Праект НСУР-2040 вынесены на грамадскае абмеркаванне

25 верасня 2024

На грамадскае абмеркаванне вынесены праект Нацыянальнай стратэгіі ўстойлівага развіцця Беларусі на перыяд да 2040 года.

Нацыянальная стратэгія ўстойлівага развіцця Рэспублікі Беларусь на перыяд да 2040 года (НСУР-2040) выступае сістэмаўтваральным дакументам. Яе палажэнні лягуць у аснову стратэгій развіцця галін, дакументаў дзяржаўнага планавання і прагназавання.

Праект НСУР-2040 базуецца на асноўных палажэннях Канцэпцыі нацыянальнай бяспекі Рэспублікі Беларусь і праектных ідэях Комплекснага прагнозу навукова-тэхнічнага прагрэсу на 2026-2030 гады і на перыяд да 2045 года.

Дакумент змяшчае асноўныя палажэнні, якія грунтуюцца на сістэмным падыходзе, які раскрывае развіццё трох узаемазвязаных кампанентаў: чалавек, эканоміка і экалогія. На іх аснове выбраны пяць прыярытэтаў доўгатэрміновага развіцця:

• умацаванне сямейных каштоўнасцяў і забеспячэнне шырокіх магчымасцяў для развіцця асобаснага патэнцыялу;
• якасная адукацыя, арыентаваная на тэхналагічнае развіццё і новыя жыццёвыя запатрабаванні;
• тэхналагічная незалежнасць і пабудова інтэлектуальнай эканомікі;
• канкурэнтнае і даступнае бізнес-асяроддзе, дасягненне балансу інтарэсаў бізнесу і дзяржавы;
• экалагічная бяспека і рэсурсаэфектыўнасць.

Прапановы і заўвагі па праекце Нацыянальнай стратэгіі ўстойлівага развіцця Рэспублікі Беларусь на перыяд да 2040 года можна накіроўваць з 24 верасня 2024 г. па 16 кастрычніка 2024 г. на адрас Міністэрства эканомікі Рэспублікі Беларусь і на электронны адрас prognoz@economy.gov.by.

.

Крыніца інфармацыі

Версія для друку