У Магілёве падвялі вынікі XVIII конкурсу бізнес-праектаў

30 снежня 2024

13 снежня 2024 года ў Магілёве ў рамках Mogilev Invest Day 2024 адбылося падвядзенне вынікаў XVIII конкурсу бізнес-праектаў. Мэта конкурсу бізнес-праектаў – уцягванне моладзі ў працэсы, накіраваныя на развіццё бізнес-асяроддзя і павышэнне эфектыўнасці рэальнага сектара эканомікі.

З 41 праекта, пададзенага на конкурс, пераможцамі сталі наступныя 6 праектаў:

1. «Каб памяць жыла» Максіма Інучанка (Магілёўскі політэхнічны каледж);
2. вырошчванне мікразелені «Белэкакут» Мікалая Часнакова і Ангеліны Марозавай (Магілёўскі гандлёвы каледж);
3. касметычны салон «Аркан прыгажосці» Кацярыны Вінаградавай, Марыі Салаўёвай, Дар’і Хандрыка (Беларускі дзяржаўны ўніверсітэт харчовых тэхналогій);
4. праграма «Удасканаленне кадравага забеспячэння бізнесу» Арцёма Багданава (МДУ імя А.А.Куляшова);
5. вытворчасць агароднінных цукатаў «Краснапольскія паранкі» Кацярыны Чысцяковай (Магілёўскі эканамічны прамыслова-тэхналагічны каледж);
6. адаптыўныя тэхналогіі пры кантактнай рэльефнай зварцы Антона Сяргейчыка (аспірантура Беларуска-Расійскага ўніверсітэта).

Бізнес-праекты былі прадстаўлены ў такіх намінацыях як:

• удасканаленне ўзаемадзеяння дзяржавы і бізнесу;
• укараненне практык устойлівага развіцця ў бізнес;
• кааперацыя буйных прадпрыемстваў і малога бізнэсу;
• удасканаленне кадравага забеспячэння бізнесу;
• развіццё жаночага прадпрымальніцтва і інавацыйнага бізнэсу.

У мерапрыемстве, арганізаваным Магілёўскім аблвыканкамам пры падтрымцы ПРААН у рамках праекта «Падтрымка намаганняў Рэспублікі Беларусь у нацыяналізацыі і лакалізацыі МУР», які фінансуецца Расійскай Федэрацыяй, прынялі ўдзел 86 чалавек, 46 з якіх – жанчыны. У ліку ўдзельнікаў прадстаўнікі Магілёўскага аблвыканкама, райвыканкамаў, бізнэсу, навучальных устаноў, маладыя прадпрымальнікі.

Правядзенне конкурсу бізнес-праектаў робіць уклад ва ўстойлівае развіццё Магілёўскай вобласці, а таксама ў дасягненне Рэспублікай Беларусь Мэт устойлівага развіцця 8, 11 і іншых МУР.

Версія для друку