1 красавіка 2025 года Кіраўнік дзяржавы падпісаў Указ № 135, які зацвярджае прыярытэтныя напрамкі навуковай, навукова-тэхнічнай і інавацыйнай дзейнасці ў Беларусі на 2026–2030 гады.
У якасці такіх напрамкаў вызначаны найбольш перспектыўныя і запатрабаваныя для Беларусі сферы дзейнасці, якія даюць магчымасць у сярэднетэрміновай перспектыве забяспечыць актуальныя вынікі ў навукаёмістых і высокатэхналагічных сектарах эканомікі, канкурэнтныя перавагі і тэхналагічную бяспеку краіны. Гэта лічбавыя тэхналогіі і штучны інтэлект, інавацыйныя тэхналогіі ў прамысловасці, біялагічныя і медыцынскія тэхналогіі, інавацыйныя тэхналогіі ў аграпрамысловым комплексе і харчовай прамысловасці, навуковае і навукова-тэхнічнае забеспячэнне бяспекі чалавека, грамадства і дзяржавы.
Таксама, у адпаведнасці з дадзенымі прыярытэтамі будуць сфарміраваны і зацверджаны дзяржаўныя праграмы навуковых даследаванняў, навукова-тэхнічныя праграмы, Дзяржаўная праграма інавацыйнага развіцця Беларусі на 2026–2030 гады.
Рэалізацыя палажэнняў Указа «Аб прыярытэтных напрамках навуковай, навукова-тэхнічнай і інавацыйнай дзейнасці на 2026–2030 гады» ўнясе ўклад у дасягненне Рэспублікай Беларусь Мэты ўстойлівага развіцця 9 і іншых МУР.
У Беларусі апублікаваны вынікі маркетынгавага даследавання «Прамысловы турызм у Рэспубліцы Беларусь: аналіз сучаснага стану і перспектывы развіцця», выкананага па заказе дзяржаўнай установы «Нацыянальнае агенцтва па турызме».
Храналагічныя рамкі даследавання ахопліваюць перыяд з 2015 па 2024 год. Менавіта ў гэты час прамысловы турызм у Беларусі фарміруецца і атрымлівае развіццё як асобны від.
Асноўная мэта даследавання – ацэнка стану і перспектыў развіцця прамысловага турызму ў Рэспубліцы Беларусь.
У даследаванні ахарактарызаваны генезіс і гістарычныя этапы развіцця айчыннага прамысловага турызму, ажыццёўлена яго класіфікацыя (галіновая прыналежнасць, мэта наведвання, мэта ўздзеяння на аўдыторыю, узрост мэтавай аўдыторыі, склад групы і інш.), апісаны замежны вопыт развіцця прамысловага турызму і прыведзены прыклады паспяхова рэалізаваных праектаў. У прыватнасці, разгледжаны вопыт краін Еўропы (праект ЕС «Еўрапейскі маршрут прамысловай спадчыны», Германіі, Англіі, Італіі, краін Балтыі), Кітайскай Народнай Рэспублікі, ЗША і Расійскай Федэрацыі.
Таксама ў рамках даследавання прааналізаваны турыстычны патэнцыял прамысловых прадпрыемстваў усіх абласцей Беларусі і г. Мінска і створаны 64 пашпарты аб’ектаў прамысловага турызму. У пашпарце можна знайсці падрабязную інфармацыю аб прадпрыемстве, апісанне яго турыстычных магчымасцей, звесткі аб арганізацыі экскурсійнай дзейнасці, інфармацыю аб інфраструктуры і спадарожных паслугах, даступных турыстам.
Акрамя таго, у даследаванні вызначаны найбольш эфектыўныя шляхі папулярызацыі турыстычнага патэнцыялу прамысловых прадпрыемстваў на рынку Рэспублікі Беларусь і за мяжой, сістэматызаваны існуючыя экскурсіі і маршруты турыстычных падарожжаў у Беларусі, у якія ўключаны наведванні прамысловых прадпрыемстваў, а таксама складзены спіс рэкамендуемых прамысловых прадпрыемстваў для ўключэння ў экскурсіі і маршруты турыстычных вандраванняў.
Прамысловы турызм з’яўляецца важным складальнікам сацыяльна-эканамічнага развіцця рэгіёнаў і робіць унёсак у дасягненне Рэспублікай Беларусь Мэт устойлівага развіцця 8, 11 і іншых МУР.
29 сакавіка 2025 года пройдзе глабальная экалагічная акцыя «Гадзіна Зямлі». Акцыя накіравана на прыцягненне ўвагі людзей да праблемы глабальнага пацяплення, змены клімату і заклікае не заставацца абыякавымі да будучыні планеты. Дзякуючы ёй узніклі многія экалагічныя праекты і былі прыняты законы, закліканыя абараніць навакольнае асяроддзе.
У акцыі штогод удзельнічаюць мільёны людзей па ўсёй планеце. Каб далучыцца да акцыі дастаткова выключыць асвятленне і іншыя не першарадныя электрапрыборы на адну гадзіну – з 20:30 да 21:30 – у знак падтрымкі адказных адносін да прыроды.
