23 ліпеня 2024г. у Беларусі ўступіў у сілу Кодэкс аб архітэктурнай, горадабудаўнічай і будаўнічай дзейнасці, які абагульняе ў сабе практычна ўсе асноўныя акты, якія рэгламентуюць парадак будаўніцтва аб’ектаў на ўсіх яго стадыях, пачынаючы ад задумкі і заканчваючы прыёмкай у эксплуатацыю.
У Кодэксе замацаваны ўсе дзейныя прынцыпы і нормы, якія раней знаходзіліся ва ўказах і пастановах у галіне архітэктурнай і будаўнічай дзейнасці, а таксама шэраг новаўвядзенняў. Асноўнай навацыяй Кодэкса з’яўляецца спрашчэнне патрабаванняў да архітэктурнай, горадабудаўнічай і будаўнічай дзейнасці. У прыватнасці, зменены падыходы да прыёмкі аб’ектаў у эксплуатацыю і працы з аб’ектамі-даўгабудамі, выканана пераразмеркаванне абавязкаў, спрошчаны патрабаванні па атрыманні дазвольнай дакументацыі на будаўніцтва і выкананні работ па бягучым рамонце, вызначаны спрошчаны парадак прыпынення будаўніцтва і кансервацыі, а таксама ўзвядзення і рэканструкцыі аднакватэрных жылых дамоў і нежылых капітальных пабудоў пятага класа складанасці.
У Кодэксе таксама адлюстраваны і замацаваны шэраг інфармацыйных рэсурсаў Міністэрства архітэктуры і будаўніцтва Рэспублікі Беларусь – геаінфармацыйная сістэма «Дзяржбудпартал», інфармацыйная сістэма «Адзіны рэестр аб’ектаў капітальнага будаўніцтва», Дзяржаўны горадабудаўнічы кадастр.
Рэалізацыя палажэнняў Кодэкса аб архітэктурнай, горадабудаўнічай і будаўнічай дзейнасці ўнясе ўклад у дасягненне Рэспублікай Беларусь Мэт устойлівага развіцця 9, 11 і іншых МУР.
Крыніца інфармацыі
З мэтай стварэння ўмоў для захавання і ўмацавання здароўя насельніцтва ў Беларусі з 2019 года рэалізуецца Дзяржаўны прафілактычны праект «Здаровыя гарады і пасёлкі».
У 2023 годзе Інстытутам сацыялогіі НАН Беларусі было праведзена анкетаванае апытанне грамадзян, якія пражываюць у населеных пунктах, якія прымаюць удзел у праекце «Здаровыя гарады і пасёлкі». Даследаванне было накіравана на вывучэнне дасведчанасці насельніцтва аб рэалізацыі гэтага праекта, «здароўе» свайго населенага пункта, а таксама прыхільнасці грамадзян да здаровага ладу жыцця. Усяго ў апытанні прынялі ўдзел 1365 рэспандэнтаў.
Па дадзеных даследаванні атрыманы наступныя вынікі:
Такім чынам, на думку рэспандэнтаў, паспяховая рэалізацыя праекта «Здаровыя гарады і пасёлкі» падкрэсліваецца неабходнасцю развіцця медыцыны, культурных і спартыўных аб’ектаў, забеспячэння высокага ўзроўню тэхналагічнасці населеных пунктаў, дастойных умоў працы, а таксама ўкаранення элементаў безбар’ернага асяроддзя. Пры гэтым істотную ролю ў фарміраванні «здароўя» населенага пункта адыгрывае самасвядомасць насельніцтва: адмова ад спажывання алкагольных напояў і наркатычных рэчываў, курэння, прыём здаровай ежы, бяспечныя паводзіны на дарозе і актыўны лад жыцця.
Рэалізацыя Дзяржаўнага прафілактычнага праекта «Здаровыя гарады і пасёлкі» садзейнічае дасягненню медыка-дэмаграфічнай устойлівасці краіны, прафілактыцы хвароб, фарміраванню здаровага ладу жыцця і ўносіць важны ўклад у дасягненне Рэспублікай Беларусь Мэт устойлівага развіцця 3, 10, 11 і іншых МУР.
