4-5 красавіка 2025 года выкладчыкі УА «Гомельскі дзяржаўны медыцынскі каледж» прынялі ўдзел у Міжнароднай навукова-практычнай канферэнцыі «Перспектывы развіцця сястрынскай справы: інавацыі, адукацыя і практыка».
Канферэнцыя накіравана на развіццё навуковай дзейнасці ў галіне тэхнічнай і прафесійнай адукацыі, а таксама практычнай медыцыны. Гэта ўнікальная пляцоўка для прафесійных зносін, абмену перадавым вопытам і абмеркавання актуальных пытанняў аховы здароўя.
На працягу двух дзён вопытам навуковай дзейнасці і арганізацыі навучальна-адукацыйнага працэсу дзяліліся медыцынскія спецыялісты Рэспублікі Беларусь, Рэспублікі Казахстан, Арменія, Расійскай Федэрацыі, Кыргызскай Рэспублікі. Усяго ў рамках работы канферэнцыі было прадстаўлена 55 дакладаў і праведзена два майстар-класы.
Ад Беларусі на канферэнцыі ў анлайн-фармаце выступіў УА «Гомельскі дзяржаўны медыцынскі каледж», прадставіўшы некалькі дакладаў:
Удзел у Міжнароднай навукова-практычнай канферэнцыі «Перспектывы развіцця сястрынскай справы: інавацыі, адукацыя і практыка» будзе садзейнічаць павышэнню ўзроўню кваліфікацыі медыцынскіх работнікаў і якасці медыцынскай дапамогі, укараненню перадавых практык у сястрынскую справу, што ўнясе ўклад у дасягненне Рэспублікі Беларусь Мэт устойлівага развіцця 3, 4, 8 і іншых МУР.
19–21 жніўня 2025 года ў Мінску пройдзе ІІІ Міжнародная спецыялізаваная экалагічная выстава «ECOLOGY EXPO – 2025» – найбуйнейшае ў Беларусі кангрэсна-выставачнае мерапрыемства ў галіне экалогіі, аховы навакольнага асяроддзя, прыродаахоўнага абсталявання, тэхналогій і паслуг у 2025 годзе.
Мэтай «ECOLOGY EXPO – 2025» з’яўляецца стварэнне камунікацыйнага асяроддзя для абмеркавання інавацыйных ідэй, абмену інфармацыяй аб вытворча-тэхналагічных дасягненнях у галіне аховы навакольнага асяроддзя і рацыянальнага выкарыстання прыродных рэсурсаў, павышэнні эканамічнай аддачы ад экалагічна дружалюбных тэхналогій, дасягненні Мэт устойлівага развіцця ў Беларусі.
У рамках мерапрыемства запланавана шырокая выставачная і дзелавая праграма, правядзенне пленарных дыскусій, круглых сталоў, бізнес-сустрэч па наступных тэматычных напрамках:
Падрабязная інфармацыя аб выставе размешчана на яе афіцыйным сайце.
Арганізатарамі выстаўкі выступаюць РУП «Нацыянальны выставачны цэнтр «БелЭкспа» Кіраўніцтва справамі Прэзідэнта Рэспублікі Беларусь і Міністэрства прыродных рэсурсаў і аховы навакольнага асяроддзя Рэспублікі Беларусь пры падтрымцы зацікаўленых.
Правядзенне Міжнароднай спецыялізаванай экалагічнай выстаўкі «ECOLOGY EXPO» робіць уклад у дасягненне Рэспублікай Беларусь Мэт устойлівага развіцця 9, 12, 13 і іншых МУР.
7-26 красавіка 2025 года студэнты з больш як 40 ВНУ Беларусі, Расіі і Узбекістана далучацца да XI маладзевага фестывалю ў галіне ўстойлівага развіцця «ВУЗЭкаФэст-2025». Ключавой тэмай форуму стане «Адаптацыя да наступстваў змены клімату на ўзроўні кампаній і рэгіёнаў».
«ВузЭкаФэст» — культурна-асветніцкі праект краін СНД. Місія праекта заключаецца ў паляпшэнні навакольнага асяроддзя за кошт укаранення канцэпцыі зялёных універсітэтаў і інтэграцыі прынцыпаў устойлівага развіцця ў дзейнасць ВНУ, гарадоў і краін.
