Партал рэйтынгавай ацэнкі якасці аказання адміністрацыйных паслуг пашырыў функцыянал

З 18 студзеня 2022 года для карыстальнікаў даступны абноўлены партал рэйтынгавай ацэнкі якасці аказання паслуг і адміністрацыйных працэдур дзяржаўнымі органамі і іншымі арганізацыямі.

Партал рэйтынгавай ацэнкі – спецыялізаваны сэрвіс для грамадзян, дзе яны могуць размяшчаць сваё меркаванне аб якасці працы дзяржаўных арганізацый.  На падставе выстаўленых адзнак на партале фармуецца рэйтынг такіх арганізацый. Ён адлюстроўвае ўзровень задаволенасці насельніцтва якасцю аказання ім паслуг і ажыццяўлення адміністрацыйных працэдур. Дзяржаўныя органы вядуць улік гэтай інфармацыі і выкарыстоўваюць яе пры адзнацы дзейнасці падпарадкаваных арганізацый і выпрацоўцы мер па падвышэнні якасці іх працы.

На сённяшні момант магчымасцямі партала карыстаюцца каля 53 тысяч чалавек, зарэгістравана ў якасці аб’ектаў ацэнкі больш за 13 тысяч арганізацый, выстаўлена больш за 240 тысяч адзнак.

Функцыянаванне партала робіць уклад у дасягненне Мэты ўстойлівага развіцця 16 і іншых МУР.

З больш падрабязнай інфармацыяй пра абноўлены партал рэйтынгавай ацэнкі можна азнаёміцца па спасылцы: https://www.mpt.gov.by/ru/news/18-01-2022-7684.