Праект Канцэпцыі НСУР-2040 вынесены на грамадскае абмеркаванне

На грамадскае абмеркаванне вынесены праект Канцэпцыі Нацыянальнай стратэгіі ўстойлівага развіцця Рэспублікі Беларусь на перыяд да 2040 года (НСУР-2040).

Канцэпцыя НСУР-2040 падрыхтавана ДНУ «Навукова-даследчы эканамічны інстытут Міністэрства эканомікі Рэспублікі Беларусь» сумесна з Міністэрствам эканомікі Рэспублікі Беларусь на падставе прапаноў членаў міжведамаснай і сектаральных груп па распрацоўцы НСУР-2040, дзяржаўных органаў і іншых арганізацый.

Дакумент змяшчае асноўныя палажэнні, якія грунтуюцца на сістэмным падыходзе, які раскрывае развіццё трох узаемазвязаных кампанентаў: чалавек, эканоміка і экалогія. На іх аснове выбраны пяць прыярытэтаў доўгатэрміновага развіцця:

• Народазберажэнне і ўмацаванне традыцыйных сямейных каштоўнасцей;
• Якасная адукацыя, арыентаваная на тэхналагічнае развіццё і новы светапогляд маладога пакалення;
• Тэхналагічная незалежнасць і пабудова інтэлектуальнай эканомікі;
• Канкурэнтнае і даступнае бізнес-асяроддзе, дасягненне балансу інтарэсаў бізнесу і дзяржавы;
• Экалагічная бяспека і рэсурсаэфектыўнасць.

Прапановы і заўвагі па праекце Канцэпцыі можна накіроўваць на электронны адрас prognoz@economy.gov.by з 8 да 21 студзеня 2024 года.