31 мая 2023
З 23 мая па 1 чэрвеня 2023 года, з мэтай супрацьдзеяння кіберзлачыннасці, Міністэрства ўнутраных спраў Рэспублікі Беларусь праводзіць прафілактычную акцыю «Дэкада кібербяспекі «Кібердзеці». Акцыя ўключае правядзенне мерапрыемстваў па павышэнні лічбавай пісьменнасці дзяцей і моладзі, іх інфармаванні аб спосабах абароны ад кібербулінгу, грумінгу, секстынгу і бяспечных паводзінах у сетцы Інтэрнэт.
Адным з такіх мерапрыемстваў стаў форум «Я ў кібербяспецы!», арганізаваны ААТ «ААБ Беларусбанк». Усяго ў форуме прынялі ўдзел больш за 100 хлопчыкаў і дзяўчынак ва ўзросце ад 8 да 17 гадоў, а таксама іх бацькі. У рамках форуму дзеці даведаліся, як найбольш эфектыўна засцерагчы сябе ў Сеткі, чаму лічбавы след вельмі значны ў сучасным свеце, з якімі кіберпагрозамі можа сутыкнуцца сучаснае дзіця, як эфектыўна забяспечыць бяспеку сябе ў інтэрнэце, куды звярнуцца па дапамогу, пра прафесію спецыяліста па кібербяспецы і інш.
Па дадзеных апытанняў, на сённяшні дзень, 40% дзяцей размаўлялі ў інтэрнэце з незнаёмымі людзьмі. Больш за 30% сутыкаліся з запалохваннем або цкаваннем у Інтэрнэце, з якіх 9% вучняў 5-7 класаў. 18% вучняў 8–11 класаў падвяргаліся гвалту з боку людзей, з якімі знаёмыя праз Інтэрнет.
Развіццё лічбавай пісьменнасці і павышэнне дасведчанасці дзяцей і моладзі ў пытаннях кібербяспекі ўносіць важны ўклад у дасягненне Рэспублікай Беларусь Мэт устойлівага развіцця 3, 4, 9 і іншых МУР.
Навукова-метадычная ўстанова «Нацыянальны інстытут адукацыі» Міністэрства адукацыі Рэспублікі Беларусь распрацавала спецыялізаваныя відэаматэрыялы, накіраваныя на супрацьдзеянне кіберзлачыннасці.
КАРТА САЙТА
