Рэгіён рэалізацыі ініцыятывы

г. Брагін, Брагінскі раён, Гомельская вобласць

Тэмы ўстойлівага развіцця

Сацыяльнае развіццё
Экалагічная ўстойлівасць і кіраванне рэсурсамі
Эканамічнае развіццё і рост

Змест дзейнасці

Сэрвісны анлайн-цэнтр падтрымкі мясцовых вытворцаў прадукцыі садоўніцтва і зямецтва «ЭкаСота» створаны ў 2021 году, уяўляе сучасную платформу, арыентаваную на выкарыстанне інавацыйных падыходаў і тэхналогій. Задачы анлайн-цэнтра ўключаюць прадастаўленне адукацыйных рэсурсаў і метадычную падтрымку садоўнікам і пчалярам, абмен досведам і пасоўванне прадукцыі мясцовых вытворцаў. Асноўныя раздзелы платформы ўключаюць навіны, інфармацыю аб ініцыятыве, метадычныя матэрыялы, анлайн-курсы, а таксама анлайн-вітрыну фермерскай прадукцыі.

Поспех ініцыятывы ўключала наступныя ключавыя крокі:

• Аналіз і выбар кірунку. Зыходзячы з гістарычнай значнасці і бягучай радыяцыйнай бяспекі некаторых відаў сельскагаспадарчай дзейнасці для Брагінскага раёна, каманда ініцыятывы вызначыла садоўніцтва і пчалярства, як ключавыя напрамкі развіцця.
• Інтэграцыя традыцыйных і наватарскіх метадаў. Аб’яднанне традыцыйных сельскагаспадарчых практык з вэб-тэхналогіямі і адукацыйнымі методыкамі забяспечыла стварэнне і змястоўнае развіццё канцэпцыі анлайн-платформы.
• Шырокая адукацыйная праграма. Бясплатныя анлайн-курсы і майстар-класы па садоўніцтве і зямецтве адкрылі мясцовым жыхарам доступ да актуальных ведаў, неабходных для стварэння і развіцці ўласнага бізнэсу.
• Фарміраванне бізнес-пакетаў. Наяўнасць бізнес-пакетаў для садаводаў і пчаляроў, агляд нарматыўных і прававых, фінансавых і арганізацыйных аспектаў дзейнасці сялянскіх (фермерскіх) гаспадарак, дапамаглі зменшыць юрыдычныя і адміністрацыйныя перашкоды для маладых фермераў.
• Лічбавая падтрымка, прасоўванне і сацыяльная інтэграцыя. Стварэнне анлайн-вітрыны вытворцаў падало гаспадаркам прылада для пасоўвання мясцовай прадукцыі, пашырыла магчымасці для яе збыту і пошуку новых кліентаў без неабходнасці арганізацыі ўласных сайтаў. Платформа таксама забяспечыла доступ да неабходнай інфармацыі для неабароненых груп насельніцтва, пашырыўшы магчымасці для іх працаўладкавання і развіцця.
• Стварэнне брэндаў і маркетынг. Супрацоўніцтва з ДУА «Брагінская дзіцячая школа мастацтваў» дазволіла распрацаваць дызайн мясцовых брэндаў «Залатое яблычак» і «Мядовая планета» і павялічыла пазнавальнасць фермерскай прадукцыі і папулярнасць на мясцовых рынках.
• Падтрымка супольнасці і развіццё прадпрымальніцтва. Актыўны ўдзел і падтрымка мясцовай супольнасці ў ажыццяўленні ініцыятывы садзейнічалі стварэнню спрыяльных умоў для развіцця і вядзення сельскага прадпрымальніцтва ў сферы садоўніцтва і пчалярства.

Ключавыя выклікі для развіцця анлайн-цэнтра «ЭкаСота» заключаюцца ў неабходнасці перыядычнага абнаўлення кантэнту, падтрымцы тэхнічнай працаздольнасці і забеспячэнні надзейнага фінансавання для яго бесперабойнай дзейнасці.

Вынікі і ўплыў ініцыятывы

Дзякуючы дзейнасці сэрвіснага анлайн-цэнтра падтрымкі мясцовых вытворцаў прадукцыі садоўніцтва і пчалярства «Экасота» былі дасягнуты наступныя вынікі.

Праведзены кансультацыі і майстар-класы па аднаўленні і доглядзе яблыневых садоў для 50 жыхароў.

Створаны комплексны бізнес-пакет для садаводаў і пчаляроў, які ўключае кіраўніцтва па кіраванні бізнесам і юрыдычную падтрымку.

Адкрыта анлайн-вітрына, пачалося яе напаўненне фермерскімі прадуктамі.

Запушчаны бясплатны анлайн-курс «Пчалярства для пачаткоўцаў», які прайшло 90 чалавек.

Створана 6 новых працоўных месцаў для людзей з сацыяльна-уразлівых пластоў насельніцтва.

Аб’ём вытворчасці мёда і прадукцыі пчалярства і садоўніцтва ў Брагінскім раёне павялічыўся ў 3,5 раза. Колькасць пчаласем’яў сярод партнёраў праекта вырасла на 50% за адзін год.

Абноўлены існуючыя яблыневыя сады ва ўдзельнікаў ініцыятывы, закладзены новы сад з 1500 дрэў.

Адкрыта міні-вытворчасць фруктовых чыпсаў і вытворчая лінія па разліве мёда, якія служаць навучальнымі і дэманстрацыйнымі пляцоўкамі.

Інфармацыйна-адукацыйныя мерапрыемствы спрыялі стварэнню супольнасці энтузіястаў садоўніцтва і пчалярства, падаючы як пачаткоўцам, так і дасведчаным удзельнікам магчымасць для абмену ведамі і ўзаемападтрымкі.

Источники информации:

1. ecosota.by
2. undp.org
3. bragin.by