Рэгіянальны Форум па ўстойлівым развіцці праходзіць у Магілёве

24 – 25 лістапада 2022 года ў рамках Міжнароднага эканамічнага форуму «Млын поспеху» ў Магілёве пры падтрымцы ПРААН у Рэспубліцы Беларусь праходзіць ІІІ Магілёўскі рэгіянальны форум па ўстойлівым развіцці.

Праграмай форуму прадугледжана падвядзенне вынікаў абласнога конкурсу лепшых практык па рэалізацыі Стратэгіі ўстойлівага развіцця Магілёўскай вобласці на перыяд да 2035 года, а таксама правядзенне двух пленарных пасяджэнняў «Зялёны пераход да інклюзіўнага і ўстойлівага росту. Цыркулярная эканоміка і інавацыйныя механізмы зялёнага фінансавання» і «Рэгіянальнае ўстойлівае развіццё Магілёўскай вобласці». Удзельнікам форуму будуць прадстаўлены міжнародныя і рэгіянальныя трэнды развіцця цыркулярнай эканомікі, вопыт укаранення прынцыпаў зялёнай эканомікі і прасоўвання цыркулярнай эканомікі, дарожная карта па пераходзе да цыркулярнай эканомікі, а таксама рэгіянальны вопыт распрацоўкі і рэалізацыі стратэгій, ініцыятыў і праектаў устойлівага развіцця.

Правядзенне Магілёўскага рэгіянальнага форуму па ўстойлівым развіцці ўнясе ўклад у развіццё Магілёўскай вобласці, а таксама ў дасягненне Рэспублікай Беларусь Парадаку дня ў галіне ўстойлівага развіцця на перыяд да 2030 года.