16 сакавіка 2023 года ў Полацку адбылося выязное пасяджэнне кансультатыўнай рады пры Савеце Рэспублікі Нацыянальнага сходу Рэспублікі Беларусь па пытаннях сацыяльнай адаптацыі і інтэграцыі дзяцей з асаблівасцямі псіхафізічнага развіцця.
Падчас мерапрыемства члены кансультатыўнай рады, прадстаўнікі міністэрстваў, а таксама педагагічная грамадскасць Полацкага раёна абмеркавалі забяспечанасць устаноў адукацыі кваліфікаванымі спецыялістамі, вызначэнне адукацыйнага маршруту дзіцяці, выбар установы адукацыі для навучання дзіцяці, аказанне псіхалагічнай падтрымкі сем’яў, якія выхоўваюць дзяцей з засмучэннямі аўтыстычнага спектру, арганізацыю інфармацыйна-тлумачальнай працы сярод насельніцтвы і інш.
На сённяшні дзень у сістэме спецыяльнай адукацыі Беларусі функцыянуюць 237 устаноў спецыяльнай адукацыі: 141 цэнтр карэкцыйна-развіваючага навучання рэабілітацыі, 48 спецыяльных дзіцячых садоў, 48 спецыяльных школ, спецыяльных школ-інтэрнатаў. Ва ўстановах спецыяльнай адукацыі і ва ўмовах інтэграванага навучання і выхавання рэалізуюць адукацыйны працэс каля 40 тыс. педагогаў, з якіх 11,9 тыс. чал. – настаўнікі-дэфектолагі і каля 1,8 тыс. чал. – выхавацелі дашкольнай адукацыі, якія суправаджаюць дзяцей з расстройствамі аўтыстычнага спектру.
Прадастаўленне ў роўнай ступені кожнаму дзіцяці права на адукацыю ўносіць важны ўклад у дасягненне Рэспублікай Беларусь Мэт устойлівага развіцця 4, 10 і іншых МУР.
З больш падрабязнай інфармацыяй аб пасяджэнні можна азнаёміцца па спасылцы.
У сакавіку 2023 года пачынаецца падрыхтоўка пляцоўкі пад Гомельскі рэгіянальны комплекс па абыходжанні з цвёрдымі камунальнымі адходамі (ТКА). Гомельскі рэгіянальны комплекс прызначаны для комплекснай перапрацоўкі ТКА, мінімізацыі колькасці адходаў, якія не падлягаюць далейшай утылізацыі, павышэння экалагічнай бяспекі Гомеля і Гомельскага, Чачэрскага, Веткаўскага, Добрушскага, Рэчыцкага і Лоеўскага раёнаў.
Асноўныя тэхналагічныя рашэнні на комплексе ўключаюць патрабаванні па выманні і перапрацоўцы другасных матэрыяльных рэсурсаў, аэробнай стабілізацыі дробнай фракцыі ТКА, часовым захоўванні рэшткаў перапрацоўкі для атрымання альтэрнатыўнага паліва.
Будаўніцтва Гомельскага рэгіянальнага комплексу па абыходжанні з цвёрдымі камунальнымі адходамі ўнясе важны ўклад у дасягненне Рэспублікай Беларусь Мэт устойлівага развіцця 11, 12, 13 і іншых МУР.
15-17 сакавіка 2023 года ў Беларускім нацыянальным тэхнічным універсітэце пройдзе XII Рэспубліканскі конкурс навукова-тэхнічнай творчасці навучэнскай моладзі «ТэхнаІнтэлект». Конкурс праводзіцца з мэтай стварэння і развіцця эфектыўных форм даследчага навучання, уцягвання моладзі ў прафесійны занятак навукай.
У рэспубліканскім конкурсе могуць прыняць удзел навучэнцы ўстаноў адукацыі Рэспублікі Беларусь ва ўзросце ад 14 да 18 гадоў устаноў агульнай сярэдняй адукацыі, выпускнікі і навучэнцы папярэдняга перад выпускным года навучання ўстаноў прафесійна-тэхнічнай адукацыі, сярэдняй спецыяльнай адукацыі. Да ўдзелу дапушчаюцца працы, якія адлюстроўваюць вынікі даследаванняў, натурных назіранняў, палявых і лабараторных пошукаў, праграмных распрацовак, вынаходстваў ва ўсіх трох абласцях прыродазнаўчых, матэматычных, тэхнічных навук, выкананых удзельнікамі самастойна (без суаўтараў), творчыя працы. Чакаецца каля 200 удзельнікаў з усіх абласцей Беларусі.
