25 лістапада 2021 года ў Віцебску адбыўся чацвёрты Рэгіянальны форум #GBCregions (Дзяржава. Бізнес. Грамадзяне – рэгіёны).
Арганізатарамі мерапрыемства выступілі Нацыянальны цэнтр абмену трафікам, Нацыянальны цэнтр электронных паслуг і Беларускія хмарныя тэхналогіі пры падтрымцы Аператыўна-аналітычнага цэнтра пры Прэзідэнце Рэспублікі Беларусь і Віцебскага абласнога выканаўчага камітэта.
У мерапрыемстве прынялі ўдзел кіраўнікі дзяржаўных органаў і арганізацый, абласнога і раённых выканаўчых камітэтаў, прадстаўнікі IT-кампаній, банкаў, бізнесу і навучальных устаноў.
У ходзе форуму эксперты і ўдзельнікі абмеркавалі такія тэмы як інавацыі і цывравыя трансфармацыі ў нафтахіміі, энергетыцы, лясной і культурнай сферах; асаблівасці асноўных палажэнняў Закона Рэспублікі Беларусь «Аб абароне персанальных даных»; штучны інтэлект; біяметрычная ідэнтыфікацыя і іншыя.
Акрамя таго, у рабоце Рэгіянальнага форуму з дакладамі выступілі кампанія Huawei па тэме ўстойлівага развіцця і дасягнення вугляроднай нейтральнасці, а таксама ТАА «Беларускія хмарныя тэхналогіі» – па тэме распрацоўкі нацыянальнай смарт-платформы.
Правядзенне Рэгіянальнага форуму #GBCregions накіравана на рашэнне задач Мэт устойлівага развіцця 7, 8, 9, 11 і іншых МУР.
З больш падрабязнай інфармацыяй аб форуме можна азнаёміцца па спасылках: https://www.tvr.by/news/obshchestvo/regionalnyy_tsifrovoy_forum_gosudarstvo_biznes_grazhdane_startoval_v_vitebske/?utm_source=yxnews&utm_medium=desktop, https://www.belta.by/society/view/huawei-na-gbcregions-o-perspektivah-razvitija-zelenoj-energetiki-v-belarusi-471522-2021/?utm_source=yxnews&utm_medium=desktop.
18 лістапада 2021 года ў філіяле ДЦК «Цэнтры інклюзіўнай культуры» прайшоў круглы стол па тэме «Фарміраванне інклюзіўных адносін да людзей з інваліднасцю ў грамадстве».
Круглы стол арганізавала Гомельскае абласное грамадскае аб’яднанне «Інваліды-спінальнікі». У мерапрыемстве прынялі ўдзел прадстаўнікі абласных і гарадскіх органаў улады, сродкаў масавай інфармацыі, рада грамадскіх аб’яднанняў інвалідаў рэгіёну.
На круглым стале абмяркоўваўся план рэалізацыі праграмы «Даступнае асяроддзе – даступная Беларусь» на 2021-2025 год. План змяшчае наступныя напрамкі:
Акрамя таго, да абмеркавання былі прыняты пытанні ўзаемадзеяння са СМІ, працоўнай рэабілітацыі людзей з інваліднасцю, узаемадзеяння з тэрытарыяльнымі цэнтрамі сацыяльнага абслугоўвання насельніцтва і цэнтрамі народнай творчасці.
На Гомельшчыне жыве больш за 88,9 тысяч людзей з інваліднасцю. Праца па стварэнні ўмоў для ўцягвання гэтых людзей у актыўнае жыццё грамадства з’яўляецца важным укладам у дасягненне Рэспублікай Беларусь Мэт устойлівага развіцця 3, 8, 10, 11 і іншых МУР.
З больш падрабязнай інфармацыяй аб круглым стале можна азнаёміцца па спасылцы: https://gp.by/novosti/obshchestvo/news241233.html?fbclid=IwAR1zQ–xApOmAbw0lhheElvWxY0keoQFKLkikMHSflgkDv8yQwdEuylhQKrc.
19 лістапада 2021 года ў Магілёўскім раёне адбылося адкрыццё першай у рэспубліцы цыфравой падстанцыі класа напружання 330 кВ «Магілёў 330».
Падстанцыя «Магілёў 330» забяспечвае транзіт электрычнай энергіі паміж Магілёўскай і Гомельскай абласцямі ў аб’ёме 1490 мільёнаў кВт-гадз у год і з’яўляецца адной з самых буйных вузлавых падстанцый напружання 330 кВ.
