З 1 па 17 сакавіка 2024 года ў Беларусі праходзіць Маладзёжны медыяфестываль «Галасы маладых за ўстойлівае развіццё» – сустрэча аўтараў медыяпраектаў, прысвечаных папулярызацыі ідэй і каштоўнасцей устойлівага развіцця сярод розных груп насельніцтва.
Медыяфестываль арганізаваны Міністэрствам адукацыі Рэспублікі Беларусь і Каардынацыйным цэнтрам «Адукацыя ў інтарэсах устойлівага развіцця» Беларускага дзяржаўнага педагагічнага ўніверсітэта ім. М. Танка ў рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які рэалізуецца агенцтвамі ААН у Рэспубліцы Беларусь і фінансуецца Урадам Расійскай Федэрацыі.
У Медыяфестывалі могуць прыняць удзел навучэнцы ўстаноў адукацыі ўсіх тыпаў, студэнты і магістранты, педагагічныя работнікі і іншыя, якія прадаставілі маладзёжныя медыяпрадукты (відэа, постэр, інфаграфіка, фатаграфія) у адной з намінацый:
Правядзенне Маладзёжнага медыяфестывалю «Галасы маладых за ўстойлівае развіццё» робіць важны ўклад у папулярызацыю Мэт устойлівага развіцця ў Рэспубліцы Беларусь.
Больш падрабязна з умовамі ўдзелу ў Медыяфестывалі можна азнаёміцца па спасылцы.
4 сакавіка 2024 года РУП «Цэнтр лічбавага развіцця» і ЗАТ «Брэсцкі навукова-тэхналагічны парк» падпісалі пагадненне аб супрацоўніцтве і ўзаемадзеянні, якое замацоўвае ключавыя напрамкі сумеснай работы па пытаннях лічбавага развіцця.
Пагадненне прадугледжвае магчымасць абмену вопытам у галіне прымянення інфармацыйна-камунікацыйных і лічбавых тэхналогій, прадастаўлення арганізацыйнай і метадычнай падтрымкі, прапрацоўкі мерапрыемстваў і пілотных праектаў у сферы лічбавага развіцця для Брэсцкай вобласці.
Рэалізацыя палажэнняў пагаднення ўнясе ўклад у дасягненне Рэспублікай Беларусь Мэт устойлівага развіцця 9, 11 і іншых МУР.
З больш падрабязнай інфармацыяй аб пагадненні можна азнаёміцца па спасылцы.
З 28 па 29 лютага 2024 года на базе ўстановы адукацыі «Рэспубліканскі цэнтр экалогіі і краевядзення» адбылося выніковае мерапрыемства па рэалізацыі адукацыйнага праекта «Зялёныя школы» ў 2023 годзе.
Мерапрыемства сабрала больш за 150 прадстаўнікоў Міністэрства адукацыі Рэспублікі Беларусь, Міністэрства прыродных рэсурсаў і аховы навакольнага асяроддзя Рэспублікі Беларусь, ААТ «Белінвестбанк», Праграмы развіцця ААН у Беларусі, абласных рэсурсных цэнтраў, устаноў адукацыі, якія атрымалі статус «Зялёнай школы» ў 2023 годзе.
Праграма мерапрыемства ўключала:
У 2023 годзе статус «Зялёная школа» атрымалі 109 устаноў адукацыі. Спіс устаноў адукацыі, якія рэалізуюць адукацыйны праект Зялёныя школы (на 31 снежня 2023 года) даступны па ссылцы. Усяго статус «Зялёная школа» маюць 413 устаноў адукацыі з 648, уцягнутых у праект «Зялёныя школы».
Рэалізацыя адукацыйнага праекта «Зялёныя школы» дазваляе сфарміраваць экалагічныя граматныя веды ў навучаючыхся, павысіць узровень экалагічнай накіраванасці адукацыі, што ўносіць важны ўклад у дасягненне Рэспублікі Беларусь мэты ўстойлівага развіцця 4, 12, 13, 14, 15 і іншых МУР.
Падрабязная інфармацыя аб мерапрыемствах даступная па ссылцы.
15 лютага 2024 года на пляцоўцы Інстытута павышэння кваліфікацыі і перападрыхтоўкі кіраўнікоў і спецыялістаў прамысловасці «Кадры індустрыі» адбыўся круглы стол «ESG-парадак дня: свабодны выбар або неабходнасць». Мерапрыемства арганізавана ў рамках цыкла мерапрыемстваў па абмеркаванні стратэгічных напрамкаў сацыяльна-эканамічнага развіцця краіны ў доўгатэрміновай перспектыве, а таксама ўключэння шырокага кола зацікаўленых у распрацоўку праекта Нацыянальнай стратэгіі ўстойлівага развіцця Рэспублікі Беларусь на перыяд да 2040 года (НСУР-2040).
