30 чэрвеня 2024
Штогод у апошнюю нядзелю чэрвеня ў Беларусі праходзіць Дзень моладзі і студэнцтва — свята, якое садзейнічае аб’яднанню студэнцкай і працуючай моладзі на аснове лепшых традыцый пераемнасці маладзёжных рухаў. У 2024 годзе гэтая дата – 30 чэрвеня.
Напярэдадні гэтага свята з 21 па 30 чэрвеня ў краіне праходзіць Рэспубліканскі марафон моладзі і студэнцтва пад слоганам «Moladz.by: ствараем якасную будучыню!». Канцэпцыя Марафона створана такім чынам, каб даць магчымасць заявіць аб сабе па розных напрамках – кожны дзень марафона адведзены пад пэўную тэму: беларуская культура і традыцыі, здаровы лад жыцця, навука, бяспека, гісторыя, валанцёрскі рух, экалагічная асвета і прафарыентацыя.
Да Дня моладзі і студэнцтва Нацыянальны статыстычны камітэт Рэспублікі Беларусь падрыхтаваў Статыстычны агляд, які змяшчае інфармацыю аб колькасці моладзі і яе долі ў розных сферах дзейнасці Беларусі.
Правядзенне Дня моладзі і студэнцтва садзейнічае ўключэнню маладых людзей у жыццё краіны і ўносіць важны ўклад у рэалізацыю Парадку дня ў галіне ўстойлівага развіцця на перыяд да 2030 года.
КАРТА САЙТА
