3 снежня ў свеце адзначаецца Міжнародны дзень інвалідаў. Яго мэта – прасоўванне правоў людзей з інваліднасцю ва ўсіх сферах грамадскага жыцця, а таксама прыцягненне ўвагі шырокай грамадскасці да іх праблем.
Удзельная вага людзей з інваліднасцю ў Беларусі складае 6% ад агульнай колькасці насельніцтва.
Для забеспячэння магчымасцей для ўключэння людзей з інваліднасцю ў жыццё грамадства ў краіне зацверджаны і рэалізуецца Нацыянальны план дзеянняў па рэалізацыі ў Рэспубліцы Беларусь палажэнняў Канвенцыі аб правах інвалідаў на 2017–2025 гады. Выбудавана заканадаўчая база. Асноватворным з’яўляецца Закон Рэспублікі Беларусь «Аб правах інвалідаў і іх сацыяльнай інтэграцыі», у які інтэграваныя нормы Канстытуцыі і Канвенцыі аб правах інвалідаў. Людзям з інваліднасцю даецца сацыяльная падтрымка з боку дзяржавы ў выглядзе грашовых выплат (пенсіі, дапамогі, дзяржаўная адрасная сацыяльная дапамога), прадастаўлення дзяржаўных сацыяльных ільгот і гарантый, а таксама аказання сацыяльных паслуг, забеспячэння тэхнічнымі сродкамі сацыяльнай рэабілітацыі.
З мэтай пашырэння магчымасцей людзей з інваліднасцю для працаўладкавання і ўдзелу ў грамадскім жыцці, даступнасці аб’ектаў, паслуг і інфармацыі, у Беларусі зацверджаны шэраг новаўвядзенняў. У прыватнасці:
Стварэнне магчымасцей для ўключэння людзей з інваліднасцю ў жыццё грамадства ўносіць важны ўклад у дасягненне Рэспублікай Беларусь Мэты ўстойлівага развіцця 10 і іншых МУР.
Больш падрабязна аб сацыяльнай палітыцы Беларусі аб стаўленні абароны правоў і свабод людзей з інваліднасцю можна азнаёміцца па спасылцы.
4 снежня 2024 г. у Гомелі пройдзе абласны форум валанцёраў «Разам да дабра і стварэння». Мерапрыемства прымеркавана да Сусветнага дня валанцёра, які адзначаюць 5 снежня.
Праграмай форуму запланавана правядзенне інтэнсіўу ва ўпраўленні спорту і турызму Гомельскага аблвыканкама «Свет праз дапамогу», акцыі па зборы корму для жывёл «Лапка ў сэрцы», інтэрактываў ад лепшых валанцёраў Гомельскага рэгіёну, конкурсаў, творчых праграм. Таксама ў рамках форуму адбудзецца падвядзенне вынікаў абласнога этапу рэспубліканскага конкурсу «Валанцёр года — Добрае сэрца». Для ўдзелу ў конкурсе было прадстаўлена 97 работ у трох намінацыях: «Дабро ў кадры», «Асабісты ўклад» і «Лепшы валанцёрскі атрад».
Валанцёрская дзейнасць робіць уклад у рэалізацыю Парадаку дня ў галіне ўстойлівага развіцця на перыяд да 2030 года.
.
Крыніца інфармацыі
У Беларускім дзяржаўным педагагічным універсітэце імя Максіма Танка пачала функцыянаваць лабараторыя лічбавай электронікі Яна ўвойдзе ў STEM-кластар фізіка-матэматычнага факультэта ўніверсітэта.
Лабараторыя лічбавай электронікі – гэта комплексны цэнтр з шасці зон:
У лабараторыі будуць займацца студэнты, магістранты, навучэнцы 7-10-х класаў, профільных класаў педагагічнай і інжынернай накіраванасці. Таксама на базе лабараторыі будзе арганізавана праграма павышэння кваліфікацыі для настаўнікаў-практыкаў, перш за ўсё настаўнікаў фізікі, матэматыкі, інфарматыкі.
