У Беларусі ўдзяляецца асаблівая ўвага пытанням змянення клімату

Пытанні аховы навакольнага асяроддзя і змянення клімату ў Рэспубліцы Беларусь адносяцца да ключавых напрамкаў дзяржаўнай палітыкі і закранаюць усе прыродныя кампаненты, экасістэмы, эканоміку, ахову здароўя, навуку, адукацыю і іншыя сферы.

Забеспячэнне экалагічнай бяспекі, пераход да рацыянальных мадэляў вытворчасці і спажывання замацаваны ў ключавых стратэгічных дакументах — Нацыянальнай стратэгіі ўстойлівага развіцця Беларусі на перыяд да 2035 года, Праграме сацыяльна-эканамічнага развіцця на 2021-2025 гады, Нацыянальным плане дзеянняў па развіцці «зялёнай» эканомікі і іншых стратэгіях, планах і праграмах.

За апошнія гады сістэма кіравання навакольным асяроддзем у Беларусі паказала сваю эфектыўнасць. Гэта прасочваецца на прыкладзе прадпрыемстваў, якія паслядоўна ўкараняюць энергаэфектыўныя тэхналогіі, працуюць над зніжэннем аб’ёму ўтварэння адходаў і іх перапрацоўкай, уцягваннем у паліўны баланс аднаўляльных крыніц энергіі, ствараюць новыя магчымасці для дадатковай занятасці насельніцтва. У краіне адзначаецца скарачэнне скіду недастаткова вычышчаных сцёкавых вод у паверхневыя водныя аб’екты і выкідаў забруджвальных рэчываў у атмасфернае паветра. Так, у 2021 годзе Беларусь скараціла выкіды парніковых газаў на 57,8%, што ў паўтара раза больш за ўзятае абавязацельства скараціць выкіды парніковых газаў на 35% да 2030 года ад узроўню 1990 года. Узровень выкарыстання цвёрдых камунальных адходаў за дзевяць месяцаў 2023 года ў Беларусі склаў 35,5%. Амаль дасягнуты мэтавы параметр па вытворчасці першаснай энергіі з аднаўляльных крыніц энергіі — 9% да агульнага аб’ёму валавога спажывання паліўна-энергетычных рэсурсаў у 2035 годзе. Таксама, у Беларусі развіваецца электратранспарт і адпаведная інфраструктура, «зялёнае» будаўніцтва, лічбавая трансфармацыя галін эканомікі, расце плошча лясоў, аднаўляюцца балотныя экасістэмы.

З больш падрабязнай інфармацыяй аб кліматычным парадку дня Беларусі можна азнаёміцца па спасылцы.