Праграма фестывалю прадугледжвае правядзенне разнапланавых мерапрыемстваў па тэме ўстойлівага развіцця. У прыватнасці, для ўдзельнікаў арганізуюць навуковыя семінары, лекцыі, майстар-класы, тэматычныя дыскусіі. Таксама, студэнты змогуць узяць удзел у серыі віктарын, конкурсаў, дзелавых і інтэлектуальных гульняў, валанцёрскіх акцыях на экалагічную тэматыку, ініцыятывах па зборы макулатуры, пасадцы дрэў, добраўпарадкаванні помнікаў.
Падрабязная праграма мерапрыемстваў даступна на афіцыйным сайце фестывалю.
Удзел у маладзевым фестывалі ў галіне ўстойлівага развіцця «ВузЭкаФэст» робіць уклад у дасягненне Рэспублікай Беларусь Мэт устойлівага развіцця 4, 13, 17 і іншых МУР.
У рамках Рэгіянальнага форуму па ўстойлівым развіцці для краін рэгіёну ЕЭК ААН, які праходзіў 2-3 красавіка 2025 года ў Жэневе (Швейцарыя), беларуская дэлегацыя на чале з намеснікам Старшыні Савета Рэспублікі Нацыянальнага сходу Рэспублікі Беларусь, Нацыянальным каардынатарам па МУР Сяргеем Хаменка прадставіла інфармацыю аб прагрэсе дасягнення Мэты ўстойлівага развіцця 3 «Добрае здароўе і дабрабыт».
У выступленні прадстаўніка Міністэрства замежных спраў Рэспублікі Беларусь адзначана сістэмная дзяржаўная падтрымка ахове здароўя. Па стане на бягучы перыяд прагрэс у дасягненні задач і паказчыкаў у гэтай галіне ў Рэспубліцы Беларусь складае каля 70 працэнтаў да ўстаноўленага ААН узроўню на 2030 год, што з’яўляецца адным з самых высокіх паказчыкаў не толькі ў рэгіёне краін ЕЭК ААН (56 дзяржаў), але і ў цэлым у свеце.
Нягледзячы на негатыўныя наступствы пандэміі COVID-19, у краіне захоўваюцца адны з найбольш нізкіх у свеце паказчыкаў мацярынскай, немаўляцкай і дзіцячай смяротнасці. У Беларусі поўнасцю дасягнута мэта па зніжэнні каэфіцыента мацярынскай смяротнасці. Даступнасць насельніцтва да якасных медыцынскіх паслуг набліжаецца да 100 працэнтаў.
Не спыняючыся на дасягнутым, у новай Нацыянальнай стратэгіі ўстойлівага развіцця да 2040 года Беларусь ставіць задачу ўзмацніць прафілактыку захворванняў на працягу ўсяго жыцця, забяспечыць поўны і даступны ахоп насельніцтва першаснай медыцынскай дапамогай, сфарміраваць самазахавальныя паводзіны.
Вядучая роля дзяржавы ў ахове здароўя не азначае адсутнасць прыватнай медыцыны.
У выступленні беларускай дэлегацыі таксама адзначана важная роля інтэграцыйных аб’яднанняў у дасягненні Мэт устойлівага развіцця. У якасці станоўчага прыкладу прыведзены Еўразійскі эканамічны саюз (ЕАЭС), які з’яўляецца рухаючай сілай устойлівага эканамічнага росту і эфектыўна выкарыстоўваецца дзяржавамі-членамі для дасягнення МУР. Як адзначана ў заяве, Беларусь вітае развіццё сістэмнага дыялога ЕАЭС з ШАС, АСЕАН, краінамі БРІКС і іншымі зацікаўленымі міждзяржаўнымі аб’яднаннямі.
3–4 красавіка 2025 года ў рамках пілотнай ініцыятывы «Навучанне адаптыўным відам спорту людзей з інваліднасцю па зроку «SHOWDOWN» у Мінску прайшоў семінар-трэнінг па навучанні суддзяў-трэнераў гульні ў настольны тэніс для невідушчых «SHOWDOWN».
Навучанне прайшлі 16 чалавек з усіх рэгіёнаў Беларусі. Два дні ўдзельнікі семінара ў тэорыі і на практыцы асвойвалі правілы гульні ў «SHOWDOWN», вучыліся весці пратаколы, разбіралі нюансы правядзення працэдуры арбітражу.
