіцці даступны па спасылцы.
Запіс пасяджэння Савета па ўстойлівым развіцці даступны па спасылцы..
ААТ «Віцязь» будзе развіваць уласную сетку электразарадных станцый пад брэндам ISKRA для забеспячэння электраэнергіяй аўтамабіляў любых марак і іншых відаў транспарту на электрацязе.
У сетцы ISKRA будуць даступныя зарадныя станцыі магутнасцю ад 7,2 квт да 200 квт пераменнага і сталага току. Аб’екты будуць устанаўлівацца на пляцоўках, дзе ёсць магчымасць пакінуць аўтамабіль на паркоўцы і адначасова падключыць да электразараднай станцыі. Доступ да зарадных станцый сеткі ISKRA арганізаваны з дапамогай бескантактавых карт, разлічаных на пэўную колькасць кВт/г. Пры гэтым кампанія рыхтуецца забяспечыць кругласутачную анлайн-падтрымку сеткі ISKRA, а таксама завяршае тэставанне ўласнага мабільнага дадатку для выкарыстання сэрвісу і аплаты паслугі.
«Віцязь» ужо запусціў у тэставую эксплуатацыю дзве зарадныя станцыі ў раёне ўласнай вытворчай пляцоўкі ў Віцебску. У найбліжэйшых планах – адкрыццё першай брэндаванай электразараднай станцыі ў Мінску і яшчэ некалькіх аб’ектаў у спальных раёнах сталіцы. Акрамя таго, прадпрыемства ў супрацоўніцтве з РУП «ВА Беларуснафта» працуе над стварэннем універсальнага комплексу магутнасцю да 350 кВт, які дазваляе
Стварэнне сеткі электразарадных станцый, а таксама ўніверсальнага электразараднага комплексу ўносяць істотны ўклад у дасягненне Рэспублікай Беларусь Мэт устойлівага развіцця 7, 13, 15 і іншых МУР.
З больш падрабязнай інфармацыяй аб сетцы электразарадных станцый ISKRA можна азнаёміцца па спасылцы: https://www.belta.by/economics/view/vitjaz-budet-razvivat-sobstvennuju-set-elektrozarjadnyh-stantsij-pod-brendom-iskra-473377-2021/.
Павышэнне ўрадлівасці глеб з’яўляецца важным элементам устойлівага развіцця тэрыторый, харчовай і экалагічнай бяспекі.
Нацыянальнай акадэміяй навук Беларусі распрацаваны комплекс мерапрыемстваў па павышэнні ўрадлівасці і абароне ад дэградацыі глеб сельскагаспадарчых зямель на 2021-2025 гады, які прадугледжвае мерапрыемствы па аптымізацыі кіслотнасці ворных і лугавых зямель, вызначэнню аб’ёмаў вапнавання кіслых глеб і патрэбнасці ў вапнавых меліярантах. У комплексе таксама апісаны тэхналагічныя аспекты павышэння эфектыўнасці арганічных угнаенняў, выканана ацэнка балансу азоту, фосфару, калію, серы і вызначана патрэбнасць у мінеральных угнаеннях на 2021-2025 гады.
Акрамя таго, з мэтай павышэння прадукцыйнасці глеб і паляпшэння якасці вырошчваемай прадукцыі, вучоныя Інстытута глебазнаўства і аграхіміі НАН Беларусі распрацавалі больш як 20 новых форм вадкіх хелатных мікраўгнаенняў на аснове арганічных кіслот. Пяць хімічных прадпрыемстваў краіны ўжо ажыццяўляюць іх прамысловую вытворчасць.
Правядзенне мерапрыемстваў па павышэнні ўрадлівасці і абароне ад дэградацыі глеб садзейнічае захаванню глебавых рэсурсаў, рацыянальнаму іх выкарыстанню і недапушчэнню зніжэння патэнцыялу іх урадлівасці, што ўносіць істотны ўклад у дасягненне Рэспублікай Беларусь Мэт устойлівага развіцця 2, 3, 13, 15 і іншых МУР.
З больш падрабязнай інфармацыяй аб комплексе мерапрыемстваў па павышэнні ўрадлівасці глеб можна азнаёміцца па спасылцы: https://www.belta.by/society/view/kompleks-meroprijatij-po-povysheniju-plodorodija-pochv-razrabotali-v-nan-472920-2021/.
КАРТА САЙТА
