Беларускі бок прыняў удзел у нарадзе экспертаў па вымярэнні беднасці і няроўнасці і семінары па гарманізацыі статыстыкі беднасці для вымярэння МУР 1 у краінах УЕКЦА

7 снежня 2019

Нарада экспертаў па вымярэнні беднасці і няроўнасці і семінар па гарманізацыі статыстыкі беднасці для вымярэння МУР 1 у краінах УЕКЦА, якія арганізавала ЕЭК ААН, адбыліся ў Жэневе 4–6 снежня.

У нарадзе і семінары прыняла ўдзел намеснік старшыні Нацыянальнага статыстычнага камітэта Рэспублікі Беларусь, кіраўнік міжведамаснай рабочай групы па маніторынгу і ацэнцы дасягнення МУР Савета па ўстойлівым развіцці Кухарэвіч Алена Іванаўна.

Удзельнікі нарады разгледзелі пытанні, якія тычацца вымярэння беднасці і няроўнасці, у прыватнасці дэзагрэгацыі паказчыкаў беднасці для маніторынгу Парадку дня ў галіне ўстойлівага развіцця на перыяд да 2030 года, рэпрэзентатыўнасці і дакладнасці выбаркі ў абследаваннях, уплыву на беднасць сацыяльных выплат, выкарыстання адміністрацыйных дадзеных для вымярэння, азнаёміліся з перадавымі міжнароднымі напрацоўкамі ў дадзенай галіне. Прадстаўнікі краін-удзельніц вывучылі вопыт Беларусі па ацэнцы шматмернай беднасці.

Удзельнікі семінара абмяняліся досведам у сферы развіцця статыстычнага патэнцыялу па вымярэнні беднасці і вызначэнні асноўных напрамкаў далейшых дзеянняў па гарманізацыі статыстыкі беднасці. А. І. Кухарэвіч распавяла ўдзельнікам семінара пра дасягненне Рэспублікай Беларусь прагрэсу ў вымярэнні МУР 1 і гарманізацыі статыстыкі беднасці ў рамках маніторынгу МУР 1.

Даведачна:

Мэта ўстойлівага развіцця 1 гучыць як «Паўсюдная ліквідацыя галечы ва ўсіх яе формах». Задачы Мэты:

• да 2030 года ліквідаваць крайнюю галечу для ўсіх людзей ва ўсім свеце;
• да 2030 скараціць долю мужчын, жанчын і дзяцей усіх узростаў, якія жывуць у галечы ва ўсіх яе праявах, згодна з нацыянальным вызначэнням, па меншай меры напалову;
• укараніць на нацыянальным узроўні належныя сістэмы і меры сацыяльнай абароны для ўсіх, уключаючы ўсталяванне мінімальных узроўняў, і да 2030 дасягнуць істотнага ахопу бедных і уразлівых слаёў насельніцтва;
• да 2030 годзе забяспечыць, каб усе мужчыны і жанчыны, асабліва маламаёмасныя і ўразлівыя, мелі роўныя правы на эканамічныя рэсурсы, а таксама доступ да базавых паслуг, валодання і распараджэння зямлёй і іншымі формамі ўласнасці, маёмасці, што перадаецца ў спадчыну, прыродных рэсурсаў, адпаведным новым тэхналогіям і фінансавым паслугам, уключаючы мікрафінансаванне;
• да 2030 года павысіць жыццеўстойлівасць маламаёмных і асоб, якія знаходзяцца ва ўразлівым становішчы, і паменшыць іх неабароненасць і ўразлівасць перад выкліканымі змяненнем клімату экстрэмальнымі з’явамі і іншымі эканамічнымі, сацыяльнымі і экалагічнымі ўзрушэннямі і бедствамі;
• забяспечыць мабілізацыю значных рэсурсаў з самых розных крыніц, у тым ліку на аснове актывізацыі супрацоўніцтва ў мэтах развіцця, з тым каб даць краінам, якія развіваюцца, асабліва найменш развітым краінам, дастатковыя і прадказальныя сродкі для ажыццяўлення праграм і стратэгій па ліквідацыі галечы ва ўсіх яе формах;
• стварыць на нацыянальным, рэгіянальным і міжнародным узроўнях надзейныя стратэгічныя механізмы, у аснове якіх ляжалі б стратэгіі развіцця, якія ўлічваюць інтарэсы беднаты і гендарныя аспекты, для садзейнічання паскоранаму інвеставанню ў мерапрыемствы па ліквідацыі галечы.

Вывучыць справаздачнасць па паказчыках Мэты ўстойлівага развіцця 1 можна на сайце Нацыянальнага статыстычнага камітэта Рэспублікі Беларусь.

Крыніца: Нацыянальны статыстычны камітэт Рэспублікі Беларусь.

Версія для друку