З падрабязнымі вынікамі даследавання можна азнаёміцца па спасылцы.
У Беларусі вялікая ўвага надаецца дзецям і іх адукацыйнаму працэсу. На працягу шэрага гадоў у краіне ўсе дзеці пяцігадовага ўзросту ахоплены падрыхтоўкай да навучання на першай ступені агульнай сярэдняй адукацыі. Канцэптуальнымі падыходамі да развіцця сістэмы дашкольнай адукацыі Рэспублікі Беларусь да 2030 года вызначаны такія задачы як павышэнне даступнасці дашкольнай адукацыі, удасканаленне яе якасці, забеспячэнне здароўезберагальнага працэсу ва ўстановах дашкольнай адукацыі і механізмаў іх развіцця.
На сённяшні дзень практычна ва ўсіх рэгіёнах краіны вырашана праблема наяўнасці месцаў у дзіцячых садах. Выключэннем з’яўляецца МIнскі раён. Тут забяспечанасць дзяцей ранняга і дашкольнага ўзросту месцамі складае 69%. У сувязі з гэтым актыўна вядзецца будаўніцтва новых аб’ектаў дашкольнай адукацыі – у цэлым з 2018 года ў Мінскім раёне з’явілася 13 дзіцячых садоў на 2710 месцаў.
Усяго ў 2023/2024 навучальным годзе ў краіне функцыянавалі 3750 устаноў, якія рэалізуюць адукацыйную праграму дашкольнай адукацыі, спецыяльныя праграмы на ўзроўні дашкольнай адукацыі, якія наведвалі 355,7 тыс. выхаванцаў. Пры гэтым працавала больш за 3,4 тыс. груп для 58 тыс. дзяцей ад двух да трох гадоў і 295 груп для 4,2 тыс. дзяцей ад 1 да двух гадоў.
Адукацыйны працэс ва ўстановах дашкольнай адукацыі забяспечваюць 55,7 тыс. педагагічных работнікаў, з іх з вышэйшай адукацыяй – 66,3%. Вышэйшую і першую кваліфікацыйныя катэгорыі маюць 60,9% педагагічных работнікаў.
Паглядзець усю неабходную інфармацыю аб наяўнасці свабодных месцаў ва ўстановах дашкольнай адукацыі Беларусі можна на інтэрактыўнай карце.
Стварэнне ўмоў для забеспячэння даступнага і якаснага адукацыйнага працэсу для дзяцей усіх узростаў уносіць важны ўклад у дасягненне Рэспублікай Беларусь Мэты ўстойлівага развіцця 4 і іншых МУР.
У маі – ліпені 2024 г. у Брэсцкай, Віцебскай, Гомельскай, Гродзенскай і Мінскай абласцях праведзены стратэгічныя сесіі па распрацоўцы рэгіянальных стратэгій устойлівага развіцця.
Распараджэннем Прэзідэнта Рэспублікі Беларусь ад 17 ліпеня 2024г. № 126рп зацверджана рашэнне савета спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў.
У адпаведнасці з гэтым дакументам 192 студэнтам ВНУ назначаны стыпендыі Прэзідэнта. Гранд-прэмій з прысваеннем звання лаўрэата спецыяльнага фонду ўдастоены 28 пераможцаў міжнародных алімпіяд і конкурсаў. Больш за 50 навучэнцаў, курсантаў і студэнтаў заахвочаны спецыяльнымі прэміямі. Узнагароджанне «За ўклад у рыхтаванне здольнай моладзі» прысуджана 28 педагагічным работнікам.
Яшчэ адным Распараджэннем Прэзідэнта Рэспублікі Беларусь ад 17 ліпеня 2024г. № 127рп зацверджана рашэнне савета спецыяльнага фонду Прэзідэнта Рэспублікі Беларусь па падтрымцы таленавітай моладзі.