У рамках праекта па рэканструкцыі «Магілёў 330» прыменены сучасныя тэхналогіі па апрацоўцы і зборы інфармацыі. Укаранёны сучасныя цыфравые трансфарматары току і напругі, аптычныя кабельныя сувязі паміж рознымі прыладамі. На лініях электраперадачы ўпершыню ўжыты прылады вызначэння месца пашкоджанні, якія працуюць па хвалевым прынцыпе. Удвая скарочаныя памеры пляца пад абсталяванне ў параўнанні з традыцыйнымі электрычнымі падстанцыямі такога класа напругі.
Прымяненне цыфравых платформ дазваляе больш эфектыўна адсочваць стан электрасетак і ў максімальна кароткія тэрміны ўстараняць парушэнні электразабеспячэння ў выпадку іх узнікнення, а таксама з’яўляецца адным з важнейшых напрамкаў прынятай ДВА «Белэнерга» Стратэгіі інфарматызацыі і цыфравой трансфармацыі да 2025 года.
У далейшым плануецца рэалізаваць такія праекты ў Гродзенскай вобласці і іншых энергазабеспячальных арганізацыях. У эксплуатацыю ўжо ўведзены цыфравой падстанцыі класа напружання 110 кВ.
Мадэрнізацыя падстанцыі «Магілёў 330» дазволіла значна знізіць эксплуатацыйныя і працоўныя выдаткі, павысіць надзейнасць электразабеспячэння, што з’яўляюцца важкім укладам ва ўстойлівае развіццё эканомікі, павышэнне камфортнасці пражывання людзей, а таксама ў дасягненне Мэт устойлівага развіцця 7, 9, 11, 12 і іншых МУР.
З больш падрабязнай інфармацыяй аб цыфравой падстанцыі напругай 330 кв можна азнаёміцца па спасылцы: https://www.minenergo.gov.by/press/glavnye–novosti/viktor–karankevich–prinyal–uchastie–v–torzhestvennoy–tseremonii–otkrytiya–pervoy–v–belarusi–tsifrovo/.
19 лістапада ва ўсім свеце святкуецца Сусветны дзень жаночага прадпрымальніцтва. Мэта гэтай грамадскай падзеі — натхніць і заахвоціць жанчын да рэалізацыі сваіх прадпрымальніцкіх ідэй, а таксама звярнуць увагу дзяржавы на патэнцыял жаночага прадпрымальніцтва для развіцця эканомікі і соцыума.
У Рэспубліцы Беларусь у сферы прадпрымальніцтва задзейнічана каля 60 тыс. жанчын або 31,5% ад агульнай колькасці прадпрымальнікаў, з якіх 68,8% — індывідуальныя прадпрымальнікі, 24,9% — працуюць на індывідуальнай аснове, ажыццяўляюць рамесную дзейнасць, 6,3% — заснавальнікі (сузаснавальнікі) арганізацый.
Мерапрыемствы па падтрымцы жаночага прадпрымальніцтва прадугледжаны ў Дзяржаўнай праграме «Малое і сярэдняе прадпрымальніцтва» на 2020—2025 гады.
З 2020 года Банк развіцця Рэспублікі Беларусь рэалізуе спецыялізаваны праект «Падтрымка жаночага прадпрымальніцтва». З 2021 года на пляцоўцы Цэнтра падтрымкі і развіцця жаночага прадпрымальніцтва Белінвестбанкам сумесна з Міністэрствам эканомікі праводзяцца мерапрыемствы па ўмацаванні патэнцыялу і нарошчванні жаночага бізнесу. Пры падтрымцы Праграмы развіцця ААН і Міжнароднай фінансавай карпарацыі ў сталіцы і рэгіёнах функцыянуюць пляцоўкі, якія даюць магчымасць жанчынам прайсці навучанне асновам прадпрымальніцкай дзейнасці.
Падтрымка жаночага прадпрымальніцтва ўносіць істотны ўклад у рэалізацыю Нацыянальнага плана дзеянняў па забеспячэнні гендэрнай роўнасці на перыяд да 2025 года, а таксама дасягненне Рэспублікай Беларусь Мэт устойлівага развіцця 5, 8, 10 і іншых МУР.
З больш падрабязнай інфармацыяй аб падтрымцы жаночага прадпрымальніцтва ў Беларусі можна азнаёміцца па спасылцы: https://www.sb.by/articles/biznes-na-vysokikh-kablukakh.html.
З мэтай зніжэння адміністрацыйнай нагрузкі і цыфравізацыі адміністрацыйных працэдур пастановай Савета Міністраў Рэспублікі Беларусь ад 15 лістапада 2021 г. №646 прадугледжана стварэнне Банкам развіцця Рэспублікі Беларусь спецыялізаванага агенцтва па сэрвісізацыі і рэінжынірынгу.
