У Беларусі стартаваў рэспубліканскі конкурс па скарачэнні выкідаў ад механічных транспартных сродкаў

Міністэрства прыродных рэсурсаў і аховы навакольнага асяроддзя сумесна з яго тэрытарыяльнымі органамі праводзіць рэспубліканскі конкурс па скарачэнні выкідаў ад механічных транспартных сродкаў.

Да ўдзелу ў конкурсе запрашаюцца суб’екты гаспадарання, якія эксплуатуюць 25 і больш адзінак механічных транспартных сродкаў. Справаздачу ўдзельніка конкурсу неабходна накіраваць у абласныя і Мінскі гарадскі камітэты прыродных рэсурсаў і аховы навакольнага асяроддзя да 15 лютага 2024 года.

Парадак арганізацыі і правядзення конкурсу вызначаны Інструкцыяй аб парадку правядзення рэспубліканскага конкурсу па скарачэнні выкідаў ад механічных транспартных сродкаў, зацверджанай Пастановай Міністэрства прыродных рэсурсаў і аховы навакольнага асяроддзя ад 29 жніўня 2019 г. № 27.

Правядзенне рэспубліканскага конкурсу па скарачэнні выкідаў ад механічных транспартных сродкаў уносіць уклад у дасягненне Рэспублікай Беларусь Мэт устойлівага развіцця 3, 13 і іншых МУР.