Названы лаўрэаты конкурсу «100 маладых талентаў Нацыянальнай акадэміі навук Беларусі» за 2022 год

Нацыянальная акадэмія навук Беларусі зацвердзіла спіс лаўрэатаў штогадовага конкурсу «100 маладых талентаў Нацыянальнай акадэміі навук Беларусі» за 2022 год. Лаўрэаты конкурсу ўключаюцца ў банк даных «100 маладых талентаў Нацыянальнай акадэміі навук Беларусі», у іх ліку:

• Аляксандр Бараноўскі, загадчык аддзела навукова-інфармацыйнай работы ДНУ «Інстытут гісторыі Нацыянальнай акадэміі навук Беларусі», кандыдат гістарычных навук;
• Вольга Барадаўчанка, навуковы супрацоўнік лабараторыі аптычнай спектраскапіі паўправаднікоў ДНВА «Навукова-практычны цэнтр Нацыянальнай акадэміі навук Беларусі па матэрыялазнаўстве», кандыдат фізіка-матэматычных навук;
• Ілля Казлоўскі, старшы навуковы супрацоўнік лабараторыі малекулярнай біятэхналогіі ДНУ «Інстытут мікрабіялогіі Нацыянальнай акадэміі навук Беларусі», кандыдат біялагічных навук.

Правядзенне конкурсу «100 маладых талентаў Нацыянальнай акадэміі навук Беларусі» садзейнічае прыцягненню таленавітай моладзі ў навуковай, навукова-тэхнічнай і інавацыйнай сферах, абмену вопытам паміж вучонымі, што ўносіць уклад у дасягненне Рэспублікай Беларусь Мэт устойлівага развіцця 8, 9 і іншых МУР.

З больш падрабязнай інфармацыяй аб конкурсе можна азнаёміцца па спасылцы.