5 мая 2025
У сучасным свеце, дзе доступ да інфармацыі адыгрывае ключавую ролю, рэльефна-графічныя дапаможнікі становяцца важным інструментам для забеспячэння інклюзіўнасці і роўных магчымасцей для людзей з інваліднасцю па зроку. Такія дапаможнікі складаюцца з тактыльныя карты, мадэлі, схемы і іншыя наглядныя матэрыялы, якія дапамагаюць лепш зразумець прасторавыя і геаграфічныя аб’екты, а таксама абстрактныя паняцці. Яны патрэбны ў першую чаргу адукацыйным установам, бо яны адыгрываюць важную ролю ў навучанні і сацыяльнай адаптацыі невідушчых і са слабым зрокам грамадзян.
Вядучае прадпрыемства Беларусі па вырабе ўсяго пераліку карт, атласаў, навучальных дапаможнікаў РУП «Белкартаграфія» рэгулярна асвойвае новыя напрамкі работы па стварэнню рэльефна-графічных дапаможнікаў. Ужо створаны шэраг эксперыментальных твораў. У іх ліку, тактыльная карта «Рэспубліка Беларусь. Фізічная карта» маштабу 1:1 500 000, схема «Планеты сонечнай сістэмы», атлас для 4-га класа «Чалавек і святло. Мая Радзіма Беларусь».
Усе распрацаваныя выданні прайшлі адаптацыю ў агульнаадукацыйнай школе «Спецыяльная агульнаадукацыйная школа № 188 для дзяцей з парушэннямі зроку», атрымаўшы станоўчую адзнаку.
Стварэнне ўмоў для адукацыі дзяцей з інваліднасцю па зроку ўносіць важны ўклад у дасягненне Рэспублікай Беларусь Мэт устойлівага развіцця 4, 10 і іншых МУР.
КАРТА САЙТА
