4 кастрычніка 2022
3 кастрычніка 2022 года стартавала міжнародная бізнес-гульня «Пачатковы фермер», арганізаваная Беларускім рэспубліканскім саюзам моладзі пры падтрымцы Міністэрства сельскай гаспадаркі і харчавання Рэспублікі Беларусь.
Галоўная задача міжнароднай бізнес-гульні «Пачатковец фермер» — выяўленне і падтрымка таленавітай моладзі, уцягванне яе ў працэс распрацоўкі і рэалізацыі бізнес-праектаў, накіраваных на стварэнне і развіццё сельскагаспадарчай вытворчасці.
Да ўдзелу ў бізнес-гульні запрашаюцца навучэнцы ўстаноў агульнай сярэдняй, сярэдняй спецыяльнай адукацыі, студэнты, магістранты і аспіранты ўстаноў вышэйшай адукацыі, маладыя людзі, якія маюць вопыт вядзення асабістай падсобнай гаспадаркі не менш як тры гады і прадпрымальнікі, якія ажыццяўляюць сваю дзейнасць у сферы аграпрамысловага комплексу. Да гульні дапускаюцца каманды да пяці чалавек ва ўзросце ад 14 да 35 гадоў.
Бізнес-праекты будуць разглядацца ў такіх намінацыях як жывёлагадоўля, раслінаводства, сельскагаспадарчая кааперацыя, свабодная тэма.
Правядзенне бізнес-гульні «Пачатковец фермер» будзе садзейнічаць развіццю ў моладзі навыкаў бізнес-планавання, выпрацоўцы кіраўніцкіх рашэнняў, што ўнясе ўклад у дасягненне Мэт ўстойлівага развіцця 1, 2, 8 і іншых МУР.
З больш падрабязнай інфармацыяй аб бізнэс-гульні можна азнаёміцца па спасылцы.
КАРТА САЙТА