Да асноўных задач агенцтва будуць адносіцца:
Праца па ўдасканаленні адміністрацыйных працэдур накіравана на дасягненне Рэспублікай Беларусь Мэт устойлівага развіцця 9, 11, 16 і іншых МУР.
З больш падрабязнай інфармацыяй аб спрашчэнні адміністрацыйных працэдур і іх цыфравізацыі можна азнаёміцца па спасылцы: https://pravo.by/novosti/novosti-pravo-by/2021/november/67297/.
Пастановай Савета Міністраў Рэспублікі Беларусь ад 12 лістапада 2021 г. № 642 вызначаны меры па рэалізацыі Дзяржаўнай праграмы інавацыйнага развіцця Рэспублікі Беларусь на 2021-2025 гады.
Зацверджаны дакумент уключае:
У пералік праектаў па стварэнню новых вытворчасцей, якія маюць вызначальнае значэнне для інавацыйнага развіцця Рэспублікі Беларусь, уключаны 63 найменні, у тым ліку:
Рэалізацыя названых праектаў накіравана на дасягненне Рэспублікай Беларусь Мэт устойлівага развіцця 2, 7, 9, 11, 12 і іншых МУР.
З больш падрабязнай інфармацыяй аб мерах па рэалізацыі Дзяржаўнай праграмы інавацыйнага развіцця на 2021-2025 гады можна азнаёміцца па спасылцы: https://pravo.by/novosti/novosti–pravo–by/2021/november/67278/.
19 лістапада 2021 года ў Беларускім дзяржаўным універсітэце пры падтрымцы Фонду ААН у галіне народанасельніцтва адбудзецца VII міжвузаўская студэнцкая канферэнцыя «Дэмаграфічныя рызыкі XXI стагоддзя».
Маладыя людзі з розных краін атрымаюць магчымасць абмеркаваць найбольш праблемныя палі ў галіне дэмаграфіі асобных краін і рэгіёнаў і сацыяльна-эканамічнага развіцця, выказаць свой пункт гледжання наконт магчымых шляхоў іх рэгулявання ў Беларусі.
Навукоўцы ў галіне дэмаграфіі з вядучых універсітэтаў Еўропы выступяць міжнароднымі экспертамі. Студэнты, магістранты і аспіранты з Беларусі, Расіі, Казахстана, Кітая, Туркменістана прадставяць больш за 50 дакладаў па трох асноўных напрамках:
Правядзенне канферэнцыі садзейнічае пашырэнню міжвузаўскіх сувязей, абмену інфармацыяй і напрацоўкамі ў галіне дэмаграфіі, а таксама робіць уклад у дасягненне Мэт устойлівага развіцця 4, 5, 8, 11, 12, 17 і іншых МУР.
З больш падрабязнай інфармацыяй аб канферэнцыі можна азнаёміцца па спасылцы: https://www.belta.by/regions/view/mezhvuzovskaja–studencheskaja–konferentsija–demograficheskie–riski–xxi–veka–projdet-19-nojabrja–v-470045-2021/.
10 лістапада 2021 года падчас Адноўленага сегмента высокага ўзроўню 26-й сесія Канферэнцыі бакоў Рамачнай канвенцыі ААН аб змяненні клімату (COP26), Рэспубліка Беларусь далучылася да Дэкларацыі па лясах і землекарыстанні, накіраванай на прадухіленне страты лясоў.
Рэспубліка Беларусь падзяляе прынцыпы, накіраваныя на прадухіленне страты лясоў у свеце і мае вялікі рэгіянальны патэнцыял у галіне паглынання вуглякіслага газу, паколькі 40% тэрыторыі Беларусі пакрыта лясамі, якія паглынаюць трэць усіх выкідаў СО2.
Асноўную долю ў энергабалансе краіны займае прыродны газ, доля аднаўляльных крыніц энергіі складае больш як 9%, вядуцца работы па аднаўленню асушаных тарфянікаў, а таксама плануецца рэалізацыя праектаў па забалочванню яшчэ 1,5 млн. г. З уводам у эксплуатацыю Беларускай атамнай электрастанцыі выкіды парніковых газаў будуць зніжаны на 8%.
Дэкларацыя па лясах і землекарыстанні садзейнічае прадаўжэнню міжнароднага супрацоўніцтва па кіраванню ляснымі рэсурсамі, павышэнню прыярытэтнасці лясной праблематыкі ў агульным парадку дня ААН. Далучэнне да Дэкларацыі робіць уклад у рэалізацыю Позвы-2030, а таксама дасягненне Рэспублікай Беларусь 7,13,15,17 і іншых МУР.
