7 верасня 2024 г. у Мінску пройдзе Фестываль навукі, арганізаваны Нацыянальнай акадэміяй навук Беларусі.
В рамках Фестиваля будут организованы тематические площадки («Космос», «Интеллектуальные технологии», «Вкус науки», «Медицина», «Лаборатория», «Экология», «Этнография», «Университет будущего», «НАУКА 0+», «ATOM TEAM»), включающие лекции от известных ученых, выставки достижений, интерактивные научные эксперименты, мастер-классы и другие активности для посетителей всех возрастов и интересов.
У рамках Фестывалю будуць арганізаваны тэматычныя пляцоўкі («Космас», «Інтэлектуальныя тэхналогіі», «Смак навукі», «Медыцына», «Лабараторыя», «Экалогія», «Этнаграфія», «Універсітэт будучыні», «НАВУКА 0+», «ATOM TEAM»), якія ўключаюць лекцыі ад вядомых вучоных, выставы дасягненняў, інтэрактыўныя навуковыя эксперыменты, майстар-класы і іншыя актыўнасці для наведвальнікаў усіх узростаў і інтарэсаў.
Акрамя таго, у рамках Фестывалю пройдзе выстава-конкурс «100 інавацый маладых вучоных», на якой будуць прадстаўлены лепшыя дасягненні навуковай моладзі Беларусі.
Падрабязней з праграмай Фестывалю можна азнаёміцца на сайце.
Правядзенне Фестывалю навукі ўносіць важны ўклад у дасягненне Рэспублікай Беларусь Мэты ўстойлівага развіцця 9 і іншых МУР.
3 – 10 верасня 2024 г. ва ўсіх рэгіёнах Беларусі праходзіць Рэспубліканскі тыдзень устаноў дадатковай адукацыі дзяцей і моладзі, накіраваны на вывучэнне інтарэсаў і патрэб навучэнцаў. Тэма 2024 года: «Якасная дадатковая адукацыя дзяцей і моладзі сёння – паспяховая будучыня заўтра!».
На працягу ўсяго тыдня ўстановы дадатковай адукацыі будуць прэзентаваць свае магчымасці і расказваць аб напрамках, якія адкрыліся з 2024 года. Рабят чакаюць інтэрактыўныя пляцоўкі, майстар-класы, спартыўныя актыўнасці, выступленні творчых калектываў, фотазоны, гульні, конкурсы, флэшмобы і інш.
У рамках Рэспубліканскага тыдня таксама адбудзецца пашыранае пасяджэнне Рэспубліканскай рады па пытаннях дадатковай адукацыі дзяцей і моладзі і паседжанне Рэспубліканскай рады дырэктараў устаноў фізічнага выхавання.
З поўным пералікам усіх мерапрыемстваў можна азнаёміцца на сайтах устаноў адукацыі Беларусі.
Правядзенне Рэспубліканскага тыдня ўстаноў дадатковай адукацыі дзяцей і моладзі садзейнічае пашырэнню напрамкаў і відаў дзейнасці па ўсіх профілях дадатковай адукацыі і ўносіць уклад у дасягненне Рэспублікай Беларусь Мэты ўстойлівага развіцця 4 і іншых МУР.
.
Крыніца інфармацыі
З мэтай забеспячэння высокай якасці аказання населенасці паслуг мабільнай рухомай электрасувязі, а таксама павышэння яе даступнасці, у тым ліку ў сельскай мясцовасці, у Беларусі прынята рашэнне аб усталяванні абавязковых для мабільных аператараў патрабаванняў да якасці і ахопу прадастаўляемых імі паслуг. Адпаведны Указ №335 «Аб аказанні паслуг мабільнай рухомай электрасувязі» падпісаны Прэзідэнтам Рэспублікі Беларусь 26 жніўня 2024 г.
Згодна з Указу, сотавыя аператары будуць накіроўваць частку прыбытку на рэалізацыю мерапрыемстваў і праектаў у сферы лічбавага развіцця, рэалізацыю інвестыцыйных праектаў, а таксама будаўніцтва новых і мадэрнізацыю існуючых аб’ектаў, лінію электрасувязі, абсталявання і інфармацыйных сістэм, якія дазволяць павялічыць зону пакрыцця і ўстойлівасць сігналу.
