Адбылося выязное паседжанне Гомельскай рэгіянальнай групы па ўстойліваму развіццю

9 кастрычніка ў Рагачове адбылося выязное паседжанне сектаральнай групы па эканамічных пытаннях Гомельскай рэгіянальнай групы па ўстойліваму развіццю. На паседжанні была прэзентавана стратэгія ўстойлівага развіцця Гомельскай вобласці і магчымасці яе рэалізацыі на мясцовым узроўні, а таксама механізмы грамадскага ўдзелу ў дасягненні Мэтаў ўстойлівага развіцця на прыкладзе Рагачоўскага раёна.

Удзельнікі паседжання падзяліліся канкрэтнымі практыкамі ў дасягненні Мэтаў ўстойлівага развіцця:

• вопытам стварэння крэатыўнай грамадскай прасторы «Свая палiчка» у г. Гомелі;

• магчымасцямі арганічнага земляробства на постчарнобыльскіх тэрыторыях;

• спосабамі самазанятасці людзей з інваліднасцю і пажылых людзей;

• варыянтамі моладзевага ўдзелу для ўстойлівага развіцця рэгіёну.

Гэтыя напрацоўкі прэзентавалі прадстаўнікі Гомельскага дзяржаўнага ўнівэрсытэту імя Ф.Скарыны, «Сацыяльныя праекты», ТАА «Адзінства», мясцовага фонду падтрымкі прадпрымальніцтва і сельскага развіцця «Эка-Інавацыя», УА «Гомельскі дзяржаўны абласны Палац творчасці дзяцей і моладзі», установы «Рагачоўскі тэрытарыяльны цэнтр сацыяльнага абслугоўвання насельніцтва»і Рагачоўскай раённай арганізацыі ГА «Беларускі саюз жанчын». У паседжанні сектаральнай групы таксама прынялі ўдзел прадстаўнікі мясцовых выканаўчых і распарадчых органаў і зацікаўленай грамадскасці Светлагорскага, Жлобінскага, Лоеўскага, Буда-Кашалёўскага, Чачэрскага, Кармянскага раёнаў.