З больш падрабязнай інфармацыяй аб далучэнні да Дэкларацыі можна азнаёміцца па спасылцы: https://minpriroda.gov.by/ru/news-ru/view/belarus-prisoedinilas-k-deklaratsii-glazgo-po-lesam-i-zemlepolzovaniju-3930/.
З 27 кастрычніка па 27 лістапада 2021 года праводзяцца грамадскія абмеркаванні экалагічнага даклада па стратэгічнай экалагічнай ацэнцы праекта «Стратэгіі ў галіне аховы навакольнага асяроддзя Рэспублікі Беларусь на перыяд да 2035 года».
Правядзенне грамадскіх абмеркаванняў ажыццяўляецца ў адпаведнасці з патрабаваннямі пастановы Савета Міністраў Рэспублікі Беларусь ад 14 чэрвеня 2016 г. №458 «Аб зацвярджэнні Палажэння аб парадку арганізацыі і правядзення грамадскіх абмеркаванняў праектаў экалагічна значных рашэнняў, экалагічных дакладаў па стратэгічнай экалагічнай ацэнцы, справаздач аб ацэнцы ўздзеяння на навакольнае асяроддзе, уліку прынятых экалагічна значных рашэнняў і ўнясенні змяненняў і дапаўнення ў некаторыя пастановы Савета Міністраў Рэспублікі Беларусь».
Стратэгія ў сферы аховы навакольнага асяроддзя Рэспублікі Беларусь на перыяд да 2035 года з’яўляецца дакументам прыродаахоўнага планавання і прагназавання, у якім вызначаюцца стратэгічныя арыенціры дзяржаўнай экалагічнай палітыкі.
Стратэгія ў галіне аховы навакольнага асяроддзя Рэспублікі Беларусь на перыяд да 2035 года будзе разгледжана на калегіі Міністэрства прыродных рэсурсаў і аховы навакольнага асяроддзя Рэспублікі Беларусь і адобрана яе вырашэннем.
Прыняцце Стратэгіі ў галіне аховы навакольнага асяроддзя Рэспублікі Беларусь на перыяд да 2035 года з’яўляецца важным укладам у рэалізацыю Парадаку дня ў галіне ўстойлівага развіцця на перыяд да 2030 года.
З больш падрабязнай інфармацыяй аб грамадскіх абмеркаваннях можна азнаёміцца па спасылцы: https://minpriroda.gov.by/ru/news–ru/view/uvedomlenie–o–provedenii–obschestvennyx–obsuzhdenij–ekologicheskogo–doklada–po–strategicheskoj–ekologicheskoj-3912/.
11 лістапада 2021 года ў Міжнародны дзень энергазберажэння адбылася ўрачыстая цырымонія ўзнагароджання пераможцаў рэспубліканскага конкурсу на суісканне прэміі за дасягненні ў галіне энергаэфектыўнасці, рэсурсазберажэння і экалагічнасці «Лідэр энергаэфектыўнасці Рэспублікі Беларусь – 2021».
У 2021 годзе ў конкурсе прымалі ўдзел толькі айчынныя прадпрыемствы, з якіх больш за 50% – навічкі. Больш за 80% удзельнікаў – буйныя і сярэднія прадпрыемствы. Каля 50% – дзяржаўныя арганізацыі. Усяго было зарэгістравана больш за сто конкурсных прапаноў у трох у намінацыях: «Энергаэфектыўны прадукт года», «Энергаэфектыўная тэхналогія года», «Энергаэфектыўны будынак года».
Лаўрэатамі-пераможцамі сталі прадпрыемствы, якія дасягнулі рэальных вынікаў у энергаэфектыўнасці і рэсурсазберажэнні. Уладальнікамі Ганаровых дыпломаў сталі 10 удзельнікаў конкурсу, 35 канкурсантаў былі адзначаны Дыпломамі пераможцы.
Абсалютны пераможца Конкурсу і ўладальнік узнагароды Гран-Пры – ДП «Віцебскае камунальнае вытворчае унітарнае прадпрыемства кацельняў і цеплавых сетак».
Правядзенне конкурсу з’яўляецца важным укладам у дасягненне Мэт устойлівага развіцця 6, 7, 12, 13 і іншых МУР.
З больш падрабязнай інфармацыяй аб выніках рэспубліканскага конкурсу можна азнаёміцца па спасылцы: http://energoeffekt.gov.by/news/news_2021/202111.
КАРТА САЙТА
