У Беларусі распрацаваны два інфармацыйныя парталы па аналізе дасягнення МУР у кожным рэгіёне краіны

20 снежня 2023

У рамках праекта міжнароднай тэхнічнай дапамогі «Умацаванне патэнцыялу нацыянальнай статыстычнай сістэмы Беларусі ў галіне збору, аналізу і распаўсюджвання дэмаграфічных даных для мэт устойлівага развіцця краіны» Нацыянальны статыстычны камітэт Рэспублікі Беларусь пры падтрымцы Фонду ААН у галіне народанасельніцтва (ЮНФПА) у Беларусі распрацаваў два новыя інфармацыйныя статыстычныя партала па прадастаўленні і аналізу рэгіянальных дадзеных у галіне дасягнення Мэт устойлівага развіцця:

• Інфармацыйна-аналітычная сістэма «Геастатыстыка». На партале прадастаўлена магчымасць у інтэрактыўным рэжыме фарміраваць графічную візуалізацыю прасторавых даных і звязаную з імі афіцыйную статыстычную інфармацыю, што дасць магчымасць з улікам дэзагрэгацыі даных праводзіць аналіз, навуковыя даследаванні, прымаць рашэнні, вызначаць напрамкі далейшай дзейнасці.

• Інфармацыйна-аналітычная сістэма «Платформа рэгіянальных дадзеных па ўстойлівым развіцці». Партал уяўляе сабой 139 паказчыкаў. 78 паказчыкаў супадаюць з нацыянальным пералікам і нацыянальнай платформай маніторынгу справаздачнасці па мэтам устойлівага развіцця. Яшчэ 61 паказчык адлюстроўвае спецыфіку развіцця рэгіёнаў. Гэтыя паказчыкі даюць магчымасць супастаўляць паміж сабой рэгіёны і рабіць рэйтынгавыя ацэнкі, а таксама ўбачыць, якія паказчыкі характэрны для аднаго або некалькіх рэгіёнаў.

Функцыянаванне інфармацыйных статыстычных парталаў «Геастатыстыка» і «Платформа рэгіянальных даных па ўстойліваму развіццю» будзе садзейнічаць развіццю рэгіёнаў і раёнаў Беларусі, павышэнню якасці жыцця людзей, што ўнясе ўклад у рэалізацыю Парадку дня ў галіне ўстойлівага развіцця на перыяд да 2030 года.

Версія для друку