Гомельскі медыцынскі каледж прадставілі свой досвед развіцця сястрынскай справы на міжнароднай канферэнцыі

4-5 красавіка 2025 года выкладчыкі УА «Гомельскі дзяржаўны медыцынскі каледж» прынялі ўдзел у Міжнароднай навукова-практычнай канферэнцыі «Перспектывы развіцця сястрынскай справы: інавацыі, адукацыя і практыка».

Канферэнцыя накіравана на развіццё навуковай дзейнасці ў галіне тэхнічнай і прафесійнай адукацыі, а таксама практычнай медыцыны. Гэта ўнікальная пляцоўка для прафесійных зносін, абмену перадавым вопытам і абмеркавання актуальных пытанняў аховы здароўя.

На працягу двух дзён вопытам навуковай дзейнасці і арганізацыі навучальна-адукацыйнага працэсу дзяліліся медыцынскія спецыялісты Рэспублікі Беларусь, Рэспублікі Казахстан, Арменія, Расійскай Федэрацыі, Кыргызскай Рэспублікі. Усяго ў рамках работы канферэнцыі было прадстаўлена 55 дакладаў і праведзена два майстар-класы.

Ад Беларусі на канферэнцыі ў анлайн-фармаце выступіў УА «Гомельскі дзяржаўны медыцынскі каледж», прадставіўшы некалькі дакладаў:

• «Актуальныя пытанні сістэмы аховы здароўя Гомельскай вобласці і падрыхтоўкі медыцынскіх работнікаў сярэдняга звяна»;
• «Вопыт фарміравання камунікатыўных кампетэнцый будучых медыцынскіх работнікаў сярэдняга звяна праз рэалізацыю прынцыпу «роўны навучае роўнага»;
• «Вопыт арганізацыі алімпіяд і конкурсаў прафмайстэрства ва ўмовах сімуляцыйнага навучання як сродку фарміравання прафесійных кампетэнцый будучых медыцынскіх спецыялістаў»;
• «Вопыт прадметнага гуртка «Анкалогія і жыццё»;
• «Выкарыстанне методыкі «Стандартызаваны пацыент».

Удзел у Міжнароднай навукова-практычнай канферэнцыі «Перспектывы развіцця сястрынскай справы: інавацыі, адукацыя і практыка» будзе садзейнічаць павышэнню ўзроўню кваліфікацыі медыцынскіх работнікаў і якасці медыцынскай дапамогі, укараненню перадавых практык у сястрынскую справу, што ўнясе ўклад у дасягненне Рэспублікі Беларусь Мэт устойлівага развіцця 3, 4, 8 і іншых МУР.