Функцыянаванне лабараторыі лічбавай электронікі дасць магчымасць фарміраваць міжпрадметныя кампетэнцыі і ажыццяўляць міждысцыплінарны падыход да падрыхтоўкі студэнтаў, што ўнясе ўклад у дасягненне Рэспублікай Беларусь Мэт устойлівага развіцця 4, 8, 9 і іншых МУР.
Унітарнае прадпрыемства па аказанні паслуг «А1» запусціла агульнанацыянальную інфармацыйную кампанію #Падумайце5секунд, накіраваную на абарону грамадзян Беларусі ад махлярства па тэлефоне і ў сетцы Інтэрнэт.
Галоўная мэта кампаніі – праінфармаваць як мага больш людзей аб спосабах абароны сваіх асабістых дадзеных і нагадаць аб тым, як важна не спяшацца выконваць просьбы незнаёмцаў. Самы просты спосаб засцерагчы сябе – проста ўзяць паўзу і падумаць 5 секунд перад тым, як перайсці па незнаёмай спасылцы, перадаць камусьці коды з SMS або адказаць на падазроны званок з месэнджара.
Аднымі з найбольш уразлівых катэгорый насельніцтва, якія найчасцей становяцца ахвярамі махляроў, з’яўляюцца людзі старэйшага ўзросту і людзі з інваліднасцю. Каб забяспечыць для іх доступ да важнай інфармацыі, кампаніяй A1 у супрацоўніцтве з Фондам ААН у галіне народанасельніцтва і Міністэрствам працы і сацыяльнай абароны Рэспублікі Беларусь распрацавана памятка «Падумайце 5 секунд. Абараніце сябе ад ашуканцаў».
Акрамя таго, для сацыяльных работнікаў, якія ўзаемадзейнічаюць з людзьмі старэйшага ўзросту і людзьмі з інваліднасцю, арганізавана навучанне па павышэнні ўзроўню ведаў у сферы кібербяспекі. Дзякуючы анлайн-фармату больш як 500 сацыяльных работнікаў з больш як 160 арганізацый сістэмы сацыяльнага абслугоўвання насельніцтва Беларусі асвоілі базавыя веды па асновах бяспекі ў інтэрнеце і атрымалі практычныя рэкамендацыі па рабоце ў гэтым напрамку.
Фарміраванне навыкаў бяспечных паводзін у сучасным інфармацыйным асяроддзі ўнясе ўклад у дасягненне Рэспублікай Беларусь Мэты ўстойлівага развіцця 1 і іншых МУР.
27 лістапада 2024 г. у Мінску адбыўся ўстановачны семінар для пераможцаў Конкурсу пілотных ініцыятыў па Мэтам устойлівага развіцця.
У ходзе семінара пераможцы конкурсу азнаёміліся з правіламі і працэдурамі рэалізацыі пілотных ініцыятыў па МУР, асвятлення ходу і вынікаў іх рэалізацыі, а таксама ўмовамі фінансавання пілотных ініцыятыў. Прадстаўнікі Міністэрства эканомікі Рэспублікі Беларусь праінфармавалі ўдзельнікаў семінара аб заканадаўстве Рэспублікі Беларусь у галіне міжнароднай тэхнічнай дапамогі, а таксама аб патрабаваннях да падрыхтоўкі пералікаў тавараў, работ і паслуг, якія прадастаўляюцца ў рамках рэалізацыі праектаў міжнароднай тэхнічнай дапамогі.
Конкурс пілотных ініцыятыў па МУР праводзіўся Праграмай развіцця ААН у Рэспубліцы Беларусь у рамках Праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», пры фінансавай падтрымцы Расійскай Федэрацыі. На конкурс было пададзена 150 заявак. З улікам агульнага бюджэту на правядзенне конкурсу на аснове праведзенай Конкурснай камісіяй ацэнкі заявак і яе наступнага ўзгаднення з абласнымі выканаўчымі камітэтамі, у спіс пераможцаў Конкурсу ўвайшлі 22 заяўкі.
Спіс заявак – пераможцаў Конкурсу:
Падрабязней з кожнай пілотнай ініцыятывай са спісу-пераможцаў Конкурсу можна азнаёміцца ў прэзентацыі (RU).
Усе фота
Моладзевы посол МУР 8, студэнтка эканамічнага факультэта Беларускага дзяржаўнага ўніверсітэта Коршэк Анастасія распавяла пра кірункі працы ў рамках дасягнення МУР 8 «Годная праца і эканамічны рост» і на якія пласты насельніцтва накіравана дадзеная дзейнасць.
Як ты даведалася аб дзейнасці паслоў МУР?
Аб дзейнасці Моладзевых паслоў МУР я даведалася на першым студэнцкім МУР-форуме, праведзеным у нашым універсітэце. Арганізатарам гэтага форуму была Моладзевы пасол МУР другога і трэцяга скліканняў, Стэфанія-Віталія Віннічак, якая падзялілася сваім досведам і распавяла пра ролю паслоў у прасоўванні МУР. На форум былі запрошаны ўсе Моладзевыя паслы трэцяга склікання, і ў нас была магчымасць паразмаўляць з кожным з іх, даведацца пра іх дзейнасць і атрымаць парады.
У якіх кірунках праводзіцца праца ў рамках тваёй Мэты?
Праца ў рамках дасягнення маёй Мэты сканцэнтравана на некалькіх кірунках. Па-першае, гэта асветніцкая дзейнасць, накіраваная на павышэнне дасведчанасці аб Мэтах устойлівага развіцця ў асноўным сярод моладзі. Як Моладзевы пасол МУР, я імкнуся не толькі дапамагчы маладым людзям зразумець значэнне МУР, але і натхніць іх на дзеянні і пазітыўныя змены ў сваім жыцці. Па-другое, я займаюся навуковай дзейнасцю ў гэтай сферы, у прыватнасці даследую аспекты рэалізацыі МУР у свеце і Беларусі, вывучаю сацыяльныя і эканамічныя эфекты зялёнай эканомікі, эканомікі замкнёнага цыкла, праграм устойлівага развіцця ў цэлым і паасобку. Даследчая дзейнасць дапамагае лепш разумець, якія выклікі існуюць у сферы ўстойлівага развіцця і эканамічнага росту, а таксама якія паспяховыя прыклады, рэалізаваныя іншымі краінамі, можна ўзяць на ўзбраенне. Акрамя таго, выступленні на канферэнцыях і форумах па МУР таксама садзейнічаюць пашырэнню кола людзей, зацікаўленых ва ўстойлівым развіцці і ўцягнутых у яго вывучэнне.
На якія пласты насельніцтва накіравана дзейнасць па тваёй Мэце?
Найбольш мая дзейнасць накіравана на моладзь, у тым ліку на студэнтаў і школьнікаў. Найперш гэта студэнты маёй ВНУ, асабліва эканамічнага факультэта, дзе мы разам праводзім лекцыі, ладзім мерапрыемствы і абмяркоўваем актуальныя пытанні ўстойлівага развіцця. Я імкнуся зацікавіць сваіх аднагрупнікаў і студэнтаў з іншых спецыяльнасцей тэмамі, звязанымі з устойлівым развіццём. Так як Моладзевы пасол – гэта ўсё такі ж студэнт, як і ўсе астатнія, працуе прынцып роўны навучае роўнага, які ўжо не ўпершыню даказвае сваю эфектыўнасць у данясенні важнай і часам складанай інфармацыі. Таксама мы штогод праводзім студэнцкі МУР-форум у Беларускім дзяржаўным універсітэце, дзе збіраюцца самыя зацікаўленыя студэнты нашай ВНУ. Апроч гэтага, праводзяцца адукацыйныя мерапрыемствы са школьнікамі часцей за ўсё ў фармаце лекцый па МУР, якія мы замацоўваем на інтэрактыўных гульнях, каб лепш засвоіць матэрыял і зацікавіць рабят.
З якімі арганізацыямі ты супрацоўнічаеш для дасягнення Мэты?
Будучы студэнткай, я актыўна супрацоўнічаю са студэнцкімі арганізацыямі Беларускага дзяржаўнага ўніверсітэта, што дазваляе праводзіць сумесныя мерапрыемствы і форумы. У прыватнасці, гэта студэнцкая рада па МУР у БДУ, членам якой я і з’яўляюся, студэнцкае навуковае таварыства эканамічнага факультэта БДУ і іншыя. Акрамя таго, мы падтрымліваем партнёрскія адносіны з прадстаўнікамі бізнесу, такімі як Ашчадбанк і А1, якія дапамагаюць пашырыць маштабы нашай працы і прыўнесці практычны вопыт і веды ў нашы мерапрыемствы.
Якая інфармацыйная праца праводзіцца з насельніцтвам?
Інфармацыйная праца ўключае правядзенне адукацыйных мерапрыемстваў, такіх як форумы па МУР, лекцыі і трэнінгі ў ВНУ, школах, гімназіях і ліцэях, дзе мы знаёмім навучэнцаў з МУР і абмяркоўваем іх значнасць для кожнага з нас. Я стараюся актыўна далучаць удзельнікаў праз інтэрактыўныя фарматы, каб яны маглі не толькі даведацца больш, але і зразумець, як прынцыпы ўстойлівага развіцця можна прымяніць у паўсядзённым жыцці.
Як ты знаходзіш зацікаўленых удзельнікаў мерапрыемстваў і аднадумцаў?
Бо самыя значныя перамены трэба пачынаць з сябе, быць моладзевым амбасадарам – значыць не толькі казаць аб прынцыпах устойлівага развіцця, але і прытрымлівацца іх у паўсядзённым жыцці. Мяняючы сябе, мы таксама мяняем сваё асяроддзе, таму значная частка зацікаўленых удзельнікаў знаходзіцца праз асабістыя кантакты. Мой прыклад натхняе сяброў, аднагрупнікаў і знаёмых, якія пачынаюць цікавіцца МУР і хочуць зрабіць свой унёсак. Таксама цікавасць да тэмы ўстойлівага развіцця праяўляецца праз мерапрыемствы, якія мы праводзім ва ўніверсітэце і іншых установах адукацыі. Напрыклад, пасля маіх лекцый ці прэзентацый звычайна праяўляецца цікавасць з боку студэнтаў і школьнікаў, якія хочуць больш даведацца пра МУР і прыняць удзел у далейшых мерапрыемствах. Таксама форумы па МУР, якія штогод праходзяць у нашым універсітэце, прыцягваюць найбольш матываваных і зацікаўленых удзельнікаў.
Чаму ты вырашыла стаць паслом МУР і абраў менавіта гэтую Мэту?
З першага курса ўніверсітэта я стала актыўна цікавіцца тэмай устойлівага развіцця. Гэты напрамак прыцягнуў мяне сваёй актуальнасцю і магчымасцю зрабіць унёсак у глабальныя пазітыўныя змены ў свеце. Ужо тады я ўдзельнічала ў першым МУР-форуме, які праходзіў у Беларускім дзяржаўным універсітэце. Гэты форум стаў для мяне важнай адпраўной кропкай. У далейшым, у рамках другога МУР-форуму, я ўжо выступала не толькі як удзельнік, але і як адзін з арганізатараў, адказваючы за каардынацыю праектных каманд. У ролі куратара я дапамагала ўдзельнікам распрацоўваць і прасоўваць свае ідэі па розных напрамках устойлівага развіцця. Пасля другога форума я канчаткова вырашыла стаць Молодзевым паслом МУР, паколькі зразумела, што хачу прадоўжыць займацца гэтай тэмай на больш глыбокім узроўні, натхняць іншых і дапамагаць студэнтам і школьнікам усведамляць значнасць Мэт устойлівага развіцця. Я выбрала для сябе МУР 8 «Годная праца і эканамічны рост». Як студэнтка эканамічнага факультэта, я ведаю, што эканоміка ляжыць у аснове дабрабыту краіны і яе грамадзян, уплываючы на такія сферы, як занятасць, даходы, магчымасці для развіцця патэнцыялу моладзі. Эканамічны рост стымулюе развіццё бізнесу, інвестыцыі ў інавацыі і новыя тэхналогіі, а таксама стварае больш працоўных месцаў, што вядзе да зніжэння беднасці і паляпшэння сацыяльна-эканамічнага становішча.
22 лістапада 2024 г. у Мінску адбылася ўрачыстая цырымонія ўзнагароджання пераможцаў Нацыянальнага конкурсу «Прадпрымальнік года» па выніках дзейнасці за 2023 год.
Конкурс праводзіўся па пяці намінацыях: «Паспяховы старт», «Стабільны поспех», «Эфектыўны бізнес у сферы вытворчасці», «Эфектыўны бізнес у сферы паслуг», «Эфектыўны індывідуальны бізнес».
Усяго на ўдзел у конкурсе ў 2024 годзе было пададзена каля 500 заявак. Пастановай Савета Міністраў Рэспублікі Беларусь ад 16 кастрычніка 2024 г. № 759 пераможцамі вызначаны 34 удзельнікі. Дыпломамі «Ганаравы прадпрымальнік» узнагароджаны ТАА «ФРЭШПАК САЛЮШЭНС», ТАА «Шальлід».
Поўны спіс пераможцаў конкурсу даступны па спасылцы.
Правядзенне Нацыянальнага конкурсу «Прадпрымальнік года» робіць унёсак у дасягненне Рэспублікай Беларусь Мэт устойлівага развіцця 1, 8 і іншых МУР.
Фота: economy.gov.by
Пастановай Савета Міністраў ад 5 лістапада 2024 г. № 816 у новай рэдакцыі выкладзена Праграма стварэння дзяржаўнай зараднай сеткі для зарадкі электрамабіляў.
Праграма стварэння дзяржаўнай зараднай сеткі для зарадкі электрамабіляў распрацавана ў мэтах стымулявання выкарыстання ў Рэспубліцы Беларусь электрамабіляў шляхам стварэння развітой зараднай інфраструктуры і накіравана на развіццё ў Рэспубліцы Беларусь эканамічна эфектыўнай дзяржаўнай зараднай сеткі для зарадкі электрамабіляў.
У рамках Праграмы плануецца вызначыць асноўныя кірункі развіцця дзяржаўнай зараднай сеткі на тэрыторыі Рэспублікі Беларусь з улікам сучасных сусветных тэндэнцый, распрацаваць перспектыўную мадэль развіцця дзяржаўнай зараднай сеткі ў гарадскіх населеных пунктах і на асноўных аўтамагістралях, вызначыць паэтапнае развіццё дзяржаўнай зараднай сеткі дзяржаўнага аператара.
Праграмай таксама ўрэгуляваны пытанні развіцця дзяржаўнай зараднай сеткі, фінансавага забеспячэння, асноўныя рызыкі і механізмы кіравання імі.
Развітая зарадная інфраструктура ў Беларусі з’яўляецца ключавым фактарам
інтэнсіўнага ўкаранення электрамабіляў і ўмовай для развіцця ўласнай вытворчасці электрамабіляў і аўтакампанентаў. На 1 студзеня 2024 г. сетка ЭЗС уключае 1020 станцый. Яе развіваюць РУП «Вытворчае аб’яднанне «Беларуснафта», ААТ «БЕЛСЕЛЬЭЛЕКТРАСЕЦБУД», РУП «БЕЛТЭЛЕКАМ», ААТ «Віцязь», шэраг уладальнікаў сетак аўтазаправачных станцый, а таксама ажыццяўляецца адзінкавая ўстаноўка ЭЗС суб’ектамі гаспадарання.
Развіццё сеткі ЭЗС уносіць значны ўклад у дасягненне Рэспублікай Беларусь Мэт устойлівага развіцця 7, 9, 12 і іншых МУР.
КАРТА САЙТА
