Рэалізацыю ініцыятывы «Кампанія, дружалюбная бацькам» абмеркавалі ў Мінску

9 снежня 2022 года ў Мінску прайшоў круглы стол «Аб рэалізацыі ініцыятывы «Кампанія, дружалюбная бацькам»: першы вопыт, праблемныя пытанні, перспектывы», арганізаваны Міністэрствам працы і сацыяльнай абароны пры падтрымцы Фонду ААН у галіне народанасельніцтва (ЮНФПА).

Падчас мерапрыемства прадстаўнікі дзяржаўных органаў і бізнес-супольнасці вывучылі вопыт арганізацый, якія ўжо далучыліся да рэалізацыі ініцыятывы «Кампанія, дружалюбная бацькам» і падзяліліся сваімі паспяховымі практыкамі і інструментамі для падтрымкі працуючых бацькоў.

Рэалізацыя ініцыятывы «Кампанія, дружалюбная бацькам» садзейнічае стварэнню спрыяльных працоўных месцаў і ўмоў працы для супрацоўнікаў-бацькоў, што ўносіць важны ўклад у дасягненне Рэспублікай Беларусь Мэты ўстойлівага развіцця 8, 10 і іншых МУР.

З больш падрабязнай інфармацыяй аб круглым стале можна азнаёміцца па спасылцы.