У Мінску прайшоў II Рэспубліканскі форум юных сяброў МУР

24 траўня 2024г. у рамках адукацыйнага праекта «Урокі ўстойлівага развіцця» на базе ўстановы адукацыі «Беларускі дзяржаўны педагагічны універсітэт імя Максіма Танка» адбыўся II Рэспубліканскі форум юных сяброў МУР.

У рамках форуму прайшоў метадычны АУР практыкум, МУР-марафон і прэзентацыя маладзёжных сацыяльна-значных ініцыятыў, рэалізаваных удзельнікамі рэспубліканскага конкурсу «Юныя сябры МУР».

Усяго ў 2023-2024 навучальным годзе ўдзельнікамі праекта «Урокі ўстойлівага развіцця» сталі 340 навучэнцаў профільных класаў педагагічнай накіраванасці з 59 установы агульнай сярэдняй адукацыі з усіх рэгіёнаў краіны. Удзел у праекце «Урокі ўстойлівага развіцця» дазволіў школьнікам разабрацца ў сэнсах устойлівага развіцця, усвядоміць уласную ролю ў дасягненні МУР, набыць вопыт рэалізацыі сацыяльна-значных ініцыятыў.

Больш інфармацыі аб II Рэспубліканскім форуме юных сяброў МУР даступна па спасылцы.