У Мінску абмеркавалі сучасныя выклікі ў лячэнні і прафілактыцы ВІЧ-інфекцыі

1-2 снежня 2022 года ў Мінску прайшла канферэнцыя «Здароўе і дабрабыт людзей, якія жывуць з ВІЧ і людзей, уразлівых да ВІЧ перад абліччам сучасных выклікаў», прымеркаваная да Сусветнага дня барацьбы са СНІДам, які штогод адзначаецца 1 снежня.

Падчас канферэнцыі ўдзельнікі абмеркавалі эпідэміялагічную сітуацыю па ВІЧ-інфекцыі, асноўныя задачы прафілактыкі, дыягностыкі і лячэння ВІЧ, новыя выклікі ў барацьбе з ВІЧ-інфекцыяй, роля сацыяльнай камунікацыі ў лячэнні і прафілактыцы ВІЧ і іншыя пытанні. Праграма канферэнцыі ўключала правядзенне:

• панэльных дыскусій: «Прафілактыка ВІЧ-інфекцыі», «Лячэнне і дыягностыка ВІЧ-інфекцыі», «Сацыяльная інтэграцыя людзей, якія жывуць з ВІЧ»;
• секцыйных пасяджэнняў: «Інавацыі ў галіне прафілактыкі, лячэння, дыягностыкі і догляду ў сувязі з ВІЧ: агляд і ацэнка пілотных ініцыятыў», «Пытанні развіцця прававога асяроддзя і пераадолення стыгмы ў кантэксце ВІЧ», «Падтрымка ўстойлівага фінансавання і эфектыўнай рэалізацыі праграм у сувязі з ВІЧ, стратэгія пераходу да дзяржаўнага фінансавання мер у адказ на ВІЧ», «Кансорцыум арганізацый пад кіраваннем супольнасцяў для падтрымкі ўстойлівага фінансавання і эфектыўнай рэалізацыі праграм у сувязі з ВІЧ»;
• Школы сацыяльнай камунікацыі.

Па дадзеных на 1 лістапада 2022 года ў Беларусі з ВІЧ-станоўчым статусам пражывае больш за 24 тысячы чалавек, з якіх 87% праходзяць антырэтравірусную тэрапію.

Павышэнне дасведчанасці насельніцтва аб ключавых мерах прафілактыкі і метадах дыягностыкі ВІЧ/СНІДу, а таксама стварэнне сацыяльнага асяроддзя, якое выключае стыгматызацыю ў адносінах да ВІЧ/СНІДу, уносіць важны ўклад у дасягненне Рэспублікай Беларусь Мэт устойлівага развіцця 3, 10 і іншых МУР.