«Гадзіна Зямлі» – гэта не проста фармальнасць, гэта ўнікальная магчымасць для кожнага з нас унесці невялікі, але важны ўклад у ахову навакольнага асяроддзя і дасягненне Мэт устойлівага развіцця 7, 13, 15 і іншых МУР.
20 сакавіка 2025 года ва УА «Віцебскі дзяржаўны тэхналагічны ўніверсітэт» (ВДТУ) у рамках праекта «Стаць студэнтам ВДТУ на адзін дзень» адбылася прафарыентацыйная сустрэча студэнтаў і выкладчыкаў універсітэта з навучэнцамі ДУА «Гімназія № 3 г. Віцебска імя А.С.Пушкіна».
У мерапрыемстве прынялі ўдзел больш за 80 школьнікаў.
Сустрэча пачалася з прэзентацыі навучальных магчымасцяў універсітэта і пілотнай ініцыятывы «Адукацыйная праграма па засваенні ESG-практык і інструментаў на аснове тэхналогій анлайн-навучання», якая ў іх выклікала асаблівую цікавасць.
Ініцыятыва рэалізуецца ВДТУ пры падтрымцы Праграмы развіцця ААН (ПРААН) у Беларусі ў рамках у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Расійскай Федэрацыяй.
Асноўная яе ідэя заключаецца ў прасоўванні з дапамогай анлайн-навучання станоўчага іміджу канцэпцыі ўстойлівага развіцця і ESG-практык і інструментаў. Для гэтага распрацоўваецца спецыялізаваная платформа «ESG-адукацыя», якая будзе ўкаранёна ў адукацыйную праграму. Яна будзе змяшчаць адукацыйныя курсы для навучэнцаў, праграмы павышэння кваліфікацыі для выкладчыкаў, а таксама розныя анлайн-мерапрыемстваў па ESG тэматыцы.
Для дзяцей таксама быў праведзены займальны квэст на тэму «Лічбавая пісьменнасць», у ходзе якога яны пагрузіліся ў свет сучасных тэхналогій, вырашалі задачы і даведваліся новае аб лічбавых інструментах, галінах іх прымянення ў паўсядзённым жыцці, спосабах забеспячэння бяспекі ў Інтэрнеце.
Завяршылася сустрэча эка-гульнёй «Падары другое жыццё пластыку». Гэты інтэрактыў нагадаў усім удзельнікам аб важнасці клопату аб навакольным асяроддзі і падтрымцы Мэт устойлівага развіцця. Школьнікі з энтузіязмам ўключыліся ў гульню, прапаноўваючы крэатыўныя ідэі па перапрацоўцы і паўторнаму выкарыстанню матэрыялу.
Сустрэча прайшла ў цёплай і сяброўскай атмасферы. Навучэнцы даведаліся аб навучальных магчымасцях і ініцыятывах універсітэта, змаглі атрымаць новыя веды ў галіне ўстойлівага развіцця, МУР, інфармацыйных тэхналогій, аховы навакольнага асяроддзя, а таксама задаць пытанні і пагутарыць са студэнтамі і выкладчыкамі.
20 сакавіка 2025 года ў рамках пілотнай ініцыятывы «Інклюзіўная анімацыя» ў Гродне прайшоў трэнінг «Стварэнне сацыяльных ролікаў».
Трэнінг стаў унікальнай магчымасцю для маладых людзей з інваліднасцю не толькі асвоіць навыкі відэавытворчасці, але і навучыцца расказваць свае гісторыі, дзяліцца вопытам і ўзнімаць важныя сацыяльныя тэмы. Удзельнікі трэнінгу атрымалі каштоўныя веды аб сцэнарным майстэрстве, здымцы і мантажы, а таксама аб тым, як эфектыўна данесці свае ідэі да шырокай аўдыторыі.
Пілотная ініцыятыва «Інклюзіўная анімацыя» рэалізуецца Гродзенскай абласной арганізацыяй Рэспубліканскага грамадскага аб’яднання «Беларускае таварыства Чырвонага Крыжа» пры падтрымцы Праграмы развіцця ААН (ПРААН)
у Рэспубліцы Беларусь у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Расійскай Федэрацыяй.
Рэалізацыя мерапрыемстваў ініцыятывы робіць уклад у дасягненне Рэспублікай Беларусь Мэт устойлівага развіцця 4, 9, 10 і іншых МУР.
21 сакавіка 2025 года ў Беларускім дзяржаўным педагагічным універсітэце ім. М. Танка прайшоў Маладзевы форум «МУР: да 16-ці і старэй» – фінальнае мерапрыемства IV Рэспубліканскага конкурсу творчых прац «Дзеці аб МУР».
Удзельнікамі форуму сталі прадстаўнікі 286 устаноў адукацыі, сярод якіх дзіцячыя сады, агульнаадукацыйныя школы, ліцэі і гімназіі, цэнтры дадатковай адукацыі дзяцей і моладзі, палацы дзіцячай творчасці.