Уладальнікамі гранд-прэмій з прысваеннем звання лаўрэата спецыяльнага фонду сталі 7 пераможцаў міжнародных мастацка-творчых спаборніцтваў. Спецыяльныя прэміі прысуджаны пераможцам міжнародных і рэспубліканскіх творчых конкурсаў – 11 прадстаўнікам таленавітай моладзі і вакальнаму ансамблю Беларускага дзяржаўнага ўніверсітэта культуры і мастацтваў. Узнагароджаннем «За ўклад у выхаванне таленавітай моладзі» адзначана 5 педагогаў.
Падтрымка педагагічных работнікаў і таленавітай моладзі, а таксама стварэнне спрыяльных умоў для іх далейшага развіцця ўносіць важны ўклад у дасягненне Рэспублікай Беларусь Мэт устойлівага развіцця 4, 8 і іншых МУР.
Беларускі фонд фінансавай падтрымкі прадпрымальнікаў праводзіць конкурс інвестыцыйных праектаў суб’ектаў малога прадпрымальніцтва для аказання ім дзяржаўнай фінансавай падтрымкі.
Дзяржаўная фінансавая падтрымка прадастаўляецца суб’ектам малога прадпрымальніцтва, якія зарэгістраваны і ажыццяўляюць дзейнасць на тэрыторыі Рэспублікі Беларусь на конкурснай аснове і пры рэалізацыі імі інвестыцыйных праектаў. Абавязковымі ўмовамі аказання дзяржаўнай фінансавай падтрымкі з’яўляецца стварэнне новых працоўных месцаў, а таксама адпаведнасць інвестыцыйнага праекту наступным кірункам:
Заяўкі на ўдзел у конкурсе прымаюцца да 31 ліпеня 2024 года.
Аказанне дзяржаўнай фінансавай падтрымкі суб’ектам прадпрымальніцтва ўносіць уклад у дасягненне Рэспублікай Беларусь Мэт устойлівага развіцця 7, 8, 9, 12 і іншых МУР.
З больш падрабязнай інфармацыяй аб конкурсе можна азнаёміцца па спасылцы.
22–26 красавіка 2024г. адбыўся візіт спецыялістаў Міністэрства працы і сацыяльнай абароны Рэспублікі Беларусь і экспертнай супольнасці ў Бішкек з мэтай азнаямлення з вопытам Кыргызстана па правядзенні гендэрнай экспертызы нарматыўных прававых актаў і механізмамі яе інтэграцыі ў заканатворчы працэс.
Гендэрная экспертыза нарматыўных прававых актаў – гэта адзін з інструментаў, які выкарыстоўваюць урады для забеспячэння роўных правоў і магчымасцей мужчын і жанчын ва ўсіх сферах жыцця. Яна дапамагае гарантаваць, што заканадаўства, дзяржаўныя праграмы і бюджэты ўлічваюць патрэбы мужчын і жанчын, не змяшчаюць элементы дыскрымінацыі, не прыводзяць да паглыблення няроўнасці, а наадварот, будуць садзейнічаць роўнасці магчымасцей, правоў, абавязкаў і адказнасці для жанчын і мужчын.
Кыргызстан – адна з першых краін на постсавецкай прасторы, дзе гендэрная экспертыза з’яўляецца абавязковым элементам заканатворчай дзейнасці. У развіццё палітыкі гендэрнай роўнасці ўжо ў 2007 годзе ў краіне было зацверджана Палажэнне аб парадку правядзення гендэрнай экспертызы праектаў нарматыўных прававых актаў і падрыхтоўкі адпаведных заключэнняў.
Візіт у Бішкек арганізаваны Фондам ААН у галіне народанасельніцтва (ЮНФПА) у Беларусі ў рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Урадам Расійскай Федэрацыі.
Адпаведнасць нарматыўных прававых актаў прынцыпам забеспячэння роўных правоў і магчымасцей жанчын і мужчын садзейнічае ўстойліваму развіццю і ўносіць уклад у дасягненне Рэспублікай Беларусь Мэт устойлівага развіцця 5, 10 і іншых МУР.