Удзел у мерапрыемстве прынялі прадстаўнікі Інстытута павышэння кваліфікацыі і перападрыхтоўкі кіраўнікоў і спецыялістаў прамысловасці «Кадры індустрыі», Міністэрства эканомікі Рэспублікі Беларусь, прадпрыемстваў Міністэрства прамысловасці Рэспублікі Беларусь, прыватнага бізнесу.
У ходзе дыскусіі ўдзельнікі абмеркавалі актуальныя пытанні прымянення ESG-стандартаў для развіцця айчыннага бізнесу з мэтай павышэння яго ўстойлівасці і канкурэнтаздольнасці, уключэння суб’ектаў гаспадарання ў дасягненне Мэт устойлівага развіцця і вызначэнне прыярытэтаў НСУР-2040.
Перспектыўныя напрацоўкі і інавацыйныя ідэі, прапанаваныя экспертамі, будуць улічаны пры распрацоўцы праекта НСУР-2040.
З больш падрабязнай інфармацыяй аб круглым стале можна азнаёміцца па спасылцы.
1 сакавіка 2024 года стартаваў II Рэспубліканскі конкурс «Юныя сябры МУР», арганізаваны Беларускім дзяржаўным педагагічным універсітэтам імя Максіма Танка.
Конкурс з’яўляецца другім этапам адукацыйнага праекта «Урокі ўстойлівага развіцця» і рэалізуецца Каардынацыйным цэнтрам «Адукацыя ў інтарэсах устойлівага развіцця» Беларускага дзяржаўнага педагагічнага ўніверсітэта ім. М. Танка ў рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які рэалізуецца агенцтвамі ААН у Рэспубліцы Беларусь і фінансуецца Урадам Расійскай Федэрацыі.
Конкурс накіраваны на рэалізацыю сацыяльна-значнай ініцыятывы (акцыі, праекта і інш.) з мэтай прасоўвання МУР навучэнцамі. Конкурс будзе праходзіць у два этапы:
Заключнае мерапрыемства будзе праводзіцца з удзелам прадстаўнікоў Міністэрства адукацыі Рэспублікі Беларусь і Маладзёжных паслоў МУР.
Падрабязная інфармацыя аб умовах правядзення конкурсу прадстаўлена па спасылцы.
Правядзенне Рэспубліканскага конкурсу «Юныя сябры МУР» робіць унёсак у папулярызацыю ідэй і каштоўнасцяў устойлівага развіцця сярод дзяцей і моладзі.
1 сакавіка 2024 года ў Беларускім дзяржаўным педагагічным універсітэце ім. М. Танка прайшоў Маладзёжны форум «МУР: да 16-ці і старэй» – фінальнае мерапрыемства III Рэспубліканскага конкурсу творчых работ «Дзеці аб МУР», арганізаванага Каардынацыйным цэнтрам «Адукацыя ў інтарэсах устойлівага развіцця» Беларускага дзяржаўнага педагагічнага ўніверсітэта ім. М. Танка.
Форум праводзіўся ў рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які рэалізуецца агенцтвамі ААН у Рэспубліцы Беларусь і фінансуецца Урадам Расійскай Федэрацыі.
Удзельнікамі форуму сталі прадстаўнікі 43 устаноў адукацыі, сярод якіх дзіцячыя сады, сярэднія школы, гімназіі, цэнтры дадатковай адукацыі, палацы дзіцячай творчасці, турысцка-экалагічныя цэнтры дзяцей і моладзі. Усяго ў конкурсе «Дзеці аб МУР» прынялі ўдзел прадстаўнікі 201 установы адукацыі, якія прадставілі 748 творчых работ, азнаёміцца з якімі можна па спасылцы.
У рамках форуму адбылася цырымонія ўзнагароджання лаўрэатаў Рэспубліканскага конкурсу творчых работ «Дзеці аб МУР», адукацыйны квэст «МУР: першыя крокі да ўстойлівасці» і абарона слоганаў, прысвечаных дасягненню Мэт устойлівага развіцця.
Правядзенне маладзёжнага форуму «МУР: да 16-ці і старэй» уносіць важны ўклад у папулярызацыю Мэт устойлівага развіцця.
З больш падрабязнай інфармацыяй аб форуме можна азнаёміцца па спасылцы.
КАРТА САЙТА
