18 лістапада 2023
16 лістапада 2023 года ў Бабруйску на пляцоўцы Цэнтра прыцягнення Igrow ААТ «Белаграпрамбанк» адбыўся фінал конкурсу бізнес-ідэй EnCobi.
Мэта конкурсу – выяўленне і падтрымка рэалізацыі перспектыўных бізнес-ідэй і праектаў у рэгіёнах, падтрымка інавацыйнага прадпрымальніцтва, стымуляванне развіцця МСП.
Для ўдзелу ў конкурсе паступіла больш за 200 бізнес-ідэй. У фінал выйшаў 21 праект. Пераможцы і прызёры выбраны па дзвюх намінацыях: «Лепшая бізнес-ідэя» і «Лепшая маладзёжная бізнес-ідэя». Першае месца ў маладзёжнай намінацыі атрымаў сучасны праект у галіне медыцыны – выкарыстанне штучнага інтэлекту для аналізу рэнтгенаўскіх здымкаў. Пераможца ў намінацыі «Лепшая бізнес-ідэя» – праект па вырабе будаўнічых пліт з адходаў пенапалістырола або выкарыстаных шкляначак для піцця.
Правядзенне конкурсу бізнес-ідэй EnCobi садзейнічае раскрыццю патэнцыялу маладых і таленавітых людзей Беларусі і ўносіць уклад у дасягненне Рэспублікай Беларусь Мэт устойлівага развіцця 8, 9 і іншых МУР.
КАРТА САЙТА
