Пытанні абыходжання з адходамі абмеркавалі ў Мінску

13 чэрвеня 2023 года ў Мінску адбылося выязное пасяджэнне Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы на тэму «Практыка прымянення Закона Рэспублікі Беларусь «Аб абыходжанні з адходамі». Сартаванне адходаў і атрыманне другасных рэсурсаў».

Мэтай мерапрыемства з’яўлялася вывучэнне пытанняў, звязаных з перапрацоўкай адходаў, іх выкарыстання ў якасці другасных матэрыяльных рэсурсаў, а таксама разгляд асноўных змяненняў, што прадугледжваюцца Законам Рэспублікі Беларусь «Аб абыходжанні з адходамі». У прыватнасці, гэтым законапраектам карэкціруюцца асноўныя тэрміны і вызначэнні ў галіне абыходжання з адходамі і ўдакладняюцца асноўныя прынцыпы і напрамкі дзяржаўнай палітыкі ў гэтай галіне: увядзенне прыярытэтнасці прадухілення, памяншэння аб’ёмаў утварэння адходаў у адносінах да іх выкарыстання, абясшкоджвання і пахавання і інш.

Эфектыўнае абыходжанне з адходамі ўносіць важны ўклад у дасягненне Рэспублікай Беларусь Мэт устойлівага развіцця 12, 13 і іншых МУР.

З больш падрабязнай інфармацыяй аб пасяджэнні можна азнаёміцца па спасылцы.