У Беларусі стартаваў конкурс лепшых практык па рэалізацыі Стратэгіі ўстойлівага развіцця Магілёўскай вобласці да 2035 года

З мэтай уцягвання грамадскасці ў дасягненне задач і індыкатараў Стратэгіі ўстойлівага развіцця Магілёўскай вобласці на перыяд да 2035 года ААТ «Магілёўскае агенцтва рэгіянальнага развіцця» і абласная рабочая група па ўстойлівым развіцці праводзіць конкурс лепшых практык па рэалізацыі Стратэгіі ўстойлівага развіцця Магілёўскай вобласці на перыяд да 2035 года.

Намінацыі конкурсу:

• «Лепшая ідэя праекта па рэалізацыі СУР-2035»;
• «Лепшы рэалізаваны праект па дасягненні СУР-2035»;
• «За значны ўклад у рэалізацыю СУР-2035».

Прыняць удзел у конкурсе запрашаюцца юрыдычныя асобы любой формы ўласнасці, некамерцыйныя арганізацыі, індывідуальныя прадпрымальнікі, мясцовыя органы ўлады і/або іх структурныя падраздзяленні, а таксама ініцыятыўныя групы насельніцтва, якія распрацоўваюць і рэалізуюць ініцыятывы і праекты ў партнёрстве з мясцовымі органамі ўлады, іншымі арганізацыямі.

Заяўкі на ўдзел у конкурсе найлепшых практык па рэалізацыі Стратэгіі ўстойлівага развіцця Магілёўскай вобласці на перыяд да 2035 года прымаюцца да 29 снежня 2023 года.

З больш падрабязнай інфармацыяй аб конкурсе можна азнаёміцца па спасылцы.