15 снежня 2019
Выкіды парніковага газу, звязаныя з дзейнасцю чалавека, дасягнулі гістарычнага максімуму. Змяненне клімату, якое падганяе эканамічны рост і павелічэнне колькасці насельніцтва, аказвае шырокі ўплыў на чалавека і на прыродныя сістэмы ў кожнай краіне на кожным кантыненце.
З павышэннем тэмпературы паветра і акіяна колькасць снегу і лёду зменшылася, а ўзровень мора падняўся. Па наяўных прагнозах, на працягу XXI стагоддзя тэмпература паверхні Зямлі працягне павялічвацца. Паколькі змяненне клімату аказвае істотны ўплыў на эканамічнае развіццё, прыродныя рэсурсы і барацьбу з галечай, пераадоленне гэтай праблемы стала неад’емным складнікам дасягнення ўстойлівага развіцця, што знайшло сваё адлюстраванне ў Мэце ўстойлівага развіцця 13. Выпрацоўка недарагіх рашэнняў праблемы змены клімату, якія можна маштабаваць, дазволіць пазбегнуць дэстабілізацыі дасягненняў апошніх дзесяцігоддзяў у выніку гэтай з’явы і забяспечыць краінам магчымасць будучага пераходу да нізкавугляроднай эканоміцы.
Інструментам барацьбы са змяненнем клімату з’яўляецца Парыжскае пагадненне, якое было прынятае ўсімі 196 бакамі Рамачнай Канвенцыі Арганізацыі Аб’яднаных Нацый аб змяненні клімату (РКААНЗК) на 21-й Канферэнцыі Бакоў РКААНЗК, якая прайшла ў Парыжы 12 снежня 2015 года. У гэтым Пагадненні ўсе краіны абавязваюцца прыняць меры да таго, каб павышэнне агульнасусветнай тэмпературы склала значна менш за 2 градусы Цэльсія, а з улікам сур’ёзнасці існуючых рызык – імкнуцца абмежаваць рост тэмпературы узроўнем 1,5 градуса.
25 Канферэнцыя Бакоў Рамачнай канвенцыі ААН аб змяненні клімату прайшла з 2 па 13 снежня 2019 г. у г. Мадрыд. Гэта ключавое мерапрыемства, накіраванае на выпрацоўку і прыняцце паўнавартаснага і змястоўнага набору рашэнняў, якія дазволяць запусціць механізмы, прадугледжаныя Парыжскім пагадненнем.
У сегменце высокага ўзроўню 25 Канферэнцыі Бакоў Рамачнай канвенцыі ААН аб змяненні клімату прыняла ўдзел дэлегацыя Міністэрства прыродных рэсурсаў і аховы навакольнага асяроддзя Рэспублікі Беларусь на чале з міністрам Андрэем Паўлавічам Худыкам.
Міністр адзначыў прыхільнасць Рэспублікі Беларусь устойліваму развіццю, якое немагчыма без вырашэння праблемы змены клімату і якое вылучаецца ў асобны парадак дня. «Разумеючы безумоўную важнасць кліматычных дзеянняў, Рэспубліка Беларусь адказна паставілася да закліку ўзмацніць амбіцыі ў гэтым накірунку і мае намер павялічыць свае нацыянальныя абавязацельствы па скарачэнні выкідаў парніковых газаў да 2030 года не менш чым на 35 працэнтаў у параўнанні з 1990 годам выключна за кошт уласных рэсурсаў», – паведаміў ён у сваім дакладзе.
Рэспубліка Беларусь прымае меры па зніжэнні выкідаў парніковых газаў і меры па адаптацыі і павелічэнні паглынання парніковых газаў у адпаведнасці з нацыянальным Планам мерапрыемстваў па рэалізацыі Парыжскага пагаднення. Такімі мерамі з’яўляецца пераход да цыркулярнай эканомікі, укараненне энергаэфектыўных тэхналогій, развіццё ўстойлівай гарадской мабільнасці, напрыклад, электратранспарту, захаванне водна-балотных угоддзяў і развіццё сістэмы асабліва ахоўных прыродных тэрыторый. Усё гэта дазваляе знізіць рызыкі, звязаныя са змяненнем клімату.
Па матэрыялах Міністэрства прыродных рэсурсаў і аховы навакольнага асяроддзя Рэспублікі Беларусь Па матэрыялах ААН
КАРТА САЙТА
