18 красавіка 2024 г. у Брэсце прайшоў інфармацыйны семінар аб Конкурсе пілотных ініцыятыў па Мэтам устойлівага развіцця.
У мерапрыемстве прынялі ўдзел 117 чалавек, з якіх амаль 90% склалі жанчыны. Да семінара далучыліся прадстаўнікі Брэсцкага абласнога і раённых выканаўчых камітэтаў, камерцыйных і некамерцыйных арганізацый, устаноў адукацыі, архітэктуры і будаўніцтва, аховы здароўя, сацыяльнага абслугоўвання.
Камандай Праграмы развіцця ААН былі прадстаўлены Палажэнне аб правядзенні Конкурсу, патрабаванні да пілотных ініцыятыў па МУР, а таксама прадэманстраваны працэс падачы заявак на Конкурс праз спецыяльна створаную платформу sdgidea.by. Акрамя гэтага, сумесна з прадстаўніком Фонду ААН у галіне народанасельніцтва былі прадстаўлены вопыт лакалізацыі МУР у Беларусі, а таксама патэнцыйныя напрамкі для будучых пілотных ініцыятыў у кантэксце 4 акселератараў па дасягненні МУР у Рэспубліцы Беларусь.
Абавязковай умовай пры правядзенні Конкурсу з’яўляецца стварэнне аднолькавых магчымасцей і справядлівага доступу да рэсурсаў і экспертызы для ўсіх заяўнікаў, незалежна ад іх сацыяльнага статусу, культурных ці іншых фактараў.
Інфармацыйны семінар быў арганізаваны Брэсцкім абласным выканаўчым камітэтам сумесна з ПРААН у рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі МУР» пры фінансавай падтрымцы Расійскай Федэрацыі.
Запіс інфармацыйнага семінара аб Конкурсе пілотных ініцыятыў па МУР у Брэсце даступны па спасылцы.
18 красавіка 2024 г. у Брэсце прайшоў інфармацыйны семінар аб Конкурсе пілотных ініцыятыў па МУР.
Конкурс пілотных ініцыятыў па МУР праводзіцца пры падтрымцы Праграмы развіцця ААН у рамках Сумеснана праекта «Падтрымка намаганняў Рэспублікі Беларусь па нацыяналізацыі і лакалізацыі МУР» пры фінансавай падтрымцы Расійскай Федэрацыі.
Падрабязная інфармацыя аб семінары ў Брэсце даступна па спасылцы.
17 красавіка 2024 г. у рамках працы над праектам Нацыянальнай стратэгіі ўстойлівага развіцця на перыяд да 2040 года адбыўся круглы стол «Чалавечы капітал як асноўны рэсурс доўгатэрміновага ўстойлівага развіцця».
Удзел у мерапрыемстве прынялі прадстаўнікі бізнес-школ і вышэйшых навучальных устаноў, дзяржаўных органаў і іншых зацікаўленых.
У ходзе дыскусіі былі выпрацаваны прапановы па асноўных напрамках і механізмах стратэгіі кіравання развіццём чалавечага патэнцыялу, якія ўлічваюць патрэбнасці будучага рынку працы і неабходнасць абнаўлення сістэмы прафесійнай адукацыі.
З больш падрабязнай інфармацыяй аб пасяджэнні можна азнаёміцца па спасылцы.
У Беларусі будзе запушчана інтэрактыўная карта аб стане мінеральна-сыравіннай базы – інструмент хуткага атрымання геалагічнай інфармацыі, неабходны для прыняцця кіраўніцкіх рашэнняў у сферы геалагічнага вывучэння нетраў і нетракарыстання, развіцця мінеральна-сыравіннай базы.
На карце будуць адлюстроўвацца звесткі аб радовішчах карысных выкапняў у разрэзе раёнаў і абласцей Беларусі, інфармацыя аб ступені іх вывучанасці, аб наяўных запасах, а таксама аб ступені распрацоўкі радовішча. Сістэма дасць магчымасць праводзіць выбарку па розных крытэрыях, адлюстроўваць іх на картаграфічнай аснове і аўтаматычна фарміраваць аналітычныя даведкі аб стане выбраных аб’ектаў або аб стане мінеральна-сыравіннай базы выбранага рэгіёну. Цяпер сістэма праходзіць тэставую эксплуатацыю і да канца 2024 года будзе запушчана ў адкрытым доступе.
Функцыянаванне інтэрактыўнай карты аб стане мінеральна-сыравіннай базы краіны ўнясе ўклад у дасягненне Рэспублікай Беларусі Мэт устойлівага развіцця 9, 15 і іншых МУР.
З больш падрабязнай інфармацыяй аб бягучай сістэме ўліку ўсіх выяўленых аб’ектаў у нетрах Беларусі можна азнаёміцца па спасылцы.
КАРТА САЙТА