Па выніку навучання ўдзельнікі семінара-трэнінгу прайшлі пісьмовае тэсціраванне, атрымалі сертыфікаты і правілы гульні ў «SHOWDOWN», у тым ліку надрукаваныя шрыфтам Брайля.
Наступным этапам рэалізацыі ініцыятывы стане правядзенне навучальных семінараў па гульні ў «SHOWDOWN» для людзей з інваліднасцю па зроку ў рэгіёнах Рэспублікі Беларусь.
Пілотная ініцыятыва «Навучанне адаптыўным відам спорту людзей з інваліднасцю па зроку «SHOWDOWN» рэалізуецца ГА «Беларускае таварыства інвалідаў па зроку» пры падтрымцы Праграмы развіцця ААН (ПРААН) у Рэспубліцы Беларусь у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі МУР», які фінансуецца Урадам Расійскай Федэрацыі.
Рэалізацыя мерапрыемстваў ініцыятывы садзейнічае сацыялізацыі людзей з інваліднасцю па зроку праз навучанне гульні ў настольны тэніс «SHOWDOWN» і робіць унёсак у дасягненне Рэспублікай Беларусь Мэт устойлівага развіцця 4, 8, 10 і іншых МУР.
2–3 красавіка 2025 года ў Жэневе праходзіць Рэгіянальны форум ЕЭК ААН па ўстойлівым развіцці. Тэма форума: «Прасоўванне ўстойлівых, інклюзіўных, навукова абгрунтаваных рашэнняў для ажыццяўлення Парадаку дня ў галіне ўстойлівага развіцця на перыяд да 2030 года і дасягнення МУР, не пакідаючы нікога ўбаку».
Выступаючы на форуме ў рамках сегмента высокага ўзроўню, Нацыянальны каардынатар па дасягненню Мэт устойлівага развіцця, намеснік старшыні Савета Рэспублікі Нацыянальнага Сходу Рэспублікі Беларусь, Сяргей Хаменка адзначыў намаганні Беларусі па рэалізацыі Парадаку дня – 2030.
«Вынікам праводзімай палітыкі з’яўляецца 30-е месца Беларусі ў свеце па дасягненні Мэт устойлівага развіцця. Мы датэрмінова дасягнулі чатырох з іх. Гэта: «Ліквідацыя галечы» (МУР 1); «Чыстая вада і санітарыя» (МУР 6); «Памяншэнне няроўнасці» (МУР 10); «Захаванне экасістэм сушы» (МУР 15)», – заявіў Сяргей Хаменка.
Нацыянальны каардынатар таксама заклікаў сусветную супольнасць да мірнага ўрэгулявання любых канфліктаў, аб’яднання намаганняў для далейшага дасягнення Мэт устойлівага развіцця, а таксама выказаў гатоўнасць да абмену вопытам і дасягненнямі ў гэтым напрамку.
Поўны тэкст выступу
Падтрымка ўдзелу беларускай дэлегацыі ў Рэгіянальным форуме па ўстойлівым развіцці ажыццяўлялася ў рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі МУР», рэалізуемага пры фінансавай падтрымцы Расійскай Федэрацыі.
Паважаны спадар Старшыня!
Мы ўсе розныя і кожны народ, кожная краіна мае права на выбар свайго шляху развіцця.
Рэспубліка Беларусь, краіна працаўнікоў і стваральнікаў, выбрала свой шлях. У яго аснове – захаванне гістарычнай памяці, мірнае суіснаванне, дзяржаўны суверэнітэт, развіццё тэхналогій, адзінства прадстаўнікоў больш за сто пяцьдзесят нацый і нацыянальнасцяў, дваццаці пяці рэлігійных канфесій.
На рэалізацыю гэтых прынцыпаў накіраваны ўсе галіны ўлады і наш унікальны орган народаўладдзя – Усебеларускі народны сход.
Вынікам праводзімай палітыкі з’яўляецца 30-е месца Беларусі ў свеце па дасягненні Мэт устойлівага развіцця.
Мы датэрмінова дасягнулі чатырох з іх. Гэта:
Беларусь – гэта сацыяльна арыентаваная дзяржава для чалавека і ў імя чалавека.
