22 красавіка 2020
Першы Дзень Зямлі прайшоў у 1970 годзе. У 2009 годзе Генеральная Асамблея ААН прыняла рэзалюцыю, што афіцыйна прызнае яго міжнародным днем маці-Зямлі. У 2016 годзе ў Дзень Зямлі ААН афіцыйна прыняла Парыжскае пагадненне, у якім гаворыцца пра рашэнне краін абмежаваць глабальнае павышэнне тэмпературы ніжэй 2 градусаў па Цэльсіі ў параўнанні з даіндустрыяльным узроўнем і ўзмацненні краінамі мер для змякчэння негатыўных наступстваў змены клімату. Такім чынам, Дзень Зямлі ў 2020 годзе – гэта пяцідзесятая гадавіна Дня Зямлі і гадавіна падпісання Парыжскага пагаднення аб прыняцці мер у абарону клімату.
Звычайна ў гэты дзень праходзяць розныя публічныя мерапрыемствы, якія аб’ядноўваюць людзей, але ў гэтым годзе з-за пандэміі COVID-19 мерапрыемствы праходзяць онлайн, а сама пандэмія стала напамінам пра тое, што трэба сканцэнтравацца на дасягненні мэтаў ўстойлівага развіцця, якія дазваляюць лепш супрацьстаяць новым выклікам і глабальным пагрозам.
У Міжнародны Дзень Зямлі ў Беларусі праводзяцца акцыі і мерапрыемствы па пасадцы дрэў, уладкаванні і ўборцы месцаў адпачынку, добраўпарадкаванні крыніц, навядзенні парадку на зямлі. Сёлета запланавана пасадзіць 118 000 дрэў. Вялікае значэнне мае ўдзел грамадзян – прапанаваць месцы для пасадкі дрэў, напрыклад, можна праз сайт Мінпрыроды, а затым паўдзельнічаць у такіх пасадках асабіста. Мінпрыроды таксама запланавана абследаваць у гэтым гаду 660 крыніц – пра гэта будуць інфармавацца ўстановы адукацыі і мясцовыя органы ўлады. Усе жадаючыя таксама змогуць прыняць удзел у абследаванні і, пры неабходнасці, добраўпарадкаванні.
Паўдзельнічаць у Дні Зямлі можна і віртуальна. 22 красавіка можна далучыцца да дыскусій, мерапрыемстваў і дзеянняў на сайце www.earthday.org у прамым эфіры. Спіс віртуальных падзей у гонар Дня Зямлі ёсць у анлайн каталогу па гадзінных паясах. Прыкладанне Earth Challenge 2020 дапаможа актывістам вымераць якасць паветра і ўзровень забруджвання пластыкам там, дзе яны жывуць. Таксама ёсць заданні на кожны дзень, графік абмену меркаваннем ў сацыяльных сетках, парады па стварэнні ўласнага профілю на Дзень Зямлі і месца, дзе можна расказаць іншым аб вашым уласным «зялёным дзеянні».
Для барацьбы з пандэміяй каронавіруса і абароны ад будучых глабальных пагроз патрабуецца рацыянальнае кіраванне небяспечнымі медыцынскімі і хімічнымі адходамі, Сусветная абарона навакольнага асяроддзя і біяразнастайнасці, узяцце выразных абавязацельстваў для больш якаснага аднаўлення, стварэнне зялёных працоўных месцаў і садзейнічанне пераходу да вугляроднае-нейтральнай эканоміцы.
КАРТА САЙТА
