29 чэрвеня 2023 года Кіраўнік дзяржавы падпісаў Закон «Аб змяненні законаў па пытаннях працоўных адносін», які прадугледжвае ўнясенне змяненняў у Працоўны кодэкс з улікам практыкі яго прымянення.
У заканадаўчы акт дабаўлены 4 новыя артыкулы, а таксама адзначаны змяненні ў больш як 80 артыкулах. У прыватнасці, гэтыя змяненні прадугледжваюць узмацненне сацыяльна-працоўных гарантый работнікаў, пашырэнне магчымасцей прымянення інфармацыйных тэхналогій у сістэме працоўных адносін, а таксама карэкціруюць нормы Працоўнага кодэкса па пытаннях аплаты працы, рабочага часу, спосабаў занятасці, працоўных водпускаў, уключаючы водпускі, звязаныя з навучаннем і інш.
Дакумент уступае ў сілу з 1 студзеня 2024 года.
Рэалізацыі палажэнняў Закона «Аб змяненні законаў па пытаннях працоўных адносін» зробіць уклад у дасягненне Рэспублікай Беларусь Мэты ўстойлівага развіцця 8 і іншых МУР.
30 чэрвеня 2023 года адбылося пасяджэнне дзясятай сесіі Савета Рэспублікі Нацыянальнага сходу Рэспублікі Беларусь сёмага склікання.
У ходзе пасяджэння членамі Савета Рэспублікі Нацыянальнага сходу былі разгледжаны і адобраны тры праекты Закона ў галіне аховы навакольнага асяроддзя:
Прыняцце гэтых законапраектаў унясе ўклад у дасягненне Рэспублікай Беларусь Мэт устойлівага развіцця 13, 14, 15 і іншых МУР.
З больш падрабязнай інфармацыяй аб законапраектах можна азнаёміцца па спасылцы.
27 чэрвеня 2023 года ў Беларускім дзяржаўным педагагічным універсітэце імя Максіма Танка адбылася сустрэча членаў Міжуніверсітэцкага клуба сяброў МУР.
У мерапрыемстве прынялі ўдзел Маладзёжныя паслы Мэт устойлівага развіцця, студэнты Беларускага дзяржаўнага педагагічнага ўніверсітэта імя Максіма Танка, Беларускага дзяржаўнага ўніверсітэта, Беларускага дзяржаўнага медыцынскага ўніверсітэта, Акадэміі кіравання пры Прэзідэнце Рэспублікі Беларусь.
У рамках сустрэчы ўдзельнікі абмеркавалі дзейнасць Валанцёрскага атрада Мэт устойлівага развіцця Беларускага дзяржаўнага педагагічнага ўніверсітэта імя Максіма Танка, спецыфіку рэалізацыі праекта «Школа валанцёра МУР», а таксама прынялі ўдзел у дзелавой гульні «Кліматычны калаж» і дэбатах «Зялёная эканоміка. Быць або не быць?».
З больш падрабязнай інфармацыяй аб пасяджэнні можна азнаёміцца па спасылцы.
Новы напрамак, які актыўна развіваецца ў Беларусі – гэта «сярэбранае» валанцёрства. Каля 40% людзей старэйшага ўзросту гатовы быць валанцёрамі.
Сёння ва ўстановах сацыяльнага абслугоўвання ажыццяўляюць дзейнасць каля 3,6 тыс. «сярэбраных» валанцёраў. Сярод асноўных напрамкаў іх дзейнасці: клопат, догляд і падтрымка пажылых і людзей з інваліднасцю; навучанне камп’ютарнай пісьменнасці і фінансавай бяспекі; правядзенне моўных курсаў па прынцыпе «роўны навучае роўнага»; удзел у грамадскай дзейнасці; арганізацыя і развіццё творчых ініцыятыў і інш. Дзейнасць «сярэбраных» валанцёраў заахвочваецца і падтрымліваецца на ўсіх узроўнях, што адзначана ў Нацыянальнай стратэгіі «Актыўнае даўгалецце – 2030», а таксама ў Інфармацыйнай стратэгіі па актыўным даўгалецці (ІС 65+) на 2023-2025 гады.
Развіццё «сярэбранага» валанцёрства робіць унёсак у дасягненне Рэспублікай Беларусь Мэты ўстойлівага развіцця 10 і іншых МУР
27 чэрвеня 2023 года на базе навукова-тэхнічнага парка БНТУ «Палітэхнік» праходзіць рэспубліканскі форум IT Youth. Арганізатарам мерапрыемства выступае Беларускі рэспубліканскі саюз моладзі пры падтрымцы Міністэрства адукацыі Рэспублікі Беларусь.
Форум з’яўляецца пляцоўкай для абмену вопытам па развіццю інфармацыйна-камунікацыйных тэхналогій, а таксама садзейнічання іх эфектыўнаму выкарыстанню ў Беларусі.
У ходзе работы форуму плануецца разгледзець пытанні ў галіне інфармацыйнай бяспекі, абароны персанальных даных і бяспекі асабістых старонак, кібербулінга. Акрамя таго, у рамках форуму пройдзе ўрачыстая цырымонія ўручэння інтэрнет-прэміі IT Youth. Уладальнікамі гэтай прэміі стануць 15 найлепшых рэсурсаў у 8 намінацыях.
Правядзенне рэспубліканскага форуму IT Youth робіць унёсак у дасягненне Рэспублікай Беларусь Мэт устойлівага развіцця 4, 9, 16 і іншых МУР.
З больш падобнай інфармацыяй можна азнаёміцца па спасылцы.
У Мінскай вобласці ў рознай стадыі гатоўнасці больш за 40 ініцыятыў праграмы «Адзін раён – адзін праект» рознай сферы дзейнасці. У ліку рэалізуемых ініцыятыў — завод па інавацыйнай перапрацоўцы нехарчовай жывёлы сыравіны магутнасцю 80 тысяч тон на базе ААТ «Агракамбінат «Дзяржынскі», мяркуецца мадэрнізацыя і пашырэнне вытворчасці ў ААТ «АМКАДОР-СЕМАШ», УП «Амкадор-ДОМЗ», ЗАТ «Амкадор-Эластамер», будаўніцтва падстанцыі «Чаркасы», падвядзенне газаправода на ўчастку свабоднай эканамічнай зоны «Мінск» і інш.
Цяпер у высокай ступені прапрацоўкі ў Мінскай вобласці знаходзіцца шэсць праектаў праграмы «Адзін праект — адзін раён», па васьмі аб’ектах плануецца падпісанне крэдытных дагавораў, па 13 праектах запланавана рэалізацыя за кошт уласных сродкаў і сродкаў інавацыйнага фонду. Усяго за найбліжэйшыя тры гады будзе рэалізавана 129 праектаў па ўсёй краіне.
Рэалізацыя праграмы «Адзін раён – адзін праект» робіць уклад у дасягненне Рэспублікай Беларусь Мэт устойлівага развіцця 8, 9, 10, 11 і іншых МУР.
З больш падрабязнай інфармацыяй аб праектах Мінскай вобласці можна азнаёміцца па спасылцы.
З 1 ліпеня да 31 кастрычніка 2023 года ва ўсіх рэгіёнах Беларусі пройдзе маштабнае сацыялагічнае даследаванне ў сферы дэмаграфіі. Даследаванне будзе праводзіцца Цэнтрам сацыялагічных і палітычных даследаванняў Беларускага дзяржаўнага ўніверсітэта ў рамках праекта міжнароднай тэхнічнай дапамогі «Умацаванне навуковага і адукацыйнага патэнцыялу Рэспублікі Беларусь у галіне збору, аналізу і выкарыстання дэмаграфічных даных для дасягнення Мэт устойлівага развіцця».
Дадзенае даследаванне з’яўляецца другім этапам апытання насельніцтва, праведзенага ў 2017 годзе. Удзел у даследаванні прымуць каля 6 тыс. удзельнікаў першага этапа.
Атрыманыя вынікі даследавання дазволяць выявіць асаблівасці развіцця беларускай сям’і, вызначыць фактары, якія ўплываюць на рэпрадуктыўныя паводзіны і сямейныя ўзаемаадносіны, правесці параўнальны аналіз тэндэнцый фарміравання шлюбна-сямейных адносін у Беларусі, а таксама распрацаваць рэкамендацыі па ўдасканаленні дзяржаўнай сямейнай і дэмаграфічнай палітыкі краіны.
З больш падрабязнай інфармацыяй аб даследаванні можна азнаёміцца па спасылцы.
У 2023 годзе Беларусь заняла 34 месца сярод 166 краін у рэйтынгу дасягнення Мэт устойлівага развіцця паводле справаздачы Sustainable Development Report 2023. Краіны ў ім ранжыруюцца па агульным бале, якім вымяраецца прагрэс у дасягненні ўсіх 17 МУР.
Беларусь набрала 77.5 балаў са 100 магчымых. Гэты бал адлюстроўвае прагрэс краіны ў цэлым у імплементацыі Парадаку дня ў галіне ўстойлівага развіцця на перыяд да 2030 г. і можа быць інтэрпрэтаваны як працэнт дасягнення МУР.
На sdgtransformationcenter.org можна падрабязна азнаёміцца з профілем краіны, вывучыць, з якіх статыстычных паказчыкаў складаецца агульная ацэнка кожнай мэты і ўбачыць прагрэс у яе дасягненні.
Праграма развіцця ААН (ПРААН) у партнёрстве з Нацыянальным агенцтвам інвестыцый і прыватызацыі распрацавалі Кіраўніцтва па прымяненні экалагічных, сацыяльных і кіраўніцкіх стандартаў (ESG-стандартаў) суб’ектамі гаспадарання ў Рэспубліцы Беларусь.
Ужыванне ESG-стандартаў накіравана на сістэмнае і комплекснае ўкараненне прынцыпаў «зялёнай» і цыркулярнай эканомікі, дэкарбанізацыі, інклюзіі і іншых элементаў Парадаку дня ў галіне ўстойлівага развіцця на перыяд да 2030 года ў працу дзяржаўных і прыватных кампаній.
16-17 чэрвеня 2023 года з мэтай развіцця ў маладога пакалення матывацыі да пазнання, самаадукацыі і творчасці ў сферы інфармацыйных тэхналогій УА «Гомельскі дзяржаўны ўніверсітэт імя Францыска Скарыны» правёў пяты адкрыты STEAM-фестываль.
Фестываль быў прысвечаны тэме «Свет раслін і жывёл, які нас акружае». Удзельнікі пазнаёміліся з дасягненнямі навукі ў галіне біялогіі, сустрэліся з прадстаўнікамі розных напрамкаў навукі, прынялі ўдзел у майстар-класах і конкурсных мерапрыемствах па творчасці, інжынірынгу, матэматыцы, асновам сучаснага праграмавання ў Scratch, Python, канструяванні і праграміраванні на базе платформ Lego Mindstorms EV3, Arduino.
Правядзенне STEAM-фестывалю садзейнічае папулярызацыі STEM-адукацыі, што ўносіць уклад у дасягненне Рэспублікай Беларусь Мэт устойлівага развіцця 4, 8, 9 і іншых МУР.
З больш падрабязнай інфармацыяй аб фестывалі можна азнаёміцца па спасылцы.
КАРТА САЙТА