У рамках форуму адбылася цырымонія ўзнагароджання лаўрэатаў IV Рэспубліканскага конкурсу творчых прац «Дзеці аб МУР», галоўнай мэтай якога з’яўляецца прасоўванне Мэт устойлівага развіцця сярод дзяцей і моладзі, а таксама фарміраванне разумення ідэй і каштоўнасцей устойлівага развіцця. Усяго на конкурс было прадстаўлена 530 творчых прац у пяці намінацыях:
Лаўрэатамі конкурсу сталі аўтары 41 творчай працы. Азнаёміцца з працамі можна на сайце конкурса.
Маладзвы форум «МУР: да 16-ці і старэйшы» і Рэспубліканскі конкурс творчых прац «Дзеці аб МУР» арганізаваны і праведзены ў рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Расійскай Федэрацыяй.
Мінскі абласны выканаўчы камітэт праводзіць грамадскае абмеркаванне праекту Стратэгіі ўстойлівага развіцця Мінскай вобласці да 2040 года.
Дакумент вызначае асноўныя мэты і пералік мер для іх дасягнення, выклікі і спосабы іх вырашэння, а таксама прыярытэтныя напрамкі сацыяльна-эканамічнага развіцця Мінскай вобласці на доўгатэрміновы перыяд з улікам прынцыпаў устойлівага развіцця.
Згодна з праектам, ключавая мэта Стратэгіі – павышэнне дабрабыту і ўзроўню жыцця насельніцтва за кошт стварэння ўстойлівай і канкурэнтаздольнай рэгіянальнай эканомікі, з абавязковым улікам экалагічных фактараў.
Азнаёміцца з праектам Стратэгіі ўстойлівага развіцця Мінскай вобласці да 2040 года можна на афіцыйным сайце Мінскага абласнога выканаўчага камітэта.
Заўвагі і прапановы можна накіраваць у камітэт эканомікі Мінскага абласнога выканаўчага камітэта на электронны адрас 210@minsk-region.gov.by або выказаць па тэлефоне 8(017)500-40-99 да 4 красавіка 2025 года ўключна.
Распрацоўка рэгіянальных стратэгій устойлівага развіцця ажыццяўляецца пры падтрымцы Праграмы развіцця ААН (ПРААН) у Беларусі ў рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Расійскай Федэрацыяй.
У Магілёве рэалізуецца ўнікальны інклюзіўны праект «Кранальная зала» – мабільная інфармацыйна-асветніцкая арт-пляцоўка культурна-эстэтычнага выхавання для невідушчых і са слабым зрокам.
Праект адкрывае новыя гарызонты для людзей з інваліднасцю па зроку, даючы ім магчымасць дакрануцца да культуры і гісторыі архітэктурнай спадчыны Беларусі і зразумець, як яны выглядаюць у рэальнасці.
Інфармацыя аб аб’ектах прадстаўлена ў выглядзе аўдыёэкскурсій у агучаным і друкаваным фарматах, у тым ліку з выкарыстаннем узбуйненага і рэльефна-кропкавага шрыфтоў, 3D-мадэляў экспанатаў, а таксама спецыяльных выданняў са шрыфтам Брайля. У цяперашні момант распрацаваны 3D-мадэлі Магілёўскай ратушы, Холмскай брамы, Мемарыяльнага комплексу «Брэсцкая крэпасць-герой», Полацкага Сафійскага сабора, Мірскага замка, Манумента Перамогі ў Мінску, капліцы на мемарыяльным комплексе «Буйніцкае поле», скульптуры «Непакорны чалавек», Мемарыяльнага комплексу «Хатынь», Нацыянальнай бібліятэкі Беларусі. Азнаёміцца з аўдыёэкскурсіямі можна на YouTube канале Магілёўскай абласной арганізацыі ГА «БелТІЗ».
Праца над праектам будзе працягнута. Плануецца пашырэнне шэрагу макетаў і правядзенне выязных экскурсій у рэгіёны Магілёўскай вобласці і іншыя гарады Беларусі. У планах праекта і выданне кніг сучасных беларускіх пісьменнікаў шрыфтам Брайля, што дазволіць невідушчым і са слабым зрокам чытачам стаць паўнацэннымі ўдзельнікамі літаратурнага працэсу. Таксама плануецца выпусціць зборнік вершаў уласнага сачынення людзей з інваліднасцю па зроку.
Праект рэалізуецца Дзіцячай бібліятэкай-філіяла №2 г. Магілёва ў партнёрстве з Магілёўскай абласной арганізацыяй ГА «БелТІЗ», КК «Цэнтралізаваная сістэма дзяржаўных публічных бібліятэк г. Магілёва», Беларуска-расійскім універсітэтам.
Рэалізацыя праекта «Кранальная зала» садзейнічае цэласнаму ўспрыманню навакольнага свету людзьмі з інваліднасцю па зроку і робіць уклад у дасягненне Рэспублікай Беларусь Мэты ўстойлівага развіцця 10 і іншых МУР.
КАРТА САЙТА