Правядзенне XII Рэспубліканскага конкурсу навукова-тэхнічнай творчасці навучэнскай моладзі «ТэхнаІнтэлект» садзейнічае развіццю адукацыйнай і навукова-тэхналагічнай прасторы краіны і ўносіць уклад у дасягненне Рэспублікай Беларусь Мэт устойлівага развіцця 4, 9 і іншых МУР.
З больш падрабязнай інфармацыяй аб правядзенні конкурсу можна азнаёміцца па спасылцы.
У 2023 годзе ААТ «Банк развіцця Рэспублікі Беларусь» прадаўжае рэалізацыю праграмы па падтрымцы малога і сярэдняга прадпрымальніцтва. Асаблівая ўвага будзе ўдзелена тым раёнам, якія не з’яўляюцца лідарамі сацыяльна-эканамічнага развіцця. Для суб’ектаў малога і сярэдняга прадпрымальніцтва, зарэгістраваных або вядучых дзейнасць у такіх рэгіёнах, а таксама на тэрыторыі паўднёва-ўсходніх рэгіёнаў Магілёўскай вобласці і Аршанскага раёна фінансаванне будзе ажыццяўляцца па пяці прадуктах па стаўцы на ўзроўні 7 працэнтаў гадавых.
Падтрымка прадпрымальніцкіх ініцыятыў ва ўсіх рэгіёнах краіны ўносіць важны ўклад у дасягненне Рэспублікай Беларусь Мэт устойлівага развіцця 8, 10, 11 і іншых МУР.
З больш падрабязнай інфармацыяй можна азнаёміцца па спасылцы.
З мэтай фарміравання экалагічнай культуры навучэнцаў у Беларусі праходзіць рэспубліканская экалагічная акцыя па пытаннях раздзельнага збору адходаў і іншых другасных матэрыяльных рэсурсаў «Хто, калі не мы!».
Да ўдзелу ў акцыі запрашаюцца навучэнцы ўстаноў агульнай сярэдняй адукацыі ва ўзросце 12-17 гадоў, якія асвойваюць змест адукацыйнай праграмы дадатковай адукацыі дзяцей і моладзі, а таксама навучэнцы, якія асвойваюць змест адукацыйнай праграмы агульнай сярэдняй адукацыі як індывідуальна, так і калектыўна. Акцыя праводзіцца ў трох намінацыях: «Людзі разам – смецце паасобна», «Мастацтва за прыроду», «PRO адходы».
Правядзення рэспубліканскай экалагічнай акцыі па пытаннях раздзельнага збору адходаў і іншых другасных матэрыяльных рэсурсаў “Хто, калі не мы!» будзе садзейнічаць прыцягненню ўвагі вучняў да навакольнага асяроддзя і экалагічным праблемам свайго рэгіёну, што ўнясе ўклад у дасягненне Рэспублікай Беларусь Мэт устойлівага развіцця 11, 12, 13 і іншых МУР.
З больш падрабязнай інфармацыяй пра ўмовы правядзення акцыі можна азнаёміцца па спасылцы.
З 6 па 17 сакавіка 2023 года ў штаб-кватэры ААН у Нью-Йорку праходзіць 67-я сесія Камісіі Арганізацыі Аб’яднаных Нацый па становішчы жанчын. Агульная дыскусія прысвечана тэме «Выкарыстанне наватарства, вынікаў тэхнічнага прагрэсу і адукацыі ў лічбавую эпоху для дасягнення гендэрнай роўнасці і пашырэння правоў і магчымасцей усіх жанчын і дзяўчынак».
Выступаючы на сесіі, начальнік галоўнага ўпраўлення шматбаковай дыпламатыі Міністэрства замежных спраў Рэспублікі Беларусь Ірына Вялічка адзначыла, што Беларусь уваходзіць у групу краін з высокім узроўнем развіцця, займаючы 60-е месца сярод 191 дзяржавы па індэксу чалавечага развіцця. У Глабальным індэксе гендэрнага разрыву 2022 года (Global Gender Gap Report 2022) Беларусь размясцілася на 36-м радку рэйтынгу сярод 146 дзяржаў. Пры гэтым па крытэры «эканамічны ўдзел і магчымасці» краіна заняла 4-е месца.
Высокіх пазіцый у міжнародных рэйтынгах Беларусь дасягнула дзякуючы мерам, што прымаюцца па забеспячэнні гендэрнай роўнасці. На пастаяннай аснове функцыянуе Нацыянальны савет па гендэрнай палітыцы, выконваецца Нацыянальны план дзеянняў па забеспячэнні гендэрнай роўнасці. Гэтыя пытанні таксама застаюцца ў парадку дня работы Нацыянальнай архітэктуры па дасягненні Мэт устойлівага развіцця ў Беларусі.