Акрамя таго, Указам прадугледжваецца ўвядзенне базавага сацыяльнага тарыфу для насельніцтва, кошт якога будзе знаходзіцца пад кантролем дзяржавы і стане даступным для ўсіх катэгорый грамадзян.
Распаўсюджванне камунікацыйных тэхналогій і развіццё адпаведнай інфраструктуры ўносіць важны ўклад у дасягненне Рэспублікай Беларусь Мэт устойлівага развіцця 9, 10, 11 і іншых МУР.
27 – 29 жніўня 2024 г. у Ташкенце праходзіла Нарада высокага ўзроўню Сеткі экспертаў па шматмернай беднасці.
У ходзе сесіі, прысвечанай распрацоўцы нацыянальных індэксаў шматмернай беднасці, першы намеснік Старшыні Нацыянальнага статыстычнага камітэта Рэспублікі Беларусь Алена Кухарэвіч прадставіла вопыт Беларусі па распрацоўцы метадалагічных падыходаў да разліку нацыянальнага індэкса шматмернай беднасці.
У сваім выступленні яна адзначыла, што для адбору найбольш значных для краіны індыкатараў і вызначэння нарматываў, якія могуць быць выкарыстаны як парогі беднасці, былі прааналізаваны розныя праграмныя і стратэгічныя дакументы, якія вызначаюць ключавыя напрамкі развіцця ў сярэднетэрміновым і доўгатэрміновым перыядах. Вынікі разліку за 2023 год паказалі, што індэкс шматмернай беднасці склаў 0,021 па хатніх гаспадарках і 0,01 па насельніцтве, што сведчыць аб нізкім узроўні шматмернай беднасці ў Беларусі. Акрамя таго, Алена Кухарэвіч звярнула ўвагу на скарачэнне ўзроўню абсалютнай беднасці – доля насельніцтва краіны, якое жыве за нацыянальнай рысай беднасці, скарацілася да 3,6% (па дадзеных за 2023 год) пры ўсталяваным парогавым значэнні да 2030 года – 4%.
У рамках Нарады высокага ўзроўню таксама адбылася сустрэча прадстаўнікоў Нацыянальнага статыстычнага камітэта Рэспублікі Беларусь з экспертамі Оксфардскай ініцыятывы па барацьбе з беднасцю і чалавечым развіцці (OPHI). Бакі абмеркавалі далейшыя дзеянні па валідацыі індыкатараў, якія выкарыстоўваюцца для ацэнкі нацыянальнага індэкса шматмернай беднасці.
Падтрымка ўдзелу беларускай дэлегацыі ў Нарадзе была аказана Праграмай развіцця ААН у Беларусі ў рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі МУР», які фінансуецца Урадам Расійскай Федэрацыі.
Распрацоўка метадалагічных падыходаў да разліку нацыянальнага індэкса шматмернай беднасці дае магчымасць атрымаць своечасовыя статыстычныя даныя для выпрацоўкі нацыянальнай палітыкі скарачэння беднасці і ўносіць важны ўклад у дасягненне Рэспублікай Беларусь Мэты ўстойлівага развіцця 1 і іншых МУР.
Да асноўных тыпаў неінфекцыйных захворванняў Сусветная арганізацыя аховы здароўя адносіць усе сардэчна-сасудзістыя і анкалагічныя захворванні, хранічную абструктыўную хваробу лёгкіх і дыябет. 8 з 10 смерцяў як у свеце, так і ў Рэспубліцы Беларусь звязаны з неінфекцыйнымі захворваннямі.
Самыя эфектыўныя прафілактычныя меры ў адносінах да неінфекцыйных захворванняў знаходзяцца за межамі кампетэнцый медыцынскіх работнікаў і Міністэрства аховы здароўя Рэспублікі Беларусь. Гэта датычыцца рэгулявання продажаў прадуктаў харчавання, гарадскога планавання, стымулявання фізічнай актыўнасці, рэгулявання абароту тытуню і алкаголю. Змяненне паводзін людзей на карысць больш здаровага ладу жыцця часта значна больш эфектыўнае, чым намаганні сістэмы аховы здароўя па выратаванні пацыентаў ад ужо насталых неінфекцыйных захворванняў.
