1 снежня 2021
2-3 снежня 2021 года ў Мінску пройдзе міжнародная канферэнцыя «Новыя падыходы і паспяховыя практыкі ў развіцці экалагічнага турызму на асабліва ахоўных прыродных тэрыторыях як уклад у дасягненне Мэт устойлівага развіцця». Арганізатарамі канферэнцыі выступаюць Міністэрства прыродных рэсурсаў і аховы навакольнага асяроддзя Рэспублікі Беларусь пры падтрымцы Праграмы развіцця ААН і Урада Расійскай Федэрацыі ў рамках праекта «Развіццё экалагічнага турызму для садзейнічання зялёнаму пераходу да інклюзіўнага і ўстойлівага росту».
У канферэнцыі прымуць удзел больш за 170 спецыялістаў у сферы экатурызму з 11 краін: Беларусі, Арменіі, Азербайджана, Эстоніі, Германіі, Казахстана, Малдовы, Расіі, Славакіі, Таджыкістана, Узбекістана. Прадстаўнікі прыродаахоўных ведамстваў, асабліва ахоўных прыродных тэрыторый, НДА, аграэкасядзіб, ВНУ з розных краін абмяркуюць розныя аспекты экатурызму як драйвера ўстойлівага развіцця рэгіёнаў і як важнага элемента эфектыўнага кіравання ААПТ.
Правядзенне канферэнцыі садзейнічае абмену інфармацыяй і вопытам у галіне экалагічнага турызму, захавання і ўстойлівага выкарыстання біялагічнай і ландшафтнай разнастайнасці і ўносіць уклад у дасягненне Мэт устойлівага развіцця 8, 9, 13, 15, 17 і іншых МУР.
З больш падрабязнай інфармацыяй аб правядзенні міжнароднай канферэнцыі можна азнаёміцца па спасылцы: https://minpriroda.gov.by/ru/news-ru/view/mezhdunarodnaja-konferentsija-novye-podxody-i-uspeshnye-praktiki-v-razvitii-ekologicheskogo-turizma-na-osobo-3948/?fbclid=IwAR2VpczvEKM4zahsnJQ5YgnPB_pkvs_VVUyHyRzZSsZ-TXlOI4YLnjnwytk.
КАРТА САЙТА
