У Беларусі распрацавана Нацыянальная платформа справаздачнасці па дасягненні Мэтаў устойлівага развіцця

24 студзеня ў рамках першага Нацыянальнага форуму ўстойлівага развіцця Нацыянальны статыстычны камітэт прадставіў Нацыянальную платформу справаздачнасці па Мэтах устойлівага развіцця, якая стала вынікам працы па распрацоўцы сістэмы маніторынгу дасягнення Мэтаў устойлівага развіцця ў Беларусі.

Нацыянальная платформа справаздачнасці ўяўляе сабой комплекс з 255 паказчыкаў, выбраных для вымярэння прагрэсу ў дасягненні кожнай з задач у рамках МУР. На Платформе сабрана самая актуальная інфармацыя па кожным з паказчыкаў кожнай Мэты ўстойлівага развіцця. Дадзеныя прадстаўлены ў некалькіх фарматах (GSM, UMTS і LTE), утрымліваюць інфармацыю аб крыніцы і метадах падліку дадзеных, а таксама адлюстроўваюць мэтавыя і фактычныя значэнні па кожнаму паказчыку на бліжэйшыя гады.

«Ключавыя напрамкі руху ў эканамічнай, сацыяльнай і экалагічнай сферах альбо знаходзяць, альбо ўжо знайшлі адлюстраванне ў стратэгічных дакументах. І толькі наяўнасць якаснай і празрыстай сістэмы маніторынгу дае магчымасць ацаніць, куды мы рухаемся», — адкрываючы сесію, прысвечаную маніторынгу дасягнення Мэтаў устойлівага развіцця, адзначыла Іна Мядзведзева, Старшыня Нацыянальнага статыстычнага камітэта.

Дадзеныя, якія выкарыстоўваюцца для стварэння платформы, прыведзены ў адпаведнасць з сусветнымі стандартамі, што дазволіць Беларусі прадстаўляць свае паказчыкі на глабальным узроўні. Нацыянальная платформа і яе паказчыкі знаходзяцца ў адкрытым доступе, азнаёміцца з імі можна на сайце Белстата.