Макеты дзяржаўных праграм на 2026-2030 гады разгледзелі ва Урадзе Рэспублікі Беларусь
30 ліпеня 2025 года ў Мінску прайшло пасяджэнне Прэзідыума Савета Міністраў Рэспублікі Беларусь, у рамках якога былі разгледжаны макеты дзяржаўных праграм на 2026-2030 гады.
Дзяржаўныя праграмы маюць ключавое значэнне ў рэалізацыі наступнай пяцігадовай праграмы сацыяльна-эканамічнага развіцця Беларусі. На сённяшні дзень праведзена вялікая работа па выяўленню недахопаў у праграмах бягучай пяцігодкі, якія неабходна будзе ліквідаваць пры падрыхтоўцы будучых праграм. Таксама выпрацаваны асноўныя прынцыпы гэтай працы. Першы – усе праграмы павінны быць строга нацэлены на выкананне задач новай праграмы сацыяльна-эканамічнага развіцця на 2026-2030 гады. Другі прынцып у тым, што ўсе індыкатары будучых праграм павінны адпавядаць мэтам і задачам будучай пяцігодкі. Трэці – гэта кіравальнасць. У кожнай дзяржаўнай праграмы будзе адзіны рэгулятар, адказны за выкананне ўсіх паказчыкаў.
На сённяшні дзень падрыхтаваны пералік і макеты будучых дзяржаўных праграм. У іх ёсць мэты, задачы, паказчыкі. Гэта 19 праграм сацыяльна-эканамічнай накіраванасці, а таксама праграма інавацыйнага развіцця. Яны змяшчаюць 60 падпраграм і прыкладна 120 мэтавых паказчыкаў.
Распрацоўка і рэалізацыя дзяржаўных праграм уносіць уклад у рэалізацыю Парадаку дня ў галіне ўстойлівага развіцця на перыяд да 2030 года.
.