Рэспубліка Беларусь прыняла ўдзел у Саміце па мерах у галіне змены клімату ў Нью-Ёрку

23 верасня 2019 г. Мiнiстр замежных спраў Рэспублікі Беларусь Уладзімір Макей прыняў удзел у адкрыцці Саміту па мерах у галіне змены клімату, які арганізаваны па ініцыятыве Генеральнага сакратара ААН Антоніу Гутэрыша на палях 74-й сесіі Генеральнай Асамблеі ААН.

Мэта Саміту – мабілізацыя палітычнай волі для ажыццяўлення Парыжскага пагаднення па клімаце і павышэнне ўзроўню амбітнасці мэтаў у барацьбе са зменай клімату. Саміт праводзіцца за год да таго, калі краіны павінны будуць прыняць на сябе дадатковыя нацыянальныя абавязацельствы ў дачыненні да клімату ў адпаведнасці з Парыжскім пагадненнем.

Беларускі бок цвёрда адданы пераходу да нізкавугляроднай устойлівай эканоміцы і накіраваў у Сакратарыят ААН заяву, паведаміўшы пра намер узяць на сябе безумоўнае абавязацельства да 2030 года скараціць выкіды парніковых газаў не менш чым на 35% у параўнанні з 1990 годам выключна за кошт уласных рэсурсаў. У ліку канкрэтных мер Беларусі на шляху да забеспячэння низкоуглеводного развіцця – больш шырокае выкарыстанне аднаўляльных крыніц энергіі, будаўніцтва энергаэфектыўнага жылля і развіццё электратранспарту, ўкараненне ў эканоміку нізкавугляродных і безвугляродных тэхналогій.

Міністр асобна вылучыў змяненне клімату як важную сёння для ўсёй планеты тэму: «Мы бачым, як на фоне пастаяннага росту насельніцтва планеты і, як следства, росту эксплуатацыі абмежаваных рэсурсаў Зямлі абвастраецца праблема змены клімату.

Напэўна, мы вельмі блізкія да кропкі незвароту, калі не будуць прыняты самыя рашучыя дзеянні. Пакуль жа намаганні міжнароднай супольнасці па скарачэнні выкідаў відавочна адстаюць ад дынамікі разбуральных працэсаў кліматычных зьменаў.

Кліматычны саміт, які прайшоў у штаб-кватэры ААН у гэтыя дні, дае надзею на кансалідацыю намаганняў сусветнай супольнасці і рэалізацыю значных ініцыятыў па зніжэнні выкідаў.

Беларусь як адказны ўдзельнік калектыўных намаганняў па барацьбе са зменай клімату мае намер узяць на сябе безумоўнае абавязацельства да 2030 года скараціць выкіды парніковых газаў не менш чым на 35% у параўнанні з 1990 годам выключна за кошт уласных рэсурсаў.

Магутны імпульс пераходу да нізкавугляроднай эканоміцы надаў запуск матывацыйнаму механізму, які прадугледжвае перадачу краінам, якія развіваюцца, перадавых ведаў і тэхналогій, а таксама кліматычныя інвестыцыі».

Саміт стаў сур’ёзным крокам наперад у рэалізацыі высокіх нацыянальных мэтаў і прыняцці мер прыватным сектарам на шляху да захавання асноўнага гранічнага тэрміну, звязанага з супрацьдзеяннем змене клімату, устаноўленага на 2020 год. 77 краін абавязаліся да 2050 года скараціць выкіды парніковых газаў да нуля, і яшчэ 70 дзяржаў абвясцілі аб тым, што яны альбо пашыраць свае нацыянальныя планы дзеянняў да 2020 года, альбо ўжо пачалі гэты працэс. Больш за 100 найбуйнейшых прадстаўнікоў дзелавой супольнасці, у тым ліку ўладальнікі актываў на суму больш за 2 трыльёнаў долараў, а таксама вядучыя кампаніі з сукупным капіталам, таксама перавышаючым 2 трыльёна даляраў, распачалі канкрэтныя дзеянні, каб стаць на шлях дасягнення пастаўленых у Парыжскім пагадненні мэтаў і паскорыць пераход ад шэрай эканомікі да зялёнай. Мноства краін і больш за 100 гарадоў, у тым ліку многія з найбуйнейшых гарадоў свету, абвясцілі аб новых значных і канкрэтных кроках у галіне барацьбы з кліматычным крызісам. Моладзевыя лідэры, у тым ліку Грэта Тунберг, заявілі аб неабходнасці прыняцця лідэрамі больш актыўных дзеянняў і выказалі сваю рашучасць прыцягваць лідэраў да адказу.

Даведачна: Мэта ўстойлівага развіцця 13 гучыць як «Прыняцце тэрміновых мер па барацьбе са зменай клімату і яе наступствамі». Змена клімату аказвае істотны ўплыў на эканамічнае развіццё, прыродныя рэсурсы і барацьбу з галечай. Выпрацоўка рашэнняў праблемы змянення клімату, якія не з’яўляюцца дарагімі і масштабуюцца, дасць магчымасць забяспечыць краінам здаровую і жыццяздольную эканоміку.