8 жніўня 2024 г. адбылося паседжанне Гомельскага абласнога выканаўчага камітэта па абмеркаванні вынікаў працы эканомікі Гомельскай вобласці ў першым паўгоддзі 2024 года, а таксама прагнозных паказчыкаў сацыяльна-эканамічнага развіцця на 2025 год.
Гомельская вобласць валодае значнымі прыроднымі рэсурсамі, развітым прамысловым комплексам, кампетэнтнымі спецыялістамі. На вобласць прыпадае пятая частка аб’ёмаў прамысловай вытворчасці краіны. Для Гомельскай вобласці менавіта прамысловасць дае магчымасць атрымаць значны эфект для эканомікі за кошт мадэрнізацыі існуючых і стварэння новых вытворчасцей, пашырэння асартыменту, выпуску новых відаў інавацыйнай і высокатэхналагічнай прадукцыі.
З ліпеня 2024 года ў Беларусі ўступіў у сілу абноўлены Закон «Аб інвестыцыях», якім прадугледжаны дадатковыя механізмы стымулявання вытворчых ініцыятыў рэгіёнаў.
Павышэнне інвестыцыйнай прывабнасці Гомельскай вобласці будзе садзейнічаць яе сацыяльна-эканамічнаму развіццю і ўнясе ўклад у дасягненне Рэспублікай Беларусь Мэт устойлівага развіцця 8, 10, 11 і іншых МУР.
Крыніца інфармацыі
У Беларусі вялікая ўвага надаецца бесперашкоднаму доступу грамадзян, у тым ліку людзей з інваліднасцю, да аб’ектаў сацыяльнай інфраструктуры. Доля даступнасці аб’ектаў сацыяльнай сферы на сённяшні дзень складае 19,6%. Усяго налічваецца 22 тыс. аб’ектаў, якія поўнасцю даступны для ўсіх катэгорый людзей з інваліднасцю. Да канца 2025 года плануецца ўладкаваць яшчэ 8 тыс. аб’ектаў сацыяльнай сферы, што павысіць працэнт даступнасці да 23,4%.
Працягваецца распрацоўка аўтаматызаванай інфармацыйнай сістэмы па ўліку даступнасці аб’ектаў сацыяльнай інфраструктуры. У 2024 годзе плануецца завяршэнне фарміравання электроннай базы даступных аб’ектаў сацыяльнай інфраструктуры, звесткі з якой будуць адбівацца на публічнай кадастравай інтэрнет-карце. Такая карта стане віртуальным гідам па горадзе для людзей з інваліднасцю. Плануецца, што аўтаматызаваная інфармацыйная сістэма пачне працаваць з 1 студзеня 2025г.
Павышэнне сацыяльнай інтэграцыі і сацыяльнай мабільнасці людзей з інваліднасцю робіць уклад у дасягненне Рэспублікай Беларусь Мэт устойлівага развіцця 10, 11 і іншых МУР.
26 жніўня 2024г. у Беларусі стартуе ментарская праграма для жанчын-прадпрымальнікаў. На працягу чатырох месяцаў ментары будуць дзяліцца вопытам, вырашаць задачы, фарміраваць новыя напрамкі развіцця свайго бізнесу, атрымліваць новыя навыкі, вызначаць пункты прафесійнага росту. Таксама прадпрымальніцы пройдуць навучанне, распрацаванае пад іхнія запыты.
Да ўдзелу ў праграме запрашаюцца жанчыны-прадпрымальнікі: уладальніцы і кіраўнікі малога і сярэдняга бізнесу, самазанятыя іх Віцебскай, Магілёўскай і Гомельскай абласцях.
Для ўдзелу ў ментарскай праграме неабходна запоўніць анкету да 25 жніўня 2024 г. Усяго ўдзельніцамі стануць 45 прадпрымальніц – 15 ментараў і 30 падапечных.
Для больш падрабязнага азнаямлення патэнцыйных удзельніц з праграмай у Віцебску (20 жніўня), у Магілёве (22 жніўня) і ў Гомелі (23 жніўня) будуць арганізаваны сустрэчы.