Сорак тры працэнты бюджэту краіны расходуецца на сацыяльную сферу, а ўзровень беспрацоўя складае толькі тры працэнты.
Мы пабудавалі атамную электрастанцыю, увайшлі ў клуб касмічных дзяржаў.
Гатовы абменьвацца вопытам і паказваць свае дасягненні. На тэрыторыю Беларусі забяспечаны бязвізавы ўезд для грамадзян са ста адной дзяржавы свету.
Як мудра адзначыў Прэзідэнт Рэспублікі Беларусь Аляксандр Рыгоравіч Лукашэнка:
«Мы глядзім за гарызонт. Робім усё, каб нашы дзеці і ўнукі, а потым іх дзеці і ўнукі жылі ў сваёй мірнай і квітнеючай дзяржаве».
У гэтым рэчышчы падрыхтаваны праект Нацыянальнай стратэгіі развіцця да саракавога года, якая прадугледжвае дасягненне высокіх стандартаў жыцця насельніцтва. Плануем павелічэнне долі высокатэхналагічных вытворчасцей да пяцідзесяці працэнтаў, працягласці жыцця да васьмідзесяці з паловай гадоў.
Паважаныя ўдзельнікі!
На шляху дасягнення гэтых мэт мы бачым пагрозы і выклікі, якія перашкаджаюць устойліваму развіццю.
Сёння свет знаходзіцца ў глыбокім геапалітычным крызісе. Маюць месца шматлікія ўзброеныя канфлікты, спробы ўмяшання ва ўнутраныя справы іншых дзяржаў, увядзенне незаконных санкцый.
Прыклады?
Калі ласка!
На граніцах Беларусі знаходзіцца шматтысячная групоўка войскаў НАТА. Адкажыце, якая іх мэта?
Сур’ёзнай пагрозай з’яўляюцца аднабаковыя прымусовыя меры, прасцей кажучы – санкцыі. І гэтыя бар’еры прымяняюць краіны, якія падпісалі Парадак дня – 2030.
Дазволю сабе нагадаць філасофскую мудрасць: даў слова – трымай, парушыць – подла. Удумайцеся, як робяць тыя, хто, падпісаўшы Парадак дня – 2030, уводзіць санкцыі.
Мы, беларусы, траціну, стагоддзя падвергнутыя інфармацыйнаму і санкцыйнаму ціску, загартаваліся і імкнемся рабіць свет лепшым.
Напрыканцы выступлення маю гонар павіншаваць прысутных з 80-годдзем Перамогі над фашызмам.
Беларусь як ніхто адчула на сабе жахі вайны. Думаю, кожны з нас разумее, што паўтарэнне гэтых жахаў недапушчальна.
Заклікаем міжнародную супольнасць адзіным фронтам падтрымліваць мірнае вырашэнне любых пытанняў і аб’яднаць намаганні па дасягненні Мэт устойлівага развіцця на карысць нашых краін і народаў.
Дзякую за ўвагу!
1–30 красавіка 2025 года ў Мінскай вобласці пройдзе маштабная акцыя па зборы і нарыхтоўцы адходаў шкла «Шкляны ЭКА-БУМ». Яе мэта – ператварыць непатрэбныя шкляныя бутэлькі і банкі ў каштоўны рэсурс для перапрацоўкі, скараціўшы экалагічны след рэгіёну.
Каб далучыцца да акцыі, неабходна збіраць чыстае шкло (бутэлькі, банкі, без накрывак і этыкетак), выкідваць іх у спецыяльныя кантэйнеры, устаноўленыя на пляцоўках у дварах жылых дамоў і ў месцах збору адходаў, або здаваць у пункты прыёму другасных матэрыяльных рэсурсаў. Адрасы пунктаў прыёму можна даведацца на афіцыйным сайце ДА «Жыллёва-камунальная гаспадарка Мінскай вобласці».
Перапрацоўка і паўторнае выкарыстанне 1 тоны шкла садзейнічае эканоміі 700 кг пяску і 20 працэнтаў энергіі, якая ідзе на яго вытворчасць, што ўносіць важны ўклад у дасягненне Рэспублікай Беларусь Мэт устойлівага развіцця 7, 12, 13 і іншых МУР.
КАРТА САЙТА