У чэрвені – жніўні 2024 года ў аздараўленчых і школьных лагерах па ўсёй Беларусі рэалізуецца праект «Устойлівае лета».
Мэта праекта – папулярызацыя Мэт устойлівага развіцця сярод моладзі і абмеркаванне новых ідэй у галіне ўстойлівага развіцця ў кантэксце сучасных выклікаў.
У рамках праекта Маладзёжныя паслы Мэт устойлівага развіцця і іх дублёры праводзяць займальныя інтэрактыўныя заняткі для вучняў дзіцячых лагераў па тэматыцы ўстойлівага развіцця. Заняткі ўжо прайшлі ў аздараўленчых лагерах «Краезнавец», «Белыя Росы», «Свіцязь», «Юныя эколагі», «Сосны», «Бярозка», «Лясны агеньчык», дзіцячым лагеры працы і адпачынку «Наватары», дзіцячым санаторыі «Жамчужына», а таксама ў дзесяці школьных лагерах на базе дзяржаўных устаноў адукацыі.
Рэалізацыя праекта «Устойлівага лета» праводзіцца ў рамках Сумеснага праекта «Падтрымка намаганняў Рэспублікі Беларусь па нацыяналізацыі і лакалізацыі МУР», які фінансуецца Урадам Расійскай Федэрацыі, і ўносіць важны ўклад у папулярызацыю ідэй і каштоўнасцей Парадаку дня ў галіне ўстойлівага развіцця на перыяд да 2030 года.
З 2011 у Беларусі функцыянуе спецыялізаваны фінансавы інстытут «Банк развіцця», адной з галоўных мэт дзейнасці якога з’яўляецца рэалізацыя ў краіне сацыяльна значных інвестыцыйных праектаў. Да іх адносяцца інфраструктурныя праекты, будаўніцтва новых і мадэрнізацыя дзеючых прадпрыемстваў, укараненне інавацый, у тым ліку ў аграпрамысловым комплексе.
У 2024 годзе ў Гродзенскай вобласці плануецца рэалізаваць 168 інвестыцыйных праектаў. Большасць з іх накіраваны на імпартазамяшчэнне, пашырэнне і мадэрнізацыю вытворчасцей. У ліку рэалізуемых праектаў – будаўніцтва і рэканструкцыя мясцовых аўтамабільных дарог, будаўніцтва завода па перапрацоўцы сыроваткі і вытворчасці сыроватачна-тлушчавага канцэнтрату, будаўніцтва аб’екта для клеткавага ўтрымання і вырошчвання пушных звяроў і іншыя.
Асаблівая ўвага ў рэгіёне надаецца рэалізацыі ініцыятывы «Адзін раён – адзін праект». У рамках рэалізацыі гэтай ініцыятывы запланавана рэалізаваць 21 праект. Пры падтрымцы Банка развіцця вядзецца работа над стварэннем новай вытворчасці па вырабе тары і ўпакоўкі з папяровай пульпы на базе ТАА «Аквапак Індастрыял» у Слоніме. Рэалізацыя праекта дазволіць арганізаваць замкнёны цыкл і забяспечыць практычна безадходную вытворчасць, а таксама стварыць у горадзе каля 50 новых працоўных месцаў. Акрамя таго, ужо вядуцца работы па падрыхтоўцы да рэалізацыі яшчэ аднаго праекта – будаўніцтва новага завода па вытворчасці гафрыраванага кардону і ўпакоўкі.
Рэалізацыя сацыяльна значных інвестыцыйных праектаў, у тым ліку будаўніцтва новых і мадэрнізацыя дзеючых вытворчасцей, садзейнічае сацыяльна-эканамічнаму развіццю рэгіёнаў і ўносіць уклад у дасягненне Рэспублікай Беларусь Мэт устойлівага развіцця 8, 11 і іншых МУР.
КАРТА САЙТА
