Конкурс па фарміраванні культуры бяспекі жыццядзейнасці праходзіць у Беларусі

3 сакавіка 2023

З 21 лютага па 20 сакавіка 2023 года ДУА «Універсітэт грамадзянскай абароны Міністэрства па надзвычайных сітуацыях Рэспублікі Беларусь» праводзіць конкурс «Фарміраванне культуры бяспекі жыццядзейнасці ў дасягненні Мэт устойлівага развіцця».

Для ўдзелу ў конкурсе навучэнцам вочнай формы навучання ўстаноў вышэйшай адукацыі неабходна падрыхтаваць эсэ, відэаролік або стэндавы даклад на адзін з наступных тэматычных напрамкаў:

• «Дэмаграфічная бяспека»;
• «Здаровы лад жыцця»;
• «Абарона навакольнага асяроддзя»;
• «Бяспека і жыццеўстойлівасць сучасных гарадоў»;
• «Энергетычная бяспека краіны».

Правядзенне конкурсу «Фарміраванне культуры бяспекі жыццядзейнасці ў дасягненні Мэт устойлівага развіцця» накіравана на папулярызацыю Мэт устойлівага развіцця сярод моладзі, фарміраванне актыўных дзеянняў па ўнясенню асабістага ўкладу ў іх дасягненне, а таксама стварэнне ўмоў для распаўсюджвання пазітыўнага вопыту фарміравання культуры бяспекі жыццядзейнасці.

З больш падрабязнай інфармацыяй аб конкурсе можна азнаёміцца па спасылцы.

Версія для друку