Сахараўскія чытанні на экалагічную тэматыку пройдуць у БДУ

18-19 мая 2023 года ва УА «Міжнародны дзяржаўны экалагічны інстытут імя А.Д. Сахарава» Беларускага дзяржаўнага ўніверсітэта пройдзе Міжнародная навуковая канферэнцыя «Сахараўскія чытанні 2023 года: экалагічныя праблемы XXI стагоддзя», прысвечаная ўплыву тэхнічнага працэсу на навакольнае асяроддзе і выпрацоўцы мер па зніжэнні негатыўнага ўздзеяння чалавека на прыроду. Канферэнцыя аб’яднае каля 250 выкладчыкаў з Беларусі, Расіі, Таджыкістана, Узбекістана і Кыргызстана.

У рамках мерапрыемства адбудуцца пленарнае пасяджэнне, тры круглыя сталы і дзевяць тэматычных секцый па абмеркаванні экалагічнай адукацыі, медыцынскай эпідэміялогіі і фізікі, радыяцыйнай біялогіі і радыеэкалогіі, экалагічнай хіміі, біяхіміі, біяфізіцы і малекулярнай біялогіі. Таксама ўдзельнікі абмяркуюць апошнія навуковыя дасягненні ў галіне энергаэфектыўных тэхналогій і энергетычнага менеджменту, інфармацыйных сістэм і тэхналогій у ацэнцы і кіраванні якасцю навакольнага асяроддзя.

Правядзенне Міжнароднай навуковай канферэнцыі «Сахараўскія чытанні 2023 года: экалагічныя праблемы XXI стагоддзя» зробіць унёсак у дасягненне Рэспублікай Беларусь Мэт устойлівага развіцця 4, 9, 13, 15 і іншых МУР.

З больш падрабязнай інфармацыяй аб канферэнцыі можна азнаёміцца па спасылцы.