Падрабязней аб удзеле беларускай дэлегацыі ў Саміце будучыні 22-23 верасня 2024 г.
22—23 верасня 2024 г. у Нью-Йорку праходзіў Саміт будучыні, у рамках якога беларуская дэлегацыя прадставіла дасягненні Беларусі ў галіне ўстойлівага развіцця і вылучыла прапановы па ўдасканаленні гэтай работы ў глабальным маштабе.
У мерапрыемстве прынялі удзел Нацыянальны каардынатар па дасягненні Мэт устойлівага развіцця, намеснік Старшыні Савета Рэспублікі Нацыянальнага сходу Рэспублікі Беларусь Сяргей Хаменка і Старшыня Пастаяннай камісіі Савета Рэспублікі Нацыянальнага сходу Рэспублікі Беларусь па міжнародных справах і нацыянальнай бяспецы Сяргей Алейнік.
Выступаючы ў рамках інтэрактыўнага дыялогу «Умацаванне шматбаковасці ў інтарэсах міжнароднага міру і бяспекі» Сяргей Хаменка заявіў, што Беларусь не мае ні ўнутраных супярэчнасцей, ні прэтэнзій да іншых дзяржаў і прытрымліваецца прынцыпаў мірнага ўрэгулявання любых спрэчак, роўнасці дзяржаў і неўмяшання ва ўнутраныя справы.
Нацыянальны каардынатар прывёў цытату з ліста Прэзідэнта Рэспублікі Беларусь у адрас Генеральнага сакратара ААН: «Ніколі не позна зрабіць тое, што правільна і жыцьцёва неабходна. Сёння, калі чалавецтва сапраўды знаходзіцца ў небяспечнай рысы, такі дыялог запатрабаваны, як ніколі раней».
У выступленні ён таксама падкрэсліў: «Беларусь заўсёды была і застаецца міралюбнай дзяржавай, якая шануе добрасуседскія адносіны і сяброўства паміж народамі. Толькі сумеснымі намаганнямі, рэалізуючы Мэты ўстойлівага развіцця, паважаючы адзін аднаго, мы здольны забяспечыць мір і бяспеку».
Поўнае выступленне Сяргея Хаменкі ў рамках інтэрактыўнага дыялогу «Умацаванне шматбаковасці ў інтарэсах міжнароднага міру і бяспекі»:
У сваім выступленні ў рамках Пленарнага пасяджэння Сяргей Хаменка паведаміў, што Саміт будучыні з’яўляецца магчымасцю ажывіць шматбаковае супрацоўніцтва на фоне нарастаючых супярэчнасцей у глабальнай палітыцы.
«Мы перакананыя ў тым, што нават у цяперашняй складанай абстаноўцы дзяржавы-члены ААН могуць і павінны эфектыўна займацца агульнымі выклікамі і пагрозамі. Спадзяемся, што Саміт будучыні надасць дадатковы імпульс у гэтым напрамку, асабліва ў тых галінах, якія ён непасрэдна закранае. Акрамя таго, такі імпульс неабходны на фоне слабых прамежкавых вынікаў па рэалізацыі Мэт устойлівага развіцця ў сусветным маштабе», — сказаў Сяргей Хаменка.
У выступленні ён асобна спыніўся на поспехах Беларусі па рэалізацыі Парадку дня ў галіне ўстойлівага развіцця на перыяд да 2030 года і падкрэсліў, што Беларусь шчыра адданая тэме ўстойлівага развіцця і праводзіць мэтанакіраваную работу па выкананні сваіх міжнародных абавязацельстваў.
«У цэлым Беларусь дабілася значных поспехаў. Нашы дасягненні абумоўлены двума фактарамі. Па-першае, Беларусь шчыра адданая тэме ўстойлівага развіцця і, як вынік, праводзіць мэтанакіраваную работу па ажыццяўленні міжнародных абавязацельстваў. Па-другое, мы пабудавалі моцную сацыяльна арыентаваную дзяржаву, якая праводзіць эфектыўную палітыку ў інтарэсах чалавека: дзяржава для чалавека, дзяржава ў імя чалавека», — паведаміў Нацыянальны каардынатар.
Сяргей Хаменка таксама выказаў упэўненасць, што адным з найважнейшых вынікаў Саміту павінна быць выснова, што цывілізаваная будучыня катэгарычна несумяшчальная з незаконнымі санкцыямі:
«Асобнымі дзяржавамі выдаткоўваюцца мільярды на закуп і пастаўку ўзбраенняў для распальвання канфліктаў. Чаму гэтыя сродкі не выдаткаваць на выкараненне голаду, галечы, дасягненне іншых Мэт устойлівага развіцця ў тых краінах, якія асабліва маюць вострую патрэбу ў дапамозе? Бо без міру развіцця быць не можа. Заклікаем краіны Захаду адмовіцца ад неакаланіяльнай палітыкі. У адваротным выпадку ўся адказнасць за няўдачы ў рэалізацыі Позвы-2030 і вынікаў Саміту будучыні будзе ляжаць на вас».