Ментарская праграма рэалізуецца кампаніяй «ААБ Кансалт» у рамках ініцыятывы Праграмы развіцця ААН у Беларусі па садзейнічанні ўстойліваму сацыяльна-эканамічнаму развіццю ў партнёрстве з Міністэрствам эканомікі Рэспублікі Беларусь.
З больш падрабязнай інфармацыяй аб ментарскай праграме для жанчын-прадпрымальнікаў можна азнаёміцца па спасылцы.
Рэалізацыя ментарскай праграмы для жанчын-прадпрымальнікаў унясе ўклад у дасягненне Рэспублікай Беларусь Мэт устойлівага развіцця 5, 8 і іншых МУР.
Міністэрства прыродных рэсурсаў і аховы навакольнага асяроддзя Рэспублікі Беларусь праводзіць грамадскае абмеркаванне праекта Закона Рэспублікі Беларусь «Аб змяненні законаў Рэспублікі Беларусь».
Законапраект накіраваны на ўдасканаленне прававога рэгулявання адносін у галіне аховы і выкарыстання вод з улікам практыкі прымянення Воднага кодэкса Рэспублікі Беларусь. Законапраектам таксама ўносяцца змяненні ў Закон Рэспублікі Беларусь «Аб дзяржаўнай экалагічнай экспертызе, стратэгічнай экалагічнай ацэнцы і ацэнцы ўздзеяння на навакольнае асяроддзе» і Кодэкс Рэспублікі Беларусь аб архітэктурнай, горадабудаўнічай і будаўнічай дзейнасці.
Заўвагі і прапановы можна выказаць у спецыяльнай тэме на Прававым форуме Беларусі або накіраваць на электронны адрас mail@minpriroda.gov.by да 18 жніўня 2024г.
Актуалізацыя палажэнняў Воднага кодэкса Рэспублікі Беларусь, Кодэкса Рэспублікі Беларусь аб архітэктурнай, горадабудаўнічай і будаўнічай дзейнасці і Закона Рэспублікі Беларусь «Аб дзяржаўнай экалагічнай экспертызе, стратэгічнай экалагічнай ацэнцы і ацэнцы ўздзеяння на навакольнае асяроддзе» унясе ўклад у дасягненне Рэспублікай Беларусь Мэт устойлівага развіцця 11, 13, 14, 15 і іншых МУР.
3 жніўня 2024 г. у вёсках Масцішча і Асташына Навагрудскага раёна прыняты ў эксплуатацыю новыя модульныя фельчарска-акушэрскія пункты.
Фельчарска-акушэрскія пункты аснашчаны ўсім неабходным абсталяваннем для абследавання пацыентаў, аказання неадкладнай даўрачэбнай (у тым ліку экстранай) і акушэрскай дапамогі. У лік іх абавязкаў таксама ўваходзіць прыём насельніцтва дома, патранаж дзяцей да 3 гадоў, медыцынскае абслугоўванне дзіцячых дашкольных устаноў, якія не маюць у сваім складзе медработнікаў, правядзенне санітарна-проціэпідэмічных работ і інш.
Устаноўка модульных ФАПаў стала аптымальным рашэннем, якое дапамагло стварыць сучасныя ўмовы для медыцынскай дапамогі вяскоўцам. З пачатку 2024 года ў Навагрудскім раёне адкрыта ўжо тры модульныя фельчарска-акушэрскія пункты: у студзені – у вёсцы Ятра, у красавіку – у аграгарадку Ваўковічы, у чэрвені – у вёсцы Дзяляцічы.
Функцыянаванне фельчарска-акушэрскіх пунктаў робіць медыцынскую дапамогу больш даступнай і ўносіць важны ўклад у дасягненне Рэспублікай Беларусь Мэт устойлівага развіцця 3, 11 і іншых МУР.
6 жніўня 2024 г. у Мінску адбылася прэс-канферэнцыя «Важныя аспекты ў сацыяльнай палітыцы дзяржавы: новаўвядзенні ў заканадаўстве па сацыяльнай падтрымцы інвалідаў».
