Маштабнае сацыялагічнае даследаванне аб прыярытэтах развіцця праведзена ў Беларусі
У красавіку 2025 года Беларускі інстытут стратэгічных даследаванняў правёў маштабнае сацыялагічнае даследаванне. Афлайн былі апытаны каля 1,5 тысячы чалавек, а праз электронную платформу меркаванне.бел – 30 тысяч жыхароў краіны.
Згодна з вынікамі праведзенага апытання, асноўнымі прыярытэтамі беларусаў з’яўляюцца паляпшэнне сістэмы жыллёва-камунальнай гаспадаркі, дарог, транспарту, водазабеспячэння, а таксама павышэння статусу работнікаў, узроўню заработнай платы, павелічэнне колькасці льгот і сацыяльных гарантый, асабліва ўрачам, настаўнікам і выкладчыкам, у тым ліку і для фарміравання маральных стымулаў.
Адмысловая ўвага ў даследаванні было нададзена вывучэнню чаканняў розных сацыяльных груп насельніцтва, уключаючы моладзь і людзей старэйшага ўзросту. Так, для насельніцтва старэйшыя за 55 гадоў прынцыповым пытаннем з’яўляецца даступнасць медыцыны, а таксама паліятыўнай дапамогі. Другім важным аспектам з’яўляецца лагістычная і транспартная даступнасць: магчымасць без старонняй дапамогі дабрацца да патрэбнай геаграфічнай кропкі. Пытанне больш востра ўспрымаецца жыхарамі вясковых і невялікіх гарадскіх населеных пунктаў. Таксама людзей старэйшага ўзросту (асабліва грамадзян 70+) хвалюе праблема ўцягнутасці ў сацыяльнае жыццё і іх запатрабаванасць. Многія хочуць працягваць актыўную камунікацыю і быць карыснымі для грамадства.
Для сярэдняй узроставай групы ключавы запыт — матэрыяльны даход, стабільная праца прадпрыемстваў, працоўныя адносіны. Таксама ёсць чаканні ад больш якаснай работы сферы жыллёва-камунальнай гаспадаркі: цікавяць пытанні паркінгаў, прыдамавых стаянак, уборка пад’ездаў. Калі казаць пра жыхароў сельскіх населеных пунктаў і малых гарадоў, то ёсць запыт на развіццё інфраструктуры: для спорту, адпачынку з дзецьмі, сям’ёй.
Што да моладзі, то можна вылучыць дзве групы розных пакаленняў, якія адрозніваюцца адна ад адной: 15–19 гадоў і 20–30 гадоў. Галоўная мэта першай групы — свабода і асабісты час. У другой групы асноўны запыт — самарэалізацыя і прызнанне, якія суправаджаюцца высокім узроўнем даходу.
Вынікі праведзенага апытання будуць выкарыстаны пры падрыхтоўцы канцэпцыі праграмы сацыяльна-эканамічнага развіцця на 2026-2030 гады.
.