Поўнае выступленне Сяргея Хаменкі на Пленарным пасяджэнні Саміту будучыні:
У рамках Саміта будучыні беларускія парламентарыі правялі сустрэчы з кіраўніцтвам Сакратарыята ААН, дэлегацый Азербайджана, Кыргызстана, Манголіі, Расіі, Зімбабвэ, Алжыра, Таджыкістана, Кыргызстана, Казахстана, а таксама шэрага міжнародных арганізацый.
.
Крыніца інфармацыі
З 23 па 30 верасня 2024 г. ва ўстановах адукацыі Беларусі ў рамках інфармацыйных, класных, куратарскіх гадзін будзе праведзены Самы вялікі ўрок аб Мэтах устойлівага развіцця.
Урок накіраваны на знаёмства школьнікаў і студэнтаў з Мэтамі ўстойлівага развіцця, фарміраванне разумення значнасці МУР у вырашэнні глабальных праблем сучаснасці, усведамленне ролі кожнага жыхара планеты ў працэсах рэалізацыі ідэй і прынцыпаў устойлівага развіцця.
Матэрыялы навучальных заняткаў распрацаваны Каардынацыйным цэнтрам «Адукацыя ў інтарэсах устойлівага развіцця» Беларускага дзяржаўнага педагагічнага ўніверсітэта ім. М. Танка ў рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця».
Правядзенне Самага вялікага ўрока аб МУР робіць унёсак у папулярызацыю ідэй і каштоўнасцяў Парадаку дня ў галіне ўстойлівага развіцця на перыяд да 2030 года.
У мэтах папулярызацыі ідэй і каштоўнасцей устойлівага развіцця сярод дзяцей і моладзі ў 2024-2025 навучальным годзе ва ўстановах агульнай сярэдняй адукацыі будзе рэалізаваны III Рэспубліканскі адукацыйны праект «Урокі ўстойлівага развіцця».
Праект уключае правядзенне 19 онлайн сесій па Мэтам устойлівага развіцця (кастрычнік 2024 г. – сакавік 2025 г.) і Рэспубліканскага конкурсу «Юныя сябры МУР» (сакавік – май 2025 г.).
Да ўдзелу запрашаюцца навучэнцы профільных класаў педагагічнай накіраванасці ўстаноў агульнай сярэдняй адукацыі Рэспублікі Беларусь.
Для ўдзелу ў праекце неабходна зарэгістравацца да 24 верасня 2024 г.
Больш падрабязна азнаёміцца з умовамі ўдзелу і этапамі праекта можна ў Палажэнні.
Адукацыйны праект арганізаваны Міністэрствам адукацыі Рэспублікі Беларусь і ўстановай адукацыі «Беларускі дзяржаўны педагагічны універсітэта імя Максіма Танка» ў рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які рэалізуецца агенцтвамі ААН у Рэспубліцы Беларусь і фінансуецца Урадам Расійскай Федэрацыі.
Рэалізацыя Рэспубліканскага адукацыйнага праекта «Урокі ўстойлівага развіцця» садзейнічае фарміраванню экадружалюбных звычак і «ўстойлівага» ладу жыцця, а таксама папулярызацыі ідэй і каштоўнасцей Парадку дня ў галіне ўстойлівага развіцця на перыяд да 2030 года.
19 верасня 2024 г. у Мінску пад кіраўніцтвам дырэктара ДНУ «Навукова-даследчы эканамічны інстытут Міністэрства эканомікі Рэспублікі Беларусь» і з удзелам прадстаўнікоў рэгіёнаў і ПРААН у Рэспубліцы Беларусь адбылося пасяджэнне рабочай групы па распрацоўцы рэгіянальных стратэгій устойлівага развіцця. На пасяджэнні члены рабочай групы абмеркавалі ход распрацоўкі рэгіянальных стратэгій устойлівага развіцця, уключэнне рэгіянальных груп устойлівага развіцця ў гэту працу, прадстаўленне праектаў стратэгій на пасяджэнні Савета па ўстойліваму развіццю, якое запланавана на лістапад 2024 года.
Пасяджэнне рабочай групы па распрацоўцы рэгіянальных стратэгій устойлівага развіцця праводзілася пры падтрымцы ПРААН у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які рэалізуецца пры фінансавай падтрымцы Расійскай Федэрацыі.
КАРТА САЙТА
