Перспектывы развіцця ESG-фактараў абмеркавалі на канферэнцыі ў Мінску

22 лістапада 2023 года ў Мінску прайшла канферэнцыя «На шляху да ўстойлівай будучыні: ESG выклік» па абмене вопытам ESG-трансфармацыі і асвятлення лепшых практык па стварэнні ўстойлівых прадуктаў і паслуг.

У канферэнцыі прынялі ўдзел прадстаўнікі рэспубліканскіх органаў дзяржаўнага кіравання, міжнародных арганізацый, банкаўскай сферы, вытворчага бізнесу, экспертнай супольнасці.

У ходзе панэльных дыскусій эксперты абмеркавалі выклікі і магчымасці для беларускага бізнесу, звязаныя з выкарыстаннем прынцыпаў устойлівага развіцця і ESG-фактараў у сваёй дзейнасці, перспектывы рэгулявання пытанняў устойлівага развіцця і ESG у Рэспубліцы Беларусь, устойлівае развіццё і ESG у рэальным сектары, а таксама ў банкаўскім і страхавым сектарах Рэспублікі Беларусь.

Укараненне ESG-фактараў садзейнічае павышэнню эканамічнай эфектыўнасці беларускіх прадпрыемстваў і ўносіць важны ўклад у рэалізацыю Парадаку дня ў галіне ўстойлівага развіцця на перыяд да 2030 года.

З больш падрабязнай інфармацыяй аб канферэнцыі можна азнаёміцца па спасылцы.