Больш інфармацыі па гэтым пытанні можна знайсці па спасылцы.
У 2022 годзе ўзровень выкарыстання адходаў у Беларусі склаў 32 працэнты. У краіне сабрана 802,6 тыс. тон другасных матэрыяльных рэсурсаў, з якіх 403,9 тыс. тон – адходаў паперы і кардону, 190,1 тыс. тон – адходаў шкла, 106,8 тыс. тон – адходаў пластыка, 58,9 тыс. тон – зношаных шын, 21,1 тыс. тон – адпрацаваных аўтамабільных алеяў, 21,8 тыс. тон – адходаў электроннага і электрычнага абсталявання. Па фактычных аб’ёмах збору другаснай сыравіны лідзіруюць: г. Мінск – 200,9 тыс. тон, Гомельская вобласць – 108,9 тыс. тон і Брэсцкая вобласць – 106,6 тыс. тон.
Эфектыўнае выкарыстанне адходаў уносіць важны ўклад у дасягненне Рэспублікай Беларусь Мэт устойлівага развіцця 12, 13 і іншых МУР.
З больш падрабязнай інфармацыяй аб зборы другаснай сыравіны можна азнаёміцца па спасылцы.
Намеснік старшыні Савета Рэспублікі Нацыянальнага сходу Рэспублікі Беларусь Валерый Бельскі назначаны Нацыянальным каардынатарам па дасягненню Мэт устойлівага развіцця. Адпаведны Указ Прэзідэнта Рэспублікі Беларусь падпісаны 9 сакавіка 2023 года.
Леанід Заяц, які раней займаў пасаду Нацыянальнага каардынатара па дасягненні Мэт устойлівага развіцця, вызвалены ад гэтай пасады.
Дзейнасць Нацыянальнага каардынатара па дасягненні Мэт устойлівага развіцця накіравана на каардынацыю намаганняў па дасягненні МУР і рэалізуецца ў адпаведнасці з Указам Прэзідэнта Рэспублікі Беларусь ад 25 мая 2017 г. №181 «Аб Нацыянальным каардынатары па дасягненні Мэт устойлівага развіцця».
Беларускі фонд фінансавай падтрымкі прадпрымальнікаў праводзіць конкурс інвестыцыйных праектаў суб’ектаў малога прадпрымальніцтва для аказання дзяржаўнай фінансавай падтрымкі.
Дзяржаўная фінансавая падтрымка прадастаўляецца на конкурснай аснове суб’ектам малога прадпрымальніцтва, якія зарэгістраваны і ажыццяўляюць дзейнасць на тэрыторыі Рэспублікі Беларусь і пры рэалізацыі імі інвестыцыйных праектаў па напрамках:
Заяўкі на ўдзел у конкурсе прымаюцца да 16 сакавіка 2023 года.
Аказанне дзяржаўнай фінансавай падтрымкі суб’ектам прадпрымальніцтва ўносіць уклад у дасягненне Рэспублікай Беларусь Мэт устойлівага развіцця 7, 8, 9, 12 і іншых МУР.
З больш падрабязнай інфармацыяй аб конкурсе можна азнаёміцца па спасылцы.
1 сакавіка 2023 года ў Беларусі стартавала экалагічная кампанія «Мірная стваральная праца на карысць чыстай і зялёнай краіны!», ініцыяваная Міністэрствам прыродных рэсурсаў і аховы навакольнага асяроддзя Рэспублікі Беларусь. Кампанія ўключае правядзенне мерапрыемстваў па навядзенні парадку на зямлі, добраўпарадкаванні і азеляненні населеных пунктаў, якія будуць праходзіць да сярэдзіны красавіка.
Цяпер праводзіцца шэраг кантрольна-аналітычных мерапрыемстваў. Удзяляецца асаблівая ўвага стану тэрыторый уздоўж чыгунак, палос адводу, прыдарожных палос, прыпыначных пунктаў уздоўж рэспубліканскіх і мясцовых аўтамабільных дарог, агульнадаступных тэрыторый населеных пунктаў, садовых таварыстваў, гаражных кааператываў, сельскагаспадарчых прадпрыемстваў і арганізацый, тэрыторый дзяржаўнага ляснога фонду. Ажыццяўляецца праверка захавання схем абыходжання з камунальнымі адходамі, стану кантэйнерных пляцовак, наяўнасці кантэйнераў для раздзельнага збору адходаў.
Правядзенне экалагічнай кампаніі «Мірная стваральная праца на карысць чыстай і зялёнай краіны!» унясе ўклад у дасягненне Рэспублікай Беларусь Мэт устойлівага развіцця 11, 13, 15 і іншых МУР.
КАРТА САЙТА