У рамках прэс-мерапрыемства прадстаўнікі Міністэрства працы і сацыяльнай абароны Рэспублікі Беларусь абмеркавалі новаўвядзенні ў заканадаўстве па сацыяльнай падтрымцы людзей з інваліднасцю, эфектыўнасць існуючых законаў, меры, якія прымаюцца для ўкаранення інклюзіўнага асяроддзя ў Рэспубліцы Беларусь, асаблівасці рэгулявання працы людзей з інваліднасцю, уцягванне людзей з інваліднасцю ў жыццё грамадства, рэалізуемыя мерапрыемствы для падтрымкі сем’яў і іншыя пытанні.
На сённяшні дзень у Беларусі пражываюць 6% людзей з інваліднасцю ад агульнай колькасці насельніцтва. Гарантыі фарміравання інклюзіўнага асяроддзя, забеспячэння роўных правоў людзей з інваліднасцю на ўдзел у жыцці грамадства, ахову здароўя, адукацыю, свабодны выбар працоўнай дзейнасці, а таксама забеспячэнне роўнасці і недыскрымінацыі па прыкмеце інваліднасці замацаваны ў Законе «Аб правах інвалідаў і іх сацыяльнай інтэграцыі». У гэты Закон інтэграваны нормы законаў «Аб сацыяльнай абароне інвалідаў у Рэспубліцы Беларусь» і «Аб папярэджанні інваліднасці і рэабілітацыі інвалідаў», а таксама палажэнні Канстытуцыі Рэспублікі Беларусь і Канвенцыі аб правах інвалідаў.
Акрамя таго, з ліпеня 2024 года ў Беларусі рэалізуюцца палажэнні Закона Рэспублікі Беларусь ад 13 снежня 2023 г. № 318-З «Аб змяненні законаў па пытаннях сацыяльнага абслугоўвання і сацыяльных выплат», якія замацоўваюць новыя прынцыпы сацыяльнага абслугоўвання пажылых грамадзян і людзей з інваліднасцю, накіраваныя на стварэнне ўмоў для максімальна працяглага пражывання атрымальнікаў сацыяльных паслуг па месцы жыхарства праз арганізацыю іх сацыяльнага абслугоўвання з улікам ступені страты здароўя, абсталявання жылой прасторы і наяўнасці сацыяльнага асяроддзя.
Запіс прэс-канферэнцыі «Важныя аспекты ў сацыяльнай палітыцы дзяржавы: новаўвядзенні ў заканадаўстве па сацыяльнай падтрымцы інвалідаў» даступны па спасылцы.
Забеспячэнне роўных правоў і магчымасцей для ўсіх грамадзян уносіць важны ўклад у рэалізацыю Парадаку дня ў галіне ўстойлівага развіцця на перыяд да 2030 года.
Моладзевыя паслы Мэт устойлівага развіцця III і IV скліканняў падрыхтавалі Моладзевы слоўнік тэрмінаў па тэматыцы ўстойлівага развіцця. Уся інфармацыя ў выданні прадстаўлена на рускай і англійскай мовах.
Слоўнік арыентаваны на студэнтаў вышэйшых навучальных устаноў, навучэнцаў устаноў сярэдняй, сярэднеспецыяльнай і прафесійна-тэхнічнай адукацыі, а таксама можа быць выкарыстаны ў рамках праектаў: «Устойлівы універсітэт», «Устойлівае лета», «Моладзевыяпаслы МУР – будучыня нашай планеты» і інш. Пры падрыхтоўцы выдання ўлічаны дасягненні Рэспублікі Беларусь у рэалізацыі Парадаку дня ў галіне ўстойлівага развіцця на перыяд да 2030 года, а таксама стратэгічныя і нацыянальныя інтарэсы краіны.
Моладзевы слоўнік тэрмінаў па тэматыцы ўстойлівага развіцця распрацаваны пры падтрымцы Міністэрства адукацыі Рэспублікі Беларусь, Інстытута інклюзіўнай адукацыі Беларускага дзяржаўнага педагагічнага ўніверсітэта імя Максіма Танка, Рэспубліканскага моладзевага цэнтра, Дзіцячага фонду ААН (ЮНІСЕФ) у рамках праекта «Падтрымка намаганняў Рэспублікі Беларусь па нацыяналізацыі і лакалізацыі МУР», які фінансуецца Урадам Расійскай Федэрацыі.
Слоўнік арыентаваны на студэнтаў вышэйшых навучальных устаноў, навучэнцаў устаноў сярэдняй, сярэднеспецыяльнай і прафесійна-тэхнічнай адукацыі, а таксама можа быць выкарыстаны ў рамках праектаў: «Устойлівы універсітэт», «Устойлівае лета», «Моладзевыя паслы МУР – будучыня нашай планеты» і інш. Пры падрыхтоўцы выдання ўлічаны дасягненні Рэспублікі Беларусь у рэалізацыі Парадаку дня ў галіне ўстойлівага развіцця на перыяд да 2030 года, а таксама стратэгічныя і нацыянальныя інтарэсы краіны.
З мэтай паглыблення ведаў навучэнцаў аб навакольным свеце і фарміравання ў іх
цікавасці да вывучэння прыродазнаўчых дысцыплін Пастановай Міністэрства адукацыі Рэспублікі Беларусь ад 26 ліпеня 2024 г. № 95 зацверджана вучэбная праграма факультатыўных заняткаў «Лабараторыя адкрыццяў».
Вучэбная праграма разлічана на 34 гадзіны і прызначана для першага або другога класа ўстаноў адукацыі, якія рэалізуюць адукацыйныя праграмы агульнай сярэдняй адукацыі. Да правядзення заняткаў могуць далучацца настаўнікі фізікі. Формы і метады навучання і выхавання падбіраюцца з улікам узроставых асаблівасцей вучняў.
У ходзе заняткаў навучэнцы будуць знаёмяцца з элементамі навукі «Фізіка», вучыцца аналізаваць і разумець фізічную прыроду навакольных з’яў. Засвоіўшы змест вучэбнага матэрыялу, школьнікі будуць умець праводзіць назіранні і нескладаныя доследы, вылучаць гіпотэзы і прагназаваць вынікі, а таксама змогуць прымаць удзел у даследчай працы, размяркоўваць ролі, дамаўляцца, абмяркоўваць працэс і вынік сумеснай працы.
Рэалізацыя вучэбнай праграмы факультатыўных заняткаў «Лабараторыя адкрыццяў» зробіць унёсак у дасягненне Рэспублікай Беларусь Мэты ўстойлівага развіцця 4 і іншых МУР.
Міністэрства эканомікі Рэспублікі Беларусь падрыхтавала кіраўніцтва па фармаванні пераліку дзяржаўных праграм на 2026-2030 гады.
Кіраўніцтва змяшчае інфармацыю аб тым, якімі нарматыўнымі прававымі актамі рэгулюецца працэс фарміравання пераліку, якія дзяржаўныя праграмы могуць быць уключаны, і хто фарміруе і ўносіць прапановы аб іх уключэнні ў пералік. У дакуменце таксама ўказаны этапы і тэрміны фарміравання пераліку, прадстаўлена структура складання прапановы аб уключэнні дзяржаўнай праграмы і абазначана, як у прапанове адлюстроўваць адпаведнасць задач дзяржаўнай праграмы Мэтам устойлівага развіцця і палажэнням Нацыянальнай стратэгіі ўстойлівага развіцця Рэспублікі Беларусь да 2040 года.
Так, у пералік дзяржаўных праграм на 2026-2030 гады могуць быць уключаны:
Прапановы па ўключэнні дзяржаўных праграм у пералік на 2026-2030 гады будуць прадстаўлены ў Міністэрства эканомікі Рэспублікі Беларусь да 25 кастрычніка 2024 г. Праект пераліку дзяржаўных праграм будзе вынесены на разгляд да 1 снежня 2024 г.
Распрацоўка і рэалізацыя дзяржаўных праграм уносіць уклад у рэалізацыю Парадаку дня ў галіне ўстойлівага развіцця на перыяд да 2030 года.
КАРТА САЙТА