26 – 30 жніўня 2024 г. на базе Інстытута павышэння кваліфікацыі і перападрыхтоўкі кадраў аховы здароўя УА «Беларускі дзяржаўны медыцынскі ўніверсітэт» для кіраўнікоў арганізацый аховы здароўя праводзіцца трэнінг «Тэхналогіі кіравання грамадскім здароўем у рэалізацыі стратэгіі ўстойлівага развіцця», прысвечаны пытанням прафілактыкі неінфекцыйных захворванняў і міжведамасным падыходам на абласных і раённых узроўнях.
Праграма трэнінгу накіравана на фарміраванне новых ведаў і ўменняў па тэарэтычных асновах грамадскага здароўя і аховы здароўя, а таксама арганізацыю мерапрыемстваў па рэалізацыі Мэт устойлівага развіцця на нацыянальным і рэгіянальным узроўнях, у прыватнасці МУР 3 «Забеспячэнне здаровага ладу жыцця і спрыянне дабрабыту для ўсіх людзей у любым узросце».
Трэнінг арганізаваны Інстытутам павышэння кваліфікацыі і перападрыхтоўкі кадраў аховы здароўя УА «Беларускі дзяржаўны медыцынскі ўніверсітэт» пры падтрымцы Сусветнай арганізацыі аховы здароўя і Міністэрства аховы здароўя Рэспублікі Беларусь у рамках праекта «Падтрымка намаганняў Рэспублікі Беларусь па нацыяналізацыі і лакалізацыі МУР», фінансуемага Урадам Расійскай Федэрацыі.
/
Дадатковая інфармацыя:
Прафілактыка неінфекцыйных захворванняў і барацьба з імі ў Беларусі: аргументы на карысць інвесціравання
STEPS: распаўсюджанасць фактараў рызыкі неінфекцыйных захворванняў у Рэспубліцы Беларусь, 2020 г.
23 жніўня 2024 г. у Мінску адбылося падпісанне Дарожных карт па развіццю супрацоўніцтва Міністэрства прыродных рэсурсаў і аховы навакольнага асяроддзя Рэспублікі Беларусь з 9 установамі вышэйшай адукацыі Беларусі ў галіне аховы навакольнага асяроддзя і рацыянальнага (устойлівага) выкарыстання прыродных рэсурсаў на 2024–2026 гады.
Дарожныя карты накіраваны на павышэнне эфектыўнасці ўзаемадзеяння па пытаннях удасканалення экалагічнай адукацыі, падрыхтоўкі спецыялістаў у галіне аховы навакольнага асяроддзя і рацыянальнага (устойлівага) прыродакарыстання, а таксама павышэння іх кваліфікацыі.
Дарожныя карты ўключаюць: выкананне навуковых даследаванняў у рамках навуковых праграм, абмен вопытам у галіне аховы навакольнага асяроддзя, развіццё сеткавай формы ўзаемадзеяння пры рэалізацыі вучэбнай праграмы факультатыўных заняткаў «Асновы рацыянальнага прыродакарыстання і аховы прыродных рэсурсаў», прыцягненне кіраўнікоў і спецыялістаў арганізацый Мінпрыроды ў якасці кіраўнікоў або навуковых кансультантаў курсавых, дыпломных работ і магістарскіх дысертацый навучэнцаў і інш.
Дарожныя карты падпісалі наступныя ўстановы вышэйшай адукацыі:
Развіццё супрацоўніцтва Мінпрыроды з установамі вышэйшай адукацыі краіны ўнясе ўклад у дасягненне Рэспублікай Беларусь Мэт устойлівага развіцця 4, 12, 13, 15 і іншых МУР.
20 – 21 жніўня 2024 г. на 31-й сесіі Камітэта па правах інвалідаў ААН у Жэневе беларуская дэлегацыя прадставіла Нацыянальны даклад аб рэалізацыі правоў людзей з інваліднасцю і іх сацыяльнай інтэграцыі ў рамках ажыццяўлення палажэнняў Канвенцыі аб правах інвалідаў.
У ходзе актыўнага дыялога Рэспубліка Беларусь абазначыла дасягненні па рэалізацыі Канвенцыі і далейшыя перспектывы для нарошчвання нацыянальных намаганняў у справе рэалізацыі правоў людзей з інваліднасцю і іх сацыяльнай інтэграцыі.
Нацыянальны даклад быў прадстаўлены намеснікам Міністра працы і сацыяльнай абароны Рэспублікі Беларусь Марынай Арцёменкай. У выступленні яна адзначыла, што Беларусь прыкладае сур’ёзныя намаганні па выкананні агульных прынцыпаў і абавязацельстваў Канвенцыі і дасягнула канкрэтных вынікаў па інтэграцыі людзей з інваліднасцю ў грамадства.. Сярод прыярытэтаў дзяржаўнай палітыкі з’яўляецца стварэнне даступнага асяроддзя, паляпшэнне якасці жыцця людзей з інваліднасцю, падтрымка сем’яў, забеспячэнне роўных магчымасцей для ажыццяўлення правоў і свабод. Асноўным стратэгічным дакументам па рэалізацыі краінай палажэнняў Канвенцыі з’яўляецца Нацыянальны план дзеянняў, які змяшчае канкрэтныя меры па забеспячэнні дастойных умоў жыцця для людзей з інваліднасцю.
Інтарэсы грамадскіх аб’яднанняў людзей з інваліднасцю прадставіў старшыня Цэнтральнага праўлення Грамадскага аб’яднання «Беларускае таварыства глухіх» Сяргей Скурановіч. Ён падкрэсліў, што выбудаваная ў краіне дзяржаўная палітыка ў адносінах да рэалізацыі правоў і законных інтарэсаў людзей з інваліднасцю цесна ўзаемадзейнічае з грамадскімі аб’яднаннямі і максімальна задавальняе іх патрэбнасцям у галіне адукацыі, побыту, аховы здароўя, працаўладкавання, творчасці і спорту.
Стварэнне ўмоў для забеспячэння роўных правоў і магчымасцей для ўсіх грамадзян уносіць важны ўклад у рэалізацыю Парадку дня ў галіне ўстойлівага развіцця на перыяд да 2030 года.
Крыніцы інфармацыі:
23 жніўня 2024 г. на базе турыстычнага кластара «Чыгірынка» адбылася выязная працоўная сустрэча рэгіянальнай групы па ўстойлівым развіцці Магілёўскай вобласці.
Удзел у мерапрыемстве прынялі 22 чалавекі, з іх 59% жанчыны, уключаючы прадстаўнікоў Магілёўскага абласнога, Быхаўскага і Мсціслаўскага раённага выканаўчых камітэтаў, Магілёўскай абласной асацыяцыі мясцовых Саветаў дэпутатаў, Магілёўскага абласнога камітэта прыродных рэсурсаў і аховы навакольнага асяроддзя, устаноў адукацыі, культуры, моладевых, турыстычных і іншых арганізацый.
У ходзе мерапрыемства ўдзельнікі абмеркавалі падыходы да актуалізацыі Стратэгіі ўстойлівага развіцця Магілёўскай вобласці на перыяд да 2035 года, прапановы па пераглядзе стратэгічных прыярытэтаў у частцы якасці жыцця насельніцтва, якаснай і даступнай адукацыі, аховы здароўя, павышэння канкурэнтнасці рэгіёнаў Магілёўскай вобласці і іншыя пытанні.
Мерапрыемства арганізавана Магілёўскім абласным выканаўчым камітэтам пры падтрымцы Праграмы развіцця ААН у Беларусі ў рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі МУР», пры фінансавай падтрымцы Расійскай Федэрацыі.
Актуалізацыя Стратэгіі ўстойлівага развіцця Магілёўскай вобласці на перыяд да 2035 года ўносіць важны ўклад у лакалізацыю Мэт устойлівага развіцця і рэалізацыю Парадку дня ў галіне ўстойлівага развіцця на перыяд да 2030 года.
Прэзентацыі выступоўцаў:
Падыходы да актуалізацыі стратэгіі ўстойлівага развіцця Магілёўскай вобласці на перыяд да 2035 года
Сістэма аховы здароўя – галіна, арыентаваная на ўстойлівае развіццё будучых пакаленняў
Павышэнне якасці жыцця насельніцтва і развіццё сістэмы сацыяльнай абароны
Развіццё прыроднага патэнцыялу Магілёўскай вобласці на прыкладзе функцыянавання Чыгірынскага турыстычнага кластара
Стварэнне ўмоў для прасоўвання здаровага ладу жыцця праз развіццё веласіпеднага руху
КАРТА САЙТА
