Рэгіён рэалізацыі ініцыятывы

г. Бяроза, Бярозаўскі раён, Брэсцкая вобласць

Тэмы ўстойлівага развіцця

Сацыяльнае развіццё
Эканамічнае развіццё і рост
Тэхналогіі і інавацыі

Змест дзейнасці

Сёння, дзіцячы развіваючы цэнтр «Лясёнка» прапануе шырокі комплекс паслуг па забаўляльнай дзейнасці і дадатковай адукацыі, накіраваныя на інтэлектуальнае, творчае і сацыяльнае развіццё дзяцей. Заняткі праводзяцца для розных узроставых катэгорый: ад года да старэйшых школьнікаў.

Поспех ініцыятывы ўключала наступныя ключавыя крокі:

• Старт ініцыятывы. Ідэя стварэння цэнтра ўзнікла пасля таго, як Таццяна, стаўшы мамай, усвядоміла востры недахоп падыходных адукацыйных і забаўляльных месцаў для дзяцей у малых гарадах.
• Арэнда памяшкання і фінансавая падтрымка. Пры інфармацыйнай падтрымцы аддзела па адукацыі Бярозаўскага райвыканкама арандавана памяшканне, якое добраўпарадкавана пад патрэбы дзіцячага цэнтра. Паступова цэнтр быў аснашчаны сучасным абсталяваннем, што садзейнічала павышэнню эфектыўнасці і захапляльнасці заняткаў.
• Адаптацыя да крызісу. З-за пандэміі і ўзніклых абмежаванняў прыйшлося спыніць афлайн-заняткі, што прывяло да зніжэння выручкі на 90%. У адказ, цэнтр хутка адаптаваў праграмы для анлайн-фармату, навучыўшы супрацоўнікаў працы з дыстанцыйнымі методыкамі і платформамі.
• Аптымізацыя бізнес-працэсаў. Распрацоўка дакладных працэдур і стандартаў працы, укараненне больш эфектыўнага менеджменту і развіццё асабістага брэнда дазволілі прыцягнуць больш кліентаў.
• Пастаяннае развіццё і пашырэнне. Таццяна Фадзеева, якая паспяхова завяршыла навучанне ў магістратуры, не спыняецца на дасягнутым і працягвае сваю даследчую працу ў аспірантуры. Цяпер яна займаецца напісаннем дысертацыі на актуальную тэму «Метады інтэграцыі тэхналогій штучнага інтэлекту ў адукацыйныя практыкі для дзяцей з асаблівымі патрэбамі».

Адным з галоўных сучасных выклікаў для дзейнасці дзіцячага развіваючага цэнтра з’яўляецца распрацоўка гнуткіх адукацыйных праграм, здольных прыцягваць і ўтрымліваць увагу дзяцей у дыстанцыйным рэжыме.

Вынікі і ўплыў ініцыятывы

Адаптацыя да анлайн-навучання не толькі дапамагла цэнтру перажыць цяжкія часы, але і аказала станоўчы ўплыў на грамадства і навакольнае асяроддзе, прадэманстраваўшы магчымасць устойлівага развіцця ў галіне адукацыі. Сёння дзеці і бацькі могуць карыстацца анлайн-паслугамі адукацыйнай платформы, хоць і не ў поўным аб’ёме. У хуткім часе мяркуецца пашырэнне спісу даступных анлайн-кірункаў, у тым ліку да заняткаў па развіцці гаворкі і кагнітыўных функцый.

Таццяна Фадзеева працягвае аказваць сацыяльную падтрымку пачынаючым прадпрымальнікам, дапамагаючы ім ажыццяўляць свае мары і адкрываць дзіцячыя студыі і цэнтры дадатковай адукацыі ў малых гарадах і ў Мінску.

Источники информации:

1. lecenka.by
2. youtu.be
3. ta-aspect.by