У Беларусі зацверджана Канцэпцыя развіцця сістэмы адукацыі Беларусі да 2030 года

Пастановай Савета Міністраў ад 30 лістапада 2021 г. №683 зацверджана Канцэпцыя развіцця сістэмы адукацыі краіны да 2030 года.

Канцэпцыяй развіцця сістэмы адукацыі краіны да 2030 года вызначаны мэты, асноўныя задачы, напрамкі развіцця, спосабы дасягнення мэт і рашэнні асноўных задач:

• дашкольнай адукацыі;
• агульнай сярэдняй адукацыі;
• спецыяльнай адукацыі;
• прафесійна-тэхнічнай і сярэдняй спецыяльнай адукацыі;
• вышэйшай адукацыі;
• дадатковай адукацыі дзяцей і моладзі;
• дадатковай адукацыі дарослых;
• кадравага забеспячэння сістэмы адукацыі;
• цыфравізацыі сістэмы адукацыі;
• выхаваўчай працы;
• эканомікі адукацыі.

Для забеспячэння якасці адукацыі пастановай Савета Міністраў Рэспублікі Беларусь ад 4 снежня 2021 г. №693 узгоднена стварэнне Міністэрствам адукацыі Рэспублікі Беларусь Нацыянальнага агенцтва па забеспячэнні якасці адукацыі.

Зацвярджэнне Канцэпцыі развіцця сістэмы адукацыі краіны да 2030 года, а таксама стварэнне Нацыянальнага агенцтва па забеспячэнні якасці адукацыі ўносяць істотны ўклад у дасягненне Рэспублікай Беларусь Мэты ўстойлівага развіцця 4 і іншых МУР.

З больш падрабязнай інфармацыяй аб Канцэпцыі і Нацыянальным агенцтве можна азнаёміцца па спасылках: https://pravo.by/novosti/novosti-pravo-by/2021/december/67555/, https://pravo.by/novosti/novosti-pravo-by/2021